هو اللى عايز يسافر يعمل اية

**midoabdeen** · 30-01-2012 01:36 AM

يا جماعة انا تعبت جدا من البلد دى وعايز اسافر ابدا حياتى برا فى اى دولة تانية
يكون مستوى المعيشة كويس
انا خريج نجارة عين شمس ولسة مستنى الجيش بس بفكر انى لما اخلص الجيش انى اشوف اى فرصة برا مصر ادا بيها حياتى
لانى بصراحة كدة قرفـــــــــــــت من كل حاجة هنا
اية المطلوب منى كورق وفلوس وكمان متطلبات سوق العمل فى الخارج
ياعنى من الاخر انا عايز اتغل الفترة دى فى انى اعد نفسى لاى فرصة تتوفر ليا برة عن طريق المعارف وكدا او حتى اى شركة
وحدش يقولى اصل الغربة وحشة والكلام دا كلة لان الغربة عمها ما هاتكون اسود من اللى احنا عايشين فية

ياريت اللى يعرف اى معلومة مايبخلش عليا بيها

**Screenplays** · 30-01-2012 02:56 AM

انت عندك كام سنه ؟ خريج ايه ؟ اخبار الانجليزي معاك ايه ؟ معاك كام ؟ هتقدر تستحمل السقعه و العيشه هناك ؟ جاوب علي الاسئله دي و ان شاء الله اقدر اساعدك

**fiat128man** · 30-01-2012 03:27 PM

المشاركة الأصلية كتبت بواسطة midoabdeen

يا جماعة انا تعبت جدا من البلد دى وعايز اسافر ابدا حياتى برا فى اى دولة تانية
يكون مستوى المعيشة كويس
انا خريج نجارة عين شمس ولسة مستنى الجيش بس بفكر انى لما اخلص الجيش انى اشوف اى فرصة برا مصر ادا بيها حياتى
لانى بصراحة كدة قرفـــــــــــــت من كل حاجة هنا
اية المطلوب منى كورق وفلوس وكمان متطلبات سوق العمل فى الخارج
ياعنى من الاخر انا عايز اتغل الفترة دى فى انى اعد نفسى لاى فرصة تتوفر ليا برة عن طريق المعارف وكدا او حتى اى شركة
وحدش يقولى اصل الغربة وحشة والكلام دا كلة لان الغربة عمها ما هاتكون اسود من اللى احنا عايشين فية

ياريت اللى يعرف اى معلومة مايبخلش عليا بيها

السعوديه بتطلب محاسبين علي طوول ...انا عملت انترفيو واتصلو بيا في نفس اليوم علي 1700 ريال بس انا مش هسافر الا ومعايا خبرة ........في مكتب توظيف في الدقي .

**amrelsaqqa** · 30-01-2012 03:50 PM

المشاركة الأصلية كتبت بواسطة fiat128man

السعوديه بتطلب محاسبين علي طوول ...انا عملت انترفيو واتصلو بيا في نفس اليوم علي 1700 ريال بس انا مش هسافر الا ومعايا خبرة ........في مكتب توظيف في الدقي .

اهم حاجة
ما تحسبهاش بطريقة ان 1700 ريال = 2500 جنيه مصرى وتفرح بالرقم

**midoabdeen** · 30-01-2012 06:09 PM

المشاركة الأصلية كتبت بواسطة Screenp
lays;3874081399

انت عندك كام سنه ؟
21 years
خريج ايه ؟
faculty of commerce
اخبار الانجليزي معاك ايه ؟
not v.good and not bad
معاك كام ؟
about 10000

هتقدر تستحمل السقعه و العيشه هناك ؟
yes i can
جاوب علي الاسئله دي و ان شاء الله اقدر اساعدك
i'm sorry for english but my keyboard yet wiritting english only

**Screenplays** · 30-01-2012 06:46 PM

موقفك ايه من الجيش طالما 21 سنه ؟
شهادتك متسواش بصله في نظرهم حتي لو معاك بكالوريوس طب بتقدير امتياز
و انا كنت بسأل بس عشان مش هيدوا اي فيزا من اي نوع
الا لو معاك بكالوريوس او ليسانس
معاك 10000 ايه بالظبط ؟ مصري و لا دولار ؟

