تحذير من طريق ميت غمر - المنصورة , الطريق مقطوع بواسطة الأهالي

جالي خبر من دقيقة واحدة من أحد أعضاء المنتدى مسافر المنصورة على طريق ميت غمر , إن الطريق مقطوع و مشيوا حوالي ساعة في طرق جانبية حالتها صعبة و كلها طين بسبب الأمطار

اللي مسافر على الطريق ده يخلي باله و يحاول يشوف طريق بديل
و ربنا يستر طريق الجميع

انا زهـــــــقــت بجد مايروحو يقفو فى اى حته هنفضل كدا لحد امتى يعنى لو حد تعبان دلوقتى وعاوز يعدى هيمنعوه عالم متخلفه وللاسف محدش بيعرف يتكلم معاهم وتيجى تكلم واحد فيهم يقولك اهو كده غباوه

انا كنت راجع من القاهرة وفرحان ان الطريق سالك وفاضي
جيت علي كمين الدقهلية قالي لف وارجع الطريق مقفول عشان
كام عيل مخطفوين رجعت من طريق الزقازيق

طيب يعني قطع الطريق هو اللي هيرجع العيال المخطوفة ؟؟!!!

الناس اللي اتعطلت في الطريق دي ذنبها إيه ؟!!!!

هو ايه اللى بيحصل فى البلد النهارده بالضبط؟؟
سرقة بنك بالسلاح
سرقة عربية نقل نقود بالسلاح
طرق بتتقفل
كل ده عشان المحكمه هتسمع مرافعة دفاع العادلى النهارده؟؟؟؟

طريق المنصوره القاهره مقطوع فعلا من عند ميت غمر (انا من ميت غمر ) هو مقطوع عند قريه اسمها صهرجت اللي جاي من المنصوره ورايح القاهره يروح من طريق طنطا احسن
واللي جاي من القاهره ورايح المنصوره برده يروح من طريق طنطا
او هيمشي من داخل قرى وطرق زي الزفت وطرق ترا وزحلقه ومراجيه فياخود طريق طنطا احسن

الطريق متنيل فعلا ياشريف