استفسار عن باب شقه متين وامان

**abo_anas** · 30-01-2012 02:17 PM

السلام عليكم ورحمه الله وبركاته

ياريت اللى يعرف نوع باب شقه يكون امان وباب محترم يقول عليه واماكن بيعه وسعره
لانى هنقل فى شقه جديده والعماره فيها شقق كتير وفى ناس عامله بوابات حديد قدام باب الشقه ، بس انا مابحبش موضوع البوابه الحديد شكلا وموضوعا

فقولت اكيد حبايبنا هنا هيفدونى فى باب شقه محترم
انا سمعت عن باب امان صينى فهل حد جربه ، وياترى هيكون تمام ولا زيه زى المنتجات الصينى

ولا اجيب باب خشب عموله ومتين
ارجوا الافاده

**aboharb** · 30-01-2012 02:22 PM

متابع معاك لانى عايز بردك باب محترم ومش عارف ممكن اجيبه منين ولا اعمل عموله احسن

**Abdelrahman.H** · 30-01-2012 02:36 PM

باب معدني بالكامل ....

حتلاقيه عند محلات الباركيه اللي في شارع مكرم عبيد و عند شركة مصر إيطاليا ( تقاطع مصطفى النحاس مع مكرم عبيد ) وشركة السلاب للحدايد و الديكور ( أمام مصر إيطاليا ) و في محلات الحدايد و المعادن في ميدان الجامع في مصر الجديدة .. وفي الرويعي في العتبة ... و عند تجار الأبواب و الشبابيك اللي تحت الكوبري بتاع ميدان المطرية و إنت رايح على إبن الحكم

وكمان كان بيتباع في هايبر وان الشيخ زايد

متوسط سعره 2000 جنيه

**icahmed** · 30-01-2012 04:59 PM

الابواب المصفحة كويسة جدا وشكلها زي الخشب بالظبط يمكن احسن بس ابعد تماما عن الصيني خاليك فى الماليزي او التركي او الايطالي.
كمان خالي بالك وزن الباب بيفرق في سعره الاخف ارخص

**abo_anas** · 30-01-2012 07:38 PM

المشاركة الأصلية كتبت بواسطة abdelrahman.h

باب معدني بالكامل ....

حتلاقيه عند محلات الباركيه اللي في شارع مكرم عبيد و عند شركة مصر إيطاليا ( تقاطع مصطفى النحاس مع مكرم عبيد ) وشركة السلاب للحدايد و الديكور ( أمام مصر إيطاليا ) و في محلات الحدايد و المعادن في ميدان الجامع في مصر الجديدة .. وفي الرويعي في العتبة ... و عند تجار الأبواب و الشبابيك اللي تحت الكوبري بتاع ميدان المطرية و إنت رايح على إبن الحكم

وكمان كان بيتباع في هايبر وان الشيخ زايد

متوسط سعره 2000 جنيه

الاستاذ عبدالرحمن شكرا على اهتمامك ياغالى
بس مين من اللى حضرتك قولت عليهم افضل حد اشترى منه وهل فى ماركه معينه او بلد منشأ معينه اجيبها ، طبعا انت عارف انه بينزل مصر اصلى والف تقليد.
الصوره الاخيره اللى حضرتك منزلها دى لباب شقه راكب شكله كويس ممكن اعرف ده نوعه ايه وبكام.
ومنتحرمش من ذوقك

**abo_anas** · 30-01-2012 07:42 PM

المشاركة الأصلية كتبت بواسطة icahmed

الابواب المصفحة كويسة جدا وشكلها زي الخشب بالظبط يمكن احسن بس ابعد تماما عن الصيني خاليك فى الماليزي او التركي او الايطالي.
كمان خالي بالك وزن الباب بيفرق في سعره الاخف ارخص

ماهو المشكله فى السعر يعنى انا لقيت على النت باب ماليزى ب 5000ج و8000ج
طبعا اسعار عاليه فهل كل الماليزى والتركى والايطالى اسعارهم عاليه قوى كده ، لانى فعلا عاوز ابعد عن الصينى .
ياريت لو حضرتك تعرف محل بعينه بيبيع ماركه كويسه بسعر معقول يعنى فى حدود 2000ج تقول عليه
وجزاك الله خيرا

**sas5** · 31-01-2012 09:11 AM

خلال الايام الماضيه كنت بابحث على النت ووجدت ان اسعار الابواب المصفحه تتراوح مابين 1500 جنيها وثمانيه الاف جنيها.

انا لى استفسار فيه ناس تقول بلاش الصينى لماذا انا مش عارف اريد رد مقنع فحياتنا كلها صينى فى صينى

انا شايف ان الباب مفهوش شى يضره ان يكون صينى فباره عن الحلق ولوحين صاج واربع مفصلات والكالون فماذا يضر ان يكونوا صينى

**icahmed** · 31-01-2012 01:17 PM

المشاركة الأصلية كتبت بواسطة sas5

خلال الايام الماضيه كنت بابحث على النت ووجدت ان اسعار الابواب المصفحه تتراوح مابين 1500 جنيها وثمانيه الاف جنيها.

انا لى استفسار فيه ناس تقول بلاش الصينى لماذا انا مش عارف اريد رد مقنع فحياتنا كلها صينى فى صينى

انا شايف ان الباب مفهوش شى يضره ان يكون صينى فباره عن الحلق ولوحين صاج واربع مفصلات والكالون فماذا يضر ان يكونوا صينى

انا هقول لحضرتك عن تجربة المميزات والعيوب

العيوب
- الباب مش صاج حديد ده صاج الوميتال يعني زي اللي بيتعمل بيه الشبابيك الالوميتال
- الباب بعد 6 شهور فقط بداء يزيق
- مفتاح من المفاتيح اتكسر بعد شهرين تقريبا
- المفاتيح بدات تدخل لمكنها بصعوبة

المميزات
- السعر
- الشكل

**lonedoctor** · 31-01-2012 01:20 PM

الصينى عندى من سنتين تقريبا زى الفل

**mostafa53** · 01-02-2012 08:29 AM

السلام عليكم ورحمة الله وبركاته
أنا حامشى فى الأمان وأجيب باب مش صينى لو أختار من الماليزى والإيطالى والتركى أختار أيه؟ الأضمن مش الأرخص, وسؤال أخر لو مش عاجبنى أشكال الأبواب المصفحة ونويت أركب باب خشب إيه وسائل الأمان اللى تخليه صعب الإقتحام؟