الموضوع: عاوز تتبع سنة ... وتجتنب معصية ...من غير ما تتكلف شيء ممكن تعمل كده

للأسف العادات المنتشرة في المجتمع فيها الكثير مما يخالف السنة ... بل ومنها ما هو حرام ومنها ما هو مكروه .....
دي حاجة بسيطة جدا لو عملتها تكون ابتعدت عن معصية أو علي الاقل شبهه .. و تكون احييت سنة من سنن النبي عليه الصلاة والسلام ... ولن تتكلف شيئا
الموضوع ببساطة هو مصافحة الرجال للنساء
-عن معقل بن يسار عن رسول الله صلى الله عليه وسلم قال : لأن يطعن في رأس أحدكم بمخيط من حديد خير له من أن يمس امرأة لا تحل له " حديث حسن حسنه الألباني في السلسلة الصحيحة.

-عن عائشة رضي الله عنها قالت: ما مس رسول الله صلى الله عليه وسلم يد امرأة قط. أخرجه البخاري ومسلم

-من عادة العرب قديماً أن تنعقد البيعة بالمصافحة، وكان رسول الله صلى الله عليه وسلم إذا بايع أصحابه على شيء صافحهم، فلمّا بايع النساء، ومددن أيديهن لمصافحته صلى الله عليه وسلم، قبض يده ولم يصافحهن. - احاديث وردت بذلك في البخاري ومسلم
والروايات في هذا المعني كثيرة ومذكورة في كتب الاحاديث الصحيحة باكثر من رواية واكثر من سند
يعني ببساطة ممكن لما تقابل نساء .. سواء اقاربك او جيرانك او زملائك في العمل او اي نساء اجنبيات ( غير محارم ) ان يكون السلام بالكلام فقط من غير مصافحة
تبقي اتقيت الشبهه وابتعدت عن معصية واتبعت السنة... من غير ما تتكلف اي شيء
وعن تجربة حاول تطبق الموضوع ده ...
في الاول ح تلاقي النساء اللي متعودين يصافحو الرجال ممكن تمد ايدها لك وتلاقي نفسك محرج ...الحل :
ممكن قبل ما تمد ايدها عشان تصافحك تنبهها بلطف وانت مبتسم انك مش بتسلم علي الستات ...
ممكن يكون معاك منديل قماش ... لو لقيت الموضوع ح يبقي محرج جدا واضطريت لذلك في بداية الامر .. طلع المنديل و خليه حائل بينك وبينها ...
وممكن زوجتك تنبههن الي ذلك قبل ما يمدو ايدهن للسلام
وبعد كدة ح تلاقي الستات كلها اللي بتتعامل معهن اتعودو علي انك مش بتصافح النساء وح يسلمو عليك بالكلام فقط
وطبعا الكلام موجه لأخواننا الرجال وكذلك الي اخواتنا النساء

يمكن العادات الاجتماعية بيبقي صعب تغيرها ... لكن دي سنة النبي عليه الصلاة والسلام والاحاديث في ذلك صحيحة وواضحة
ولو العادات الاجتماعية تعارضت مع السنة ...... يبقي السنة هي التي تطبق والعادات تتغير .......

لسة من ايام حصلي موقف محرج جدا فكرني بالموضوع ده
كنت رايح اقابل ناس في شغل ... المقابلة كانت في فندق
والراجل كانت زوجته فرنسية ...ومتعودة تسلم وتبوس كمان كما هي عادة الاوربيين ... وانا ما اعرفش اساسا ان زوجته معاه او انها فرنسية وفوجئت بالموقف .... وانا سلمت علي الراجل والراجل اللي كان معاه وواقف بعيد عنها و بالسلم عليها بهز رأسي من بعيد ....
وطبعا هيا راحت واقفة وماده ايدها علطول ....
المهم ....
روحت مدخل ايدي في كم الجاكت وسلمت عليها من جوه الجاكت ..... وطبعا عمال اعتذرلها واوضح لها الموضوع ... وهي مش بتتكلم انجليزي .... وانا مش باتكلم فرنساوي .... وانا بقيت زعلان انها احرجت
لكن لما زوجها شرحلها الموضوع تقبلت الموضوع ببساطة ....
بس كان موقف محرج جدا