الموضوع: طريق العذاب ( القاهرة السويس سابقاً )

معلش في خطأ مطبعي هههههههههه
انا كتبت كمين الشردة معلش اقصد كمين الشرطة .... دول حبايبنا وعلى عينا و راسنا .

مشكلة تخطيط من المقام الأول

لما تبنى مدينة جديدة زى القاهرة الجديدة وما تحتوى عليها من تجمعات ضخمة زى الرحاب ومدينتى والتجمع الخامس

ويكون الدخول والخروج لمدينة متوقع لها ان تصل ل 4 مليون نسمة هو طريق مصر السويس

اللى عبارة عن حارتين فى كل اتجاه

والمصيبة الكبرى ان الخروج من القاهرة الجديدة باتجاه مصر الجديدة ومدينة نصر لازم تعمل يو تيرن

بنوا المدينة وقربت تخلص ومافيش جهبز اقترح

ان الطريق مصر السويس لازم يتوسع

الحل الفورى للطريق حاليا

توسعة الطريق ليصبح 4 حارات فى كل اتجاه مع انشاء كبارى علوية عند مناطق الدخول والخروج من منطقة القاهرة الجديدة والشروق

انشاء طريق موازى لطريق القاهرة السويس مخصص للشاحنات والنقل الثقيل فقط ويمنع مرور النقل الثقيل على الطريق الاصلى

اعتماد ميزانية انشاءوتطوير الطريق من المطوريين الكبار بناء على حجم الرحلات اللى بتولدها مشاريعهم

باشا مهندس انا شغال فى مدينه الشروق من 2006 وكنت مبسوط جد من الطريق لانى ساكن فى مصر الجديدة والطريق من البيت للشغل كان بياخد 35دقيقة بس للاسف من ساعة الثورة ايه اللى حصل بقى عربيات النقل اصبحت بتجرى جرى رهيب علشان مفيش ردار ولا لجان وبرضة عربيات السرفيس وكانت لما تبقى جايه من السويس وداخله على كمين الشرطه كانت بتمسك يمنيها دلوقتى ملهوش دعوة ماسك شماله ولا همه اى حد ونيجى بقى لمشكله صيانه الطريق الحته اللى عامله مشكله فى طريق العودة للقاهرة بقالها شهرين وهى قدام مخازن الشرطه وهى عبارة عن حفرة كبيرة مرمى فيها طوب دبش ومليانه ميه واللى الواحد مش فاهمه ان هى قدام مخازن الشرطه يعنى اى مسئول فيها يقدر يتابع ويكلم الحى ويشوف المشكله ويحلوها وبرضه المشكله بتاعت الميه اللى قدام ورش الشرطه اللى قبل المخازن من فتر للثانيه الماسورة تضرب وبرضه كله مكبر دماغة فى حين ان الحل بسيط وسهل الشرطه عندها عماله وعندها القدرة على استدعاء المحليات لعلاج المشكله ويريحوا الناس ويحلوا ازمه بقالها شهرين بس فين بقى المسئول اللى قادر على الاتصال كله تبع تكبير الدماغ للاسف الطريق دة كان ممتاز ايام مكان البهوات الوزراء المحبوسين كانوا بيعدوا عليه كان ايه ولاحفرة ولامطب ولا اى حاجه

انا برضه ساكن في مدينتي وبعاني اشد المعاناه من الطريق ده والمشكله فعلا ان الواحد مضطر ان يستخدم الطريق كل يوم تقريبا لحد ما كرهت السكن بالرغم من تميز المكان نفسه