تقرير مصور لاستهلاك الوقود في البيرسونا 2012

**eng.m7md.ali** · 01-02-2012 01:21 AM

المشاركة الأصلية كتبت بواسطة tamerosman

انا عندى نفس المشكلة ، الاستهلاك فى الزحمة بيكون حوالى 130 كم / صفيحة و كومبيوتر الاستلاك بيقبى متوسطه 12 لتر ( بدون تكييف )

فى السفر الاستهلاك بيكون حوالى 200 كم صفيحة

العربية عاملة 3000 كم

انا استنتاجى ان العربية بتاكل بنزين جامد على السلانسيه مع الوقوف فى الزحمة اكتر من اى عربية تانيه .

الحمد لله يعني مطلعتش مجنون لما اقول العربية بتعمل 120 كيلو في الزحمة
انا جربت كل الطرق علشان اوفر بنزين والنتيجة بتطلع زي ماهيا
يبقى ده عيب عربية وعيب عام مش فردي

**moh2015** · 01-02-2012 08:07 PM

المشاركة الأصلية كتبت بواسطة tamerosman

انا عندى نفس المشكلة ، الاستهلاك فى الزحمة بيكون حوالى 130 كم / صفيحة و كومبيوتر الاستلاك بيقبى متوسطه 12 لتر ( بدون تكييف )

فى السفر الاستهلاك بيكون حوالى 200 كم صفيحة

العربية عاملة 3000 كم

انا استنتاجى ان العربية بتاكل بنزين جامد على السلانسيه مع الوقوف فى الزحمة اكتر من اى عربية تانيه .

طيب انت مقولتش في التوكيل الكلام ده عند صيانة الالف؟

**tamerosman** · 01-02-2012 08:33 PM

توكيل اسكندرية فى الضياع ، خفت اخليهم يلعبوا فى العربية يبوظوها و و قلت استنى يمكن بعد التليين الموضوع يضبط

المشكلة ان الزحمة مش طبيعية فى اسكنرية ، مشوار 5 كيلو ممكن ياخد 45 دقيقة و كل ده و الموتور عمال يحرق على السلانسيه ، متهيالى المشكلة فى استهلاك البنزين على السلانسيه علشان فى السفر الاستهلاك بيكون احسن كتير

**tutankhamoun** · 03-02-2012 08:46 AM

ياباشا تمام .
بس عايز أقولك على حاجة
كمبيوتر الرحلات بيديك متوسط أستهلاك مش أستهلاك فعلي
الأستهلاك الفعلي هايكون أعلى من كدا شوية صغيرين .
تقدر تقيسه بمضاهة عدد الكيلومترات المقطوع و تقسمه على اللترات المقطوعة

ربنا يبارك لكم جميعا في عربياتكم

**tutankhamoun** · 03-02-2012 08:48 AM

المشاركة الأصلية كتبت بواسطة eng f3lix

الحمد لله يعني مطلعتش مجنون لما اقول العربية بتعمل 120 كيلو في الزحمة
انا جربت كل الطرق علشان اوفر بنزين والنتيجة بتطلع زي ماهيا
يبقى ده عيب عربية وعيب عام مش فردي

ياباشا العيب ده مش عيب عام
لأني أمتلكت عربيتين بروتون جين 2 و الأثنين عمرهم ما عملوا معايا الأرقام دي .
في الزحمة الشنيعة
بتعمل من 150 إلى 180 (حسب الوقت المقضي في هذا الزحام ) وقت مقابل أستهلاك (مش كيلومترات مقابل أستهلاك )

لأن اللي واقف ربع ساعة من غير حركة مختلف عن اللي واقف خمس دقائق من غير حركة
فرجاء حساب الأستهلاك عند الحركة على سرعة 90 كم - س فقط
في الزحام الشديد (صعب تقيس )

**eng.m7md.ali** · 03-02-2012 06:01 PM

المشاركة الأصلية كتبت بواسطة tutankhamoun

ياباشا العيب ده مش عيب عام
لأني أمتلكت عربيتين بروتون جين 2 و الأثنين عمرهم ما عملوا معايا الأرقام دي .
في الزحمة الشنيعة
بتعمل من 150 إلى 180 (حسب الوقت المقضي في هذا الزحام ) وقت مقابل أستهلاك (مش كيلومترات مقابل أستهلاك )