**amoor89** · 30-01-2012 06:51 PM

نصيحة أخوية ما تستعجلش فى موضوع السفر وما تفتكرش انك هتطلع بره هتلاقى مرتبات تمام والحياة وردى
المرتبات عموما ضعيفة جدا بدون وجود خبرة سابقة
مثلا فى السعودية عشان انت خريج جديد فممكن تلاقى عقد ب 1500 او 1700 ريال بالكتير ما تستكترش المبلغ لان الحياة هناك غالية اكتر من مصر كمان انت عايز فى الشهر مش اقل من 1000 ريال مصاريف ممكن يبقى من ضمنها السكن يبقى هتوفر ايه ولا شىء مقابل الغربة والسنين اللى هتضيع من عمرك على مبلغ هتلاقيه تافهه فى الاخر بعد ما تحسبها بعقل
دور على شغل بعد الجيش وما تيأسش خد خبرة على الأقل سنتين وبعد كده سافر وعلى مرتب يكون يستاهل وتقدر تعمل مبلغ كويس
تحياتى

**midoabdeen** · 30-01-2012 07:04 PM

والله مع احترامى لرائ حضرتك اللى انا شخصيا مقتنع بية على فكرة
بس المشكلة ان الواحد شايف الحياة سودا فعلا
ومش من الناحية المادية فقط لا المشكلة فى الاخلاقيات ومستوى المعيشة والشغل والفلوس
والمشكلة انك حتى لو معاك فلوس ومرتاح باردوا هاتفضل عايش فى مجتمع بدون اخلاقيات

**midoabdeen** · 30-01-2012 07:09 PM

المشاركة الأصلية كتبت بواسطة screenplays

موقفك ايه من الجيش طالما 21 سنه ؟
شهادتك متسواش بصله في نظرهم حتي لو معاك بكالوريوس طب بتقدير امتياز
و انا كنت بسأل بس عشان مش هيدوا اي فيزا من اي نوع
الا لو معاك بكالوريوس او ليسانس
معاك 10000 ايه بالظبط ؟ مصري و لا دولار ؟

موقفى من الجيش لسة هاقدم شهر 4 لانى كنت دور اكتوبر
انا عارف ان شهادتى مالهاش لازمة بس انا مش عايز اروح علشان اشتغل فى مجال تانى غير دراستى ياعنى مش عايز اروح اشتغل عامل والكلام دا
بالنسبة للفلوس دا رقم مبدئى وهو بالجنية ووقت الكلام الفعلى هايبقى فى كلام تانى
وكمان انا ليا معارف كتير فى السعودية ودبى
هل لو الواحد كلمهم هايفيدونى بحاجة

**wael30003** · 30-01-2012 07:23 PM

هاقولك نصيحة واسمعها منى لأنى اكبر سنا منك واتخرجت قبلك ب 16 سنة كلية تجارة برده
ممكن تشتغل 3 سنوات فى مكتب محاسبة محترم ومش مهم هتاخد كام المهم الخبرة وياريت لو تقوى نفسك فى اللغة يعنى تمسك كتاب تجارة english تترجمه مش بسرعة حتى لو كل يوم صفحة فى المحاسبة المالية
طبعا الكلام لو سمعته هتقول انا لسه هاعمل واتدرب واشتغل ويا فرصة جت او ماجتش
قال الله تعالى (ان الله لا يضيع اجر من احسن عملا)
اتعب الاول وبعدين دور انت لسه شاب وفريش
وما تسمعش لاى حد يحاول يحبطك هتلاقى منهم كتير زى الهم على القلب
السفر فى الخارج على 1700 ريال مش هيكفوك دى غير المعاملة السيئة والمهينة فى البلاد العربية
وفى البلاد الاوروبية مش مضمون اى حاجة طالما مفيش هدف محدد اوشغل محدد تسافر عشانه
ودايما تذكر قول الله تعالى
(ان الله لا يضيع اجر من احسن عملا )
ده ربنا اللى بيقول مش اى حد تانى
اتعب الاول وبعدين ان شاء الله اكيد هتلاقى الخير ات لا محالة
قوم صلى ركعتين كده وادى ربنا يقويك وتوكل على الله وابدأ المشوار وربنا هيقويك بأذن الله