ياشباب انا بجد عايز خدمة كبيرة اوووى انا محتاج كرونة لوك لعربيتى ومش عارف اجبها منين سالت كتير ومش لاقى خالص ياريت تكون رقمها 3.15 او 3.23
عرض للطباعة
ياشباب انا بجد عايز خدمة كبيرة اوووى انا محتاج كرونة لوك لعربيتى ومش عارف اجبها منين سالت كتير ومش لاقى خالص ياريت تكون رقمها 3.15 او 3.23
احمد اندر تيكر
وحشني و الله
انا هشوفلك الموضوع ده بكرة ان شاء الله و لو ملقناش في القاهرة
استناني لما ارجع من الكويت و ننزل بورسعيد نجيبلك واحدة
متقلقش خير ان شاء الله
ربنا يخليك ياشيكو على مجهودك الرائع والاهتمام وشكرا ليك يافهد وانا مستنى النتيجة
ممكن تسال عند عماد المصري تحت كبري الدقي اما البنزيزنه بس في الاتجاه التاني يعني لو جاي من شارع التحرير تدخل يمين مع الكبري هتمشي دقيقه هتلاقي حتت ارض فاضيه معموله جراج بس واطيه هو في الشارع ده وقلو انك من طرف هاني ال كان معاه من كام يوم
وربنا يسهل وتلاقي طلبك
شكرا ياهانى على اهتمامك انا كلمت عماد دلوقتى وقالى لا معنديش
بعد الفحص و التفحيص و المحص و التمحيص
الكارونة موجودة في بورسعيد ب 1500 ج
و لما هرجع من الكويت هنسافر ساوا و نجبهالك يا كبير
اي خدعة
الكبير كبير ياشيكو يابرنس يارب انا بجد مستعجل عليها اوووووى وشكرا اووووى على اهتمامك ياشيكو
او انزل الحرفيين ميشو هو اللي هايعرف يجيبهااالك
مين ميشو ياباشا واوصلة ازاى
ميشو حربي في الحرفين اسال علي شارع سمير علي روح هناك وقول فين ميشو حربي بتاع البي ام
يا جماعة هو ممكن العربية تركب عليها كارونة اطول؟
اية ياشباب مصر كلها مش فيها كرونة لوك لعربية e36 انا برضة مستنى
مهو علي حظك مش عارفين ننزل بورسعيد عشان القلق
طيب مصر كلها مفهاش حد يكون عندة الكرونة دى اية ياشباب محدش يعرف حد وكمان كلم الراجل تانى ياشريف وننزلة
كل كرونة ليها رقم بيمشى مع نوع العربية والموتور والكلام دة ايوة لعربية e36
الأرقام دي هيا Final drive ratio اللي بتحدد حجم التروس الداخلية اللي جواها و بتفرق في السرعة اللي كل غيار يقدر يوصلها , الرقم دا عباررة عن نسبة بين حجم التروس اللي جوا الكرونة , اللي الميكانيكي لما يفتح الكرونة يقولك دي مش عارف 45 سن دا الترس الكبير على 12 و أكيد طبعا دا الصغير :-) مثلا يبقى نقسم ال 45/12=3.75 دا رقم الكرونة زي ال 3.15 و هكذا و كل ما الأرقام تكبر معناها ان الكرونة زي ما بيقولوا روحها أقصر يعني النقلات هتيقى قصيرة
المثال دا للتوضيح لأني مش متأكد تماما من الأرقام,
الف شكر يا ابو حميد على المعلومات المفيدة
بس هى دى اللى الناس بتقول عليها كرونة سريعة؟؟؟
كل ما الأرقام تكبر ,يعني 3.9 أو 4.10 كل ما تكون سريعة , بس فيه عوامل تانية بتفرق في موضوع اختيار النسبة المناسبة زي وزن العربية و الفتيس و قوة الموتور و نوعية استخدامك للعربية و حاجات كتيرة مش شرط الأقصر أحسن ,أنا كنت مركب 4,45 كل حاجة ليها مساوئ و حسنات,أنا بس مش عايز أتكلم كلام مالوش علاقة بعنوان ابموضوع :-)
مازلت ياشباب مستنى حد يقولى الكرونة موجودة وهتلاقيها عند فلان انا مستنى وهافضل مستنى
انا من بورسعيد قولى اسم الراجل الى عندو الحاجه وانا هجيبهالك واجى