وانا ماشى بالعربية فى السلانسيه وبدوس فرامل خفيف اسمع صوت خفيف لصفارة التيل مع انه فى السريع ما باسمعش الصوت ده والفرامل كويسة معايا زى الفل
تفتكروا التيل باظ مع انى سواقتى كويسة ما باستخدمش الفرامل بعنف ولا حاجة وباحاول ما استخدمهاش كتير وباهدى قبل المطبات عشان ما احملش على الفرامل
ولو التيل باظ لا قدر الله هل التوكيل يغيره بدون مصاريف ولا ايه ؟
ولو طلع التيل اصلا مش كويس ازاى اثبت الكلام ده ؟
منتظر الاجابة بفارغ الصبر عشان ما اعملش كيلومترات زيادة ويضيع حقى
انا مستلمها 30/10/2011
bl 2012
مش شرط انه يكون تيل ممكن الطنابير محتاجة تتنضف مش أكتر
هتلاقي فيه تراب بس و هيتنضف و زي الفل ان شاء الله
ربنا يطمنكوا
جزاكم الله خير
لو فى حد عنده نفس الرأى ياريت يرد
وطبعا لو رأى تانى اكيد
متقلقش ياباشا خالص
دة تراب ورمل ناعم
خصوصا فى الجو اللى احنا فيه دة
مفيش عربيه تخلو من الموضوع دة
جزاك الله كل خير
اليومين دول الأمطار والطين الى في الشوارع هما الى عاملين كده ..اقتباس:
المشاركة الأصلية كتبت بواسطة wael30003
وبعدين ياباشا ده طقم تيل ربنا يباركلك فيها وتدوب 10000 طقم تيل إن شاء الله
حضرتك المفروض انك هتعمل صيانة ال ٥٠٠٠ كم خلاص. ممكن تخليهم في التوكيل يكشفو علي تيل الفرامل عشان تطمن
لسه فيه واحد حاصله المشكله دى وعامل 10000كم وراح التوكيل قالوا له لازم تغير الطنابير او التيل مش فاكر وسواقته بيقول انها عادية مش عنيفةاقتباس:
المشاركة الأصلية كتبت بواسطة shiref_mohamed
ودفع 782 جنيه وطبعا المبلغ ده كبير وانا لسه حتى معملتش 5000 كم حرام وقسط العربية كبير مش صغير
عشان كده قلقان
اللوجان من أكتر العربيات اللي بيتغيرلها تيل فرامل
المشكلة ده بتتكر كتير معايا ... بالرغم من اني بسوق معظم الوقت على طرق سريعه مفيهاش لا تهدئه ولا مطب
بس عندك ان شاء الله هيبقى الموضوع بسيط زي ما الشباب بيقول
ويا ريت تطمننا
رحت الحمد لله قال لى ان فى هوا فى زيت الفرامل عشان كده بيصفر
على فكره قبل ما اروح التوكيل جربت الفرامل ما كانتش بتصفر مش عارف ليه
والحمد لله رحت التوكيل وجيت