الموضوع: للناس اللي بتسأل عن سرقة اللوجان .. تعالوا نتعرف ع الايموبيلايزر

المشاركة الأصلية كتبت بواسطة wassim_nasser

تسلم ايدك علي الفيديوهات يا محمود وكده الموضوع بقى كامل تقريبا و واضح لجميع الاعضاء بس انا عايز أوضح حبه حاجات :
أول حاجه انى مش دارس موضوع الايموبيلايزر بتبحر عشان اقدر أفتى فيه وإنما علي أد معلوماتي حاولت أفيد الناس ودوري كان ترجمة المعلومات من الويكيبديا وتبسيطها عشان تكون مفهومة لجميع الاعضاء .. كل الكلام اللي كتبته مظبوط بس انا نسيت أوضح معلومة .. الايموبيلايزر نزل منه موديلات تختلف امكانياتها باختلاف فئة العربية .. يعنى عربيتنا الجميلة لوجي الايموبيلايزر بتاعها بسيط ومافيهوش امكانيات كتير وبيعتمد علي كود واحد لكل عربية fixed code .. وده بيتعرف عليه الecu بتاع العربية و العربية بتدور .. في الموديلات الاحدث من العربيات زي البى إم و الأودى الايموبيلايزر بيكون أحدث حبتين .. ومع كل مرة بتفتح فيها العربية بالسنتر الكومبيوتر بيتعرف ع الكود الموجود ف المفتاح و بيغيره لكود تانى بحسبه لوغاريتمات معقده (عشان كده سموه rolling code ) و مع كل تدوير او تبطيل للعربية الكود بيتغير عشان كده مكتوب ان في منتهى الصعوبه انك تاخد الشفره من ال ecu

تانى حاجه ان موضوع السيراتو ده كتر فيه القيل والقال وماحدش بقي عارف الحقيقة فين بس احد الاعضاء كان بيقول ان فيه كود مكتوب ع المراية بتاعت الصالون وعن طريق الكود ده قدروا يجيبوا شفره مفتاحها و يعملوا مفاتيح متشفرة بس برضه ارجع واقولك الله أعلم

يا وسيم كلنا بنجتهد و كلنا بنحاول نفيد بعض باللي نقدر عليه

يعني انا مكنتش اعرف ان فيه نوع بيتغير الكود بتاعه كل شوية و انت فيدتني بيه

بالنسبة لموضوع السيراتو ده بيبقى رقم الvin بيبقى موجود على الزجاج الاميمي و الله اعلم مدى صحة الموضوع من عدمه بس اللي مخليني مطمن هو ان الvin بتاعنا بين الباب و شاسيه العربية من الباب اللي جنب السواق محطوط على صاجة زي بتاعة الموتور كدة و محفورة عليها فده ميبانش الا لو الباب مفتوح ده لو موضوع الvin ده صحيح