لأن اللي واقف ربع ساعة من غير حركة مختلف عن اللي واقف خمس دقائق من غير حركة
فرجاء حساب الأستهلاك عند الحركة على سرعة 90 كم - س فقط
في الزحام الشديد (صعب تقيس )

ازي حضرتك يا استاذ توت
انا الفترة اللي فاتت دي سمعت شكاوي عن استهلاك البنزين بطريقة كبيرة زي عندي سواء هنا او في التوكيل او مركز عصام .. كله بيشتكي من استهلاك البنزين والتوكيل مش عارف يحل المشكلة دي
ربنا يبارك لحضرتك في عربيتك بسم الله ماشاء الله مفيهاش مشكلة والحمد لله بس في ناس كتير هنا بتشتكي يبقى يعتبر عيب عام

طلعت مرة الصحراوي مع المهندس من التوكيل .. فولت العربية للزور وطلعت انا وهو 50 كيلو رايح 50 كيلو جاي على سرعة 90 كيلو ثابت من غير تكييف .. النتيجة بعد التفويل مرة تانية هيا 13 لتر في ال100 كيلو على سرعة 90 كيلو
رجعنا التوكيل طبعا كالني بكلمتين وقالي استهلاك طبيعي ومعرفش ايه .. اول مارجعت البيت بعت لحماية المستهلك ولسة محدش رد عليا

ده يرضي ربنا يااستاذ توت؟

**mohammad_rady** · 03-02-2012 10:27 PM

المشاركة الأصلية كتبت بواسطة tutankhamoun

ياباشا تمام .
بس عايز أقولك على حاجة
كمبيوتر الرحلات بيديك متوسط أستهلاك مش أستهلاك فعلي
الأستهلاك الفعلي هايكون أعلى من كدا شوية صغيرين .
تقدر تقيسه بمضاهة عدد الكيلومترات المقطوع و تقسمه على اللترات المقطوعة

ربنا يبارك لكم جميعا في عربياتكم

كلام حضرتك يافندم سليم 100% ولكن المستوى ده كان بعد الريسيت مباشرة مش على المتوسط

**Youssef.Awad** · 04-02-2012 01:36 AM

ياريت حضرتك تعتمد اكتر على تسجيل قراءات العداد وكمية البنزين فى كل زيارة للتفويل وبعدين تحسب معدل استهلاك الوقود لأن كومبيوتر العربية مش دايما بيكون دقيق ويعتمد عليه

**tamerosman** · 04-02-2012 01:01 PM

الجين 2 و البرسونا مش عربيات موفرة فى البنزين فى الزحمة ، بالعكس الاستهلاك فى الزحمة عالى جدا جدا

هى استهلاكها فى السفر معقول على سرعة 90 الى 100 علشان الموتور الكام برو بيبقى مستريح جدا على السرعات دى ، لانه موتور agrressive بتاع جرى

مشكلة الاستهلاك فى الزحمة ، الكام برو بياكل بنزين على السلانسيه اكتر من اى عربية تانية

انا جربت احسب الاستهلاك بمنتهى الدقة و من نفس البنزينة ( موبيل فى الابراهيمية على شارع ابوقير ) و الطلمبة ( اصفر العداد و لما المؤشر ينزل للنصف ارجع افول و اشوف اخدت كام لتر و اقسم على الكيلوات الى مشتها من اخر تفويلة)- طبعا بنزين 92 و عربيتى اتوماتيك

النتيجة : افضل استهلاك فى الزحمة الشديدة بدون شد و لا حرق : 130 كم /صفيحة بدون تكييف

فى السفر و برضه بدون حرق : 180 الى 200 كم /صفيحة مع تشغيل التكييف

على فكرة انا مش باقرص خالص و الاربى ام عندى مش بيعدى 2500 و عمرى ما باحرق على 4000

انا عربيتى ماشية 3000 كم بس يعنى الرشاشات و الفلاتر لسه نظيفة ، هاجرب استعمل زيت كاسترول ايدج و اشوف يمكن النتيجة تتحسن ( حاليا باستعمل توتال 5000 بتاع التوكيل)