الرسلة دى جاتلى على الفيس بوك بعنوان (قررت إغلاق الجروب)
من أدمن الجروب ده على الفيس بوك
أنقذوا دمياط من الدمار
Save Dumyat From AGRIUM ....
وده نص الرسالة
يا جماعة موضوع مصنع أجريوم بعد اللي حصل علي مر الشهور الماضية إتضح لي ان المحرك الاساسي والخفي للحملة ضد المصنع مش علشان البيئة وصحة المواطنيين والكلام اللي عامللين يقولوه في الجرايد والتليفزيون ده من عند أصحاب المصالح رجال الأعمال الكبار قوي ورجالة الحزب الوطني اللي إشتروا الارض اللي في مدخل مدينة رأس البر من محافظة دمياط منذ عاميين الناس دي ورجال الحزب الوطني هما اللي اشتروا الارض بملايين الجنيها وعلشان كده الارض بتاعتهم سعرها نزل وبقت اسعارها اقل من اللي توقعوه علشان كده بيدافعوا عن فلوسهم مش عن البيئة ولا صحة المواطنيين
والدليل علي كده ان مصنع موبكو اللي جوه الميناء وبينه وبين مصنع اجريوم 500 متر محدش من الناس الكبار دول اللي بيحركوا القضية بتاع اجريوم اتكلم عن مصنع موبكو خالص ولو مصنع اجريوم اتنقل الرجالة دول هيقولوا للشعب الدمياطي خلاص التلوث راح ومصنع موبكو غير مضر بالبيئة رغم انه زي مصنع اجريوم بالضبط بالعكس التكنولوجيا المستخدمة لتأمين المصنع اقل من تكنولوجيا مصنع اجريوم
وكمان علشان تقتنع الاعلانات اللي اتنشرت في المصري اليوم ضد المصنع اتنشر اكثر من اعلان ثمن الاعلان الواحد حوالي 300 الف جنية مصري وبعدين الحملة واليفط والاجتماعات كلها من تمويل رجال اعمال معيينين ومعروفين بعينهم لان محدش جمع تبرعات للحملة من الشعب في دمياط يعني الفلوس كلها من جيوب ناس بتصرف علي الحملة والاجتماعات والمؤتمرات واليفط والملصقات والناس دي ليها مصلحة لان اراضيهم اسعارها قلت
ولذلك لو فكرت في الامر بموضوعية هتلاقي ان الموضوع مش موضوع بيئة ولكن موضوع مصالح والشعب الدمياطي مضحوك عليه في الموضوع ده
-----
ولذلك قررت عدم الانصياع للحملات اللي ضد المصنع وبكلام رجال الاعمال اللي همهم علي مصالحم واراضيهم وملايينهم وقررت وقف الجروب والحملة بتاعتتي ضد المصنع لانني غير مقتنع باسباب الحملة ضد المصنع
--------------------------------
تفتكروا الكلام ده ممكن يكون صحيح
يعنى احنا بيدحك علينا كل ده
انا مش فاهم حاجخ خالص