الموضوع: تقرير و بعض الملاحظات على جهاز spy 2-way 5000m بجد اختراع

المشاركة الأصلية كتبت بواسطة haiman

طيب صور الريموت وانا ان شاء الله هاجبلك الكتالوج
انا اللى عندى اللى بتلت زراير فى الجنب وزرارين تحت الشاشة

الف شكر لاهتمام حضرتك
وده لينك عليه صور الريموتين
وصور علبة الجهاز
شكرا لحضرتك مرة تانية


الريموتين
http://s1178.photobucket.com/albums/...t=DSC01492.jpg

http://s1178.photobucket.com/albums/...3DDSC01491.jpg

العلبه
http://s1178.photobucket.com/albums/...3DDSC01493.jpg

المشاركة الأصلية كتبت بواسطة kareem fawzy

السلام عليكم ورحمة الله وبركاتة
انا اشتريت من يومين جهاز spy 2-way 5000m من التوفيقية من عند الشيخ نصار
اللى جمب الدولية ( غريب ) وطبعاً مجبتهوش من غريب لانه بيبيع جملة فقط وكمان كان خلص من عنده
طبعاً قولت اعمل فيها الناصح وسألته على سعره وكانت الصدمة الكبرى انه بيبيعه للتجار ب 330 جنيه
وانا اشتريته من الشيخ نصار ب 375 وكمان الفيرجن القديم اللى هو البطارية من غير شاحن
بتتغير عادى
هو فى الاول قالى هجبلك الجديد اللى بيتشحن وبعدين رجع قالى مفيش غير دة
المهم اخدت منه اتنين واحد ليا وواحد لصاحبى اللى قرر يشترى الجهاز واحنا هناك لما شاف الجهاز ونضافته وتقفيله المحترم

نيجيي بقا لتفاصيل التركيب
روحت لكهربائى سنه صغير بس بجد بسم الله ما شاء الله عليه مولود فى عربية زى ما بيقولوا
الراجل بجد تقفيله محترم وشغله حلو قوى بجد
المهم
فى features كتير فى الجهاز ناس كتير ما بتركبهاش او محتاجة شوية شغل وتعب من الكهربائى وللاسف معظم الصنايعية بيستسهله يتعبوا شوية
ومنها فتح الشنطة اللى احتاج انه يركبلى كتاوت علشان اقدر افتح الشنطة بالضغط على مفتاح القفل ومفتاح الsilent مع بعض لمدة ثانيتين بالظبط

كمان ركبلى الريلاى ( كتاوت ) فصل الدوارة طول ما انا قافل العربية بالريموت
جربت ادور فى مارش بس العربية ما بتدورش

كمان شغلى خاصية ان لو العربية حصل لقدر الله وطلع عليا قطاع طرق واخدوا العربية منى غصب عنى
ادوس على زرار الsilent لمدة 3 ثوانى العربية هتدى انذار عالى جداً جداً وتفصل بعد 20 ثانية وبجد اكتر حاجة مفرحانى فى الجهاز دة بس طبعاً مع مراعاة ان الريموت يبقا بعيد عن المفتاح علشان الحرامى ما ياخدش العربية بالمفتاح والريموت ( هههههههه )


كمان خليته يركبلى الانذار على السرينة القديمة والسرينة الجديدة بقا الصوت عالى ومزعج جداً وطبعاً كله فى سبيل الحفاظ على العربية كفاية عربية واحدة اتسرقت مننا لو دى اتسرقت انا ممكن اموت بجد


نيجى بقا للعيوب وهى قليلة بس ضايقتنى

1- طبعاً كلام 5000 متر دة هجص كبير جداً بجد هو اخره اصلاً 200 متر فى الاماكن المغلقة و 500 متر دة اذا جابهم فى الاماكن المفتوحة

2- ودى انا مستغربها مش عارف عندى لوحدى ولا عند كل الناس اللى مركبة الجهاز دة

الريموت التانى اللى من غير شاشة مداه قليل جداً يعنى وانا فى البيت بدوس بالريموت اللى بشاشة على الفتح العربية بتلقط وانا واقف فى نفس المكان ادوس بالريموت العادى العربية ما تلقطش محتاج مساعدة من الناس اللى مركبة الجهاز تقولى عندكم بيحصل كدة بردو ولا لا؟؟ لانى فعلاً هتجنن من الموضوع دة

وفى النهاية الصنايعة كان عايز منى 40 زى ما اتفقنا قبل الشغل بس انا اديتله 50 جنيه لان الباب اليمين الامامى كان قاطع سنتر والراجل تعب فيه الصراحة وكمان جابلى كتاوت الشنطة من عنده



وفى نهاية التجربة اللى انا فعلاً راضى عنها جداً بنصح اى حد يركب الجهاز دة
لان يا جماعة مش علشان نوفر 200-300 جنيه نضيع على نفسنا عربية ب 70-80 الف جنيه فى ظل الظروف المنيلة اللى البلد فيها

ربنا يحمى مصر يارب وانا تحت امر اى حد فى اى استفسار
تحيـــــاتى


--------------------------------------
تقرير متميز من العضو
تم التثبيت بواسطتي مشرف القسم م7
للافادة العامة
2-2-2012
11:32 pm

انا كمان لو سمحت عايز اركبة ممكن تليفون الكهربائى و عنوانة