للناس اللي بتسأل عن سرقة اللوجان .. تعالوا نتعرف ع الايموبيلايزر
وعشان نفهم حكاية الايموبيلايزر اكتر نحاول نفصلها .. المعلومات دي من الويكيبديا :
الايموبيلايزر هو جهاز مرتبط بال ECU (engine control unit) اللي هى شريحة الكومبيوتر اللي بتتحكم في موتور العربية وده بيخليه غير قابل للفصل زي كومبيوتر العربية وعداد الكيلومتر .. بالاضافه لأنه بيقفل بوابه تنك البنزين و يمنع تدفق البنزين للصمامات ECU will not allow fuel to flow
تانى حاجه لازم نعرفها ان الايموبيلايزر بيمنع ال hot wiring : يعنى توصيل سلكتين الكونتاكت اللي بيقفلوا الدايرة و يخلوا الكونتاكت ف وضع التشغيل
تالت حاجه ان الايموبيلايزر بيعتمد علي خاصية rolling codes أو ليها مسمى تانى و هو cryptography و هى ان الايموبيلايزر بيغير الشفرة الموجودة ف مفتاح العربية مع كل تبطيل وتدوير للعربية وبالتالي صعب جدا الشفرة اللي ف كومبيوتر العربية ECU أو اللي علي مفتاح العربية ignition key تتسرق أو يتعمل منها نسخة .
جدير بالذكر ان الايموبيلايزر بدأ ينزل ف العربيات الاوروبى من اول سنة 1998
دي شوية معلومات كده ع السريع تلخص الموضوع و يارب اكون قدرت أفيدكم