السلام عليكم
عايز اعرف ازاي اروح من طريق المطار الي المنتزه في الاسكندريه
من غير ماطلع علي البحر
يعني الطريق الي بيربط بين طريق المطار الي المنتزه من الخلف
باختصار عايز اوصل الي طريق الملك المتغرع من طريق الملك حفني
بس و انا مثلا في الحضره الجديده من عند طريق المطار
معلش طولت عليكم بس عشان عندي مشوار من هناك الي المنتزه و انا لوحدي و معرفش الطريق
شكرا
اقرب طريق افتكرة دلوقتي هو الزراعي - دولي بس طويل جدا و هياخد منك وقت
او ممكن من المطار تدخل سموحة و تاخد ابو قير للآخر
ممكن لو مفيهاش تعب لحضرتك توصفلي ازاي اطلع من الطريق الزراعي الدولي الي المنتزهاقتباس:
المشاركة الأصلية كتبت بواسطة osama.m
شكرا
ممكن حضرتك تاخد الطريق اللى ورا ال دوان تاون لحد الاخر يدخلك على المنتزة
حضرتك لو واقف عند باب المطار هتفضل ماشي على نفس الناحية على طول لحد ما توصل عند سموحة و اول الطريق الزراعي و هتلاقي هناك توكيل مرسيدس على الشمال
المهم هندخل شمال مع العربيات اللي داخلة سموحة و تفضل واخد الطريق طوالي هتعدي على المرور و جرين بلازا و الكوبري على الترعة و عمارات اسيد و مديرية الامن كل دة على ايدك الشمال على الناحية التانية
المهم هتوصل لحد ميدان فيكتور عمانويل هتدخل يمين مع العربيات هتلاقي نادي سموحة على يمينك
هتاخد الشارع لحد الاخر مع العربيات و هتلاقي في الاخر نفق صغير كدة العربيات من عنده بتاخد يمين او شمال مش بتفرق
حضرتك تدخل مع الربيات اللي داخلة شمال هتطلع على طريق الحرية
هتمشي شوية هتوصل رشدي تدخل شمال في شارع سوريا اللي على ناصيته الديب مول هتاخده لحد الاخر و هتطلع على البحر
من البحر بقى تاخده لحد ما توصل المنتزة
ممكن تكون الوصفة طويلة شوية فلو حد يعرف يشرح الاقصر يا ريت علشان انا مش اسكندراني :)
شكرا لحضرتك علي الرداقتباس:
المشاركة الأصلية كتبت بواسطة r_gamal1
ان شاء الله هر,وح من الطريق ده
شكرا لحضرتك علي الرداقتباس:
المشاركة الأصلية كتبت بواسطة mzeid
انا عارف الطريق الي حضرتك بتقول عليه
بس انا كنت عايز اطلع من طريق تاني
يكون اسرع او مفيهوش زحمه
شكرا
العفو يا باشا تروح وترجع بالسلامهاقتباس:
المشاركة الأصلية كتبت بواسطة wael_elbarkoky