استفسار عن باب شقه متين وامان

**icahmed** · 01-02-2012 01:32 PM

الايطالي غالي جد بس فيه منه بكود زي الخزنة كدة وفية بالبصمة
اعتقد التركي مش وحش بس لو مش فارق معك خاليك فى الايطالي

**mostafa53** · 01-02-2012 06:44 PM

السلام عليكم ورحمة الله وبركاته
منذ بدأ الحديث فى هذا الموضوع لم يتطرق أحد للإجابة على سؤال وسائل حماية الأبواب الخشبية. عندى استفسار أخر عن حماية أبواب أو منافذ أخرى بالدور الأرضى مثل باب البلكونة أو أى باب جانبى

**Karim Salem** · 01-02-2012 08:05 PM

شوف يا سيدى انا حصلى حادثة مع الباب المصفح الصينى
اولا اشتريتة ب2300 بالتركيب
شكله محترم جدا
شيك
متين
العيوب اللى حصلت
اولا المفتاح اتكسر فى المكنة و نطينى من عند الجران جوة الشقة علشان نعرف نفتح الباب
لان النجار معرفش يعمل حاجة
ثانيا حد ابن تيت مسك الباب و خربشة من اوله الى اخره بمسمار - زى اللى بيحصل فى العربيات
النتيجة انى مش عارف ارجع شكله زى الاول و الاستورجى قاعد بيفتى و مش عارف هيصلحه ازاى
الحل الوحيد اللى انا شايفه انه هيترش كله بس بكده هيبقه كله لون واحد و شكل الخشب اللى هو عليه هيختفى

**chicobon** · 02-02-2012 12:38 AM

انا شايف حضرتك تعمل باب حديد اضمن هو في الاول بيبقي صعي انما هتتعود عليها و خلاص صدقني ارخص من الباب الصيني و التركي

**mostafa53** · 02-02-2012 08:03 AM

المشاركة الأصلية كتبت بواسطة chicobon

انا شايف حضرتك تعمل باب حديد اضمن هو في الاول بيبقي صعي انما هتتعود عليها و خلاص صدقني ارخص من الباب الصيني و التركي

رأيك معقول ويؤخذ فى الإعتبار إنما الباب الحديد له قفل ممكن تطفيشه وسؤالى عن وسائل أخرى مثل الأقفال الإلكترونية والإنذار لأن فيه ناس بتقول إن الحاجات دى ممكن تعطيلها بفصل الكهرباء

**mostafa53** · 03-02-2012 01:10 PM

إيه ياجماعة فين المشاركات؟

**mostafa53** · 04-02-2012 09:14 AM

yaaaaaa Mens

**Land_Cruiser** · 04-02-2012 10:09 AM

المشاركة الأصلية كتبت بواسطة mostafa53

السلام عليكم ورحمة الله وبركاته
أنا حامشى فى الأمان وأجيب باب مش صينى لو أختار من الماليزى والإيطالى والتركى أختار أيه؟ الأضمن مش الأرخص, وسؤال أخر لو مش عاجبنى أشكال الأبواب المصفحة ونويت أركب باب خشب إيه وسائل الأمان اللى تخليه صعب الإقتحام؟

نصيحتى باب حديد احسن و اجمد و حضرتك ممكن تشوف اى تصميم يعجيك من على النت او حتى من اللى بتاع الحديد و الكريتال عملهم قبل كده و بالنسبه للكالون تجيبله واحد ايطالى محترم و الفكره انه اصعب بكتير فى الفتح من الباب العادى لانه بيبقى راكب بكانات حديد فى الحيطه و دى مش سهل خلعها و كمان حتى لو عرف بعد وقت كبير هيلاقى لسه قدامه باب الشقه نفسه لسه لكن التانى مهما كان جامد فهو باب واحد فى الاخر وده بيدى الحرامى احساس ان مهمته سهله بالاضافه الى ان الباب التانى ممكن يتخربش و يتجرح لكن الحديد لاء طبعا و بالتوفيق

**abo_anas** · 04-02-2012 02:21 PM

المشاركة الأصلية كتبت بواسطة wshawky

نصيحتى باب حديد احسن و اجمد و حضرتك ممكن تشوف اى تصميم يعجيك من على النت او حتى من اللى بتاع الحديد و الكريتال عملهم قبل كده و بالنسبه للكالون تجيبله واحد ايطالى محترم و الفكره انه اصعب بكتير فى الفتح من الباب العادى لانه بيبقى راكب بكانات حديد فى الحيطه و دى مش سهل خلعها و كمان حتى لو عرف بعد وقت كبير هيلاقى لسه قدامه باب الشقه نفسه لسه لكن التانى مهما كان جامد فهو باب واحد فى الاخر وده بيدى الحرامى احساس ان مهمته سهله بالاضافه الى ان الباب التانى ممكن يتخربش و يتجرح لكن الحديد لاء طبعا و بالتوفيق

البوابه الحديد امان وكل شىء بس انا بحس انى هدخل زنزانه مش شقه
فأيه البديل؟؟؟؟؟

**mostafa53** · 04-02-2012 04:03 PM

المشاركة الأصلية كتبت بواسطة abo_anas

البوابه الحديد امان وكل شىء بس انا بحس انى هدخل زنزانه مش شقه
فأيه البديل؟؟؟؟؟

حانعمل إيه ياأخى, فى الظروف المنيلة اللى احنا فيها الأمان يأتى أولا والشكل والذوق أخيرا, وعموما يمكن هو بيرد على سؤالى أنا الخاص بالأبواب الجانبية إنما الباب الرئيسى أعتقد إن الباب المصفح لو تقدر على تكاليفه حيكون شكله نسبيا أفضل
خللى بالك إن البوابة الحديد غير الباب المصفح