ياريت حد يدلني على ميكانيكي سكودا بيفهم
معايا اسكودا فابيا عاوز اظبط فيها كام حاجه
عرض للطباعة
ياريت حد يدلني على ميكانيكي سكودا بيفهم
معايا اسكودا فابيا عاوز اظبط فيها كام حاجه
مهندس خالد اسماعيل - الحي العاشر - مدينة نصر. راجل فاهم ومحترم. رقم موبايله: 01002970564
السلام عليكم
ورشة محمد أصلان بمدينة نصر خلف مطعم أبورامي متخصصة في جميع طرازات سكودا وبصراحة جربتهم في أوكتافيا وفيليشيا وتمام. وفي الورشة فني محترم اسمه اسماعيل ورقم محمد أصلان: 01005804585
وورشة الأسطى عادل وأخوه أيمن في بين السرايات بصراحة محترمين وفاهمين ورقمه: 0105126123
وسمعت عن المهندس خالد اسماعيل كل خير بس متعاملتش معاه.
وسمعت عن ورشة الأسطى زكي بالمعادي: 0122934402 وبرضه متعاملتش معاه بس بيقولو إنه أمين وفاهم.
نصيحتي تروح لورشة محمد أصلان، أرجو أكون أفدتك
وانا اتعملت مع ورشة محمد اصلان ومازلت اتعامل معهم - بجد فاهم ومحترم واسماعيل بجد جدع ويفيدك
و أنا كمان اتعاملت مع الدكتور محمد أصلان, شرحتله العيب و من غير ما يبص على العربيه قال لاسماعيل غير دى و العربيه الجمد لله رجعت زى الفل تانى
لا بجد فاااااهم و فاصلت معاه كمان
اقترح مهندس خالد اسماعيل كما قال الاخوه ... راجل فاهم جدا ما شاء الله ... انا من اسكندريه و بروحله مخصوص القاهره .. مع العلم انه مهندس بجد و كان شغال فتره طويله فى ارتوك اوتو
أنا لسه شاري فيليشيا جديدة .. كنت عايز أعرف مكان كهربائي وميكانيكي كويسين للعربية بتاعتي
وبالنسبة للعفشة أي حد يشتغل فيها ولا لازم واحد مخصوص للسكودا؟؟
كلمة السر خالد اسماعيل
انا اول مره اتعامل مع المهندس خالد اسماعيل في صيانه ال 50 الف للاوكتافيا :
1- شطاره فعلا في شغله - مهندس بجد - و كان شغال في ارتوك 8 سنين عل حسب ما افتكر
2- ماشاء الله ادب و امانه و اخلاق
3- محترم جداا و تحب تتعامل معاه (كمان كتالوجات العربيه كلها معاه ده غير السوفت وير بتاع العربيه)
4- بيرد عل تليفونه في اي وقت و ممكن تستشيره
5- سعره حنين جدا عن التوكيل
انا هااعمل بوست خاص بيه ان شاء الله و احكي عن تجربتي معاه كامله
بجد ماحدش يخسر راجل زي ده
سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من فتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم انا كنت بتعامل مع واحد اسمو رمضان فى شارع المرور عند ابو الحسن بتاع قطع الغيار بس رمضان ده حرامى اوى اوى وبيخليك كمان تغير حاجات مش بايظه عندك عشان يبعها للزباين اللى عندو على انها استيراد ارجو من الاخوه الرد عشان بجد الموضوع مهم اوى
مشكله فى ال ار بى ام
الحكايه تبداء لما نظفت بوابه السكودا الانشجكشين عداد ال ار بى ام بيوصل لحد 20 وطبعا صوت المتور بيكون عالى اوى غيرت البوبه بوحدة استراد ولسه المشكله موجودة حد يعرف مكانيكى كويس بيفهم فى الانشكشين
إنت عربيتك فيليشيا ولا أوكتافيا ؟
أنا القصة دي حصلت معايا في الأوكتافيا بعد ما نضفت البوابات والجهاز كان بيقرا عيب في حساس الهواء Air Mass Sensor لما فكرت أغيره طلع غالي موووووووت دورت على النت لحد ما لاقيت طريقة فكه وتنظيفة والحمد لله ربنا ستر وإتظبطت.
استاذ/ fakharany
هيا المشكله اللى كانت عندك فى الاوكتافيا كانت عباره كان العربيه بدوس بنزين لوحدها او بمعنى اخر الار بى ام بيعلى لوحده فجأه
ورشة الأسطى سيد زكي بالمعادي غير رقم تليفونه, وارقامه الجديدة 01127354058 - 01277734961
الورشة فى اخر شارع النصر (المعادى) بعد مكتبة سوزان مبارك يمين امام مدرسة العروبة.
ميكانيكى سكودا فليشيا المعادى
ورشة الأسطى سيد زكي بالمعادي غير رقم تليفونه, وارقامه الجديدة 01127354058 - 01277734961
الورشة فى اخر شارع النصر (المعادى) بعد مكتبة سوزان مبارك يمين امام مدرسة العروبة.
السلام عليكم
ممكن رقم تليفون المهندس خالد إسماعيل ؟
معاى اسكودا a4 فيها مشكله عند تسخين العربية فى الصبح او بالليل تضيئ لمبه التشيك رحت 4 ميكانيكيه قلولى تسريب هواء فى دايرة الهواء راجعت داينره الهواء مرتين والمبه يوم او يوم تضيئ ارجوا الافاده ومش جامع حل