مشكلة فى تويوتا ياريس ....

**myself112** · 31-01-2012 10:41 AM

بسم الله الرحمن الرحيم ...
السلام عليكم ورحمة الله و بركاته ..

عندى مشكلة فى عربيتى تويوتا ياريس

كان فى عربية واحد صاحبى عطلانة , المهم ان فكيت البطارية بتاعتى و ركبتها عنده علشان نقومها , و بعدين رجعت البطارية عادى و وصلتها , واجى ادور الاقى العربية مبرجلة و عمالة تتهز جامد و تفضل شوية على الحال ده و بعدين تفصل لوحدها , ادور تانى نفس المشكلة ؟؟؟ و الاربى ام على نص كده و يفضل ينزل لغاية ما العربية تفصل ...
المهم سألت قالولى عايزة ريستارت او سوفت وير جديد , قمت رايح لبتاع الكومبيوتر حطها على الجهاز و نزللها سوفت جديد و ريستارت والكلام ده , وبرده المشكلة موجودة بس مش زى الاول يعنى العربية ما عدتش متبرجلة ولا بتتهز بس الاربى ام على نصف و العربية مخنوقة كده وهادية على الاخر وعلشان تمشى لازم تكبسلها زيادة حبتين , المهم قالى ممكن تكون البوابة عايزة تتنضف , قلتله مفيش مشكلة ننضفها اهى كلها نضافة , و فكينا البوابة ونضفناها , و برده نفس حوار الاربى ام ....
فى الاخر قالى امشى بيها كده لبكرة و تعالى عدى عليا تانى و ربنا يكرم .

حاجة كمان ممكن تكون مفيدة , انا قبلها بيوم كنت فولت وحطيت منظف الرشاشات , و العربية كانت فايقة وكله تمام , مش عارف بقى هل ليه علاقة بالحوار ولا لأ ؟؟
اعمل ايه بقى دلوقتى .........؟؟؟؟ يا ريت حد يفيدنى .
شكرااا مقدما لكل الناس .

**myself112** · 01-02-2012 11:54 PM

يالا خير ......

**elewey** · 03-02-2012 03:55 AM

فى الغالب و يا باشا دى مشكله ايدل كنترول و هى محتاجة بس ايدل ليرن عشان انتا لما فكيت البطاريه لازم تعمله ليرن من اول و جديد

**myself112** · 03-02-2012 10:44 AM

المشاركة الأصلية كتبت بواسطة elewey

فى الغالب و يا باشا دى مشكله ايدل كنترول و هى محتاجة بس ايدل ليرن عشان انتا لما فكيت البطاريه لازم تعمله ليرن من اول و جديد

متشكر جدا لحضرتك , بس ممكن اعرف الايدل ليرن ده بيتعمل ازاى ؟؟

**elewey** · 04-02-2012 01:53 AM

انا معملتهوش قبل كدة فى عربيتى بس انا قريت الطريقة بتاعته فى المنتدى اول حاجة تفتح الكونتاكت بس من غير ما تدور و تبطل تانى تلات مرات و بعدين تدور العربية و تبطلها و بعدين تدور تانى و تفتح الانوار و التكييف و بعد كدة تبطلها تانى وفى كل مرة استنى عليها نص دقيقة كدة و تستمر

**charming** · 04-02-2012 03:48 AM

عملتها معايا قبل كدة بعد فك البطارية و هى محتاجة فعلا ايدل ليرن بنفس الخطوات اللى قالك عليها زميلنا و لازم تشغل كل الاحمال لمدة 10 دقايق على ال--سلانسية وال ecu هيتعلم يظبطها

**M.Alaa92** · 04-02-2012 04:39 AM

دى الطريقة الصحيحة ل الايدل ليرن
و ان شاء الله بسيطة
http://www.nilemotors.net/Nile/71086-a.html

**myself112** · 05-02-2012 07:01 PM

متشكر جدا لكل الناس الى رديت عليا ......
انا عملت الايدل ليرن , بس برده مفيش اى جديد , رجعت للراجل بتاع الكومبيوتر قالى يبقى يا مشكلة بوبابة يا كنترول ...... اعمل ايه دلوقتى اخلينى ماشى معاه لما نشوف اخرتها ولا اشوف حد تانى , ولا اعمل ايدل ليرن تانى ؟؟؟

**M.Alaa92** · 05-02-2012 07:17 PM

شوف حد تاانى طبعاااا
كنترول اية ولا بوابة اية اللى تبووظ من شيل بطارية !!!!!
روح لواحد تاانى ينضف البلف و يعملك ايدل ليرن و ان شاء الله تظبط

**alkingwr** · 05-02-2012 10:32 PM

بص ياباشا طالما انت من المنصورة فانا هعمل معاك واجب دي نمرة كهربائي فى المنصورة روحله وهو إن شاء الله هيحللك المشكلة دي و علي فكرة هو مهندس وبيتهيالي في التويوتا بيشتغل موتور وكهربا.
م/ عمرو
01061718111

الموضوع: مشكلة فى تويوتا ياريس ....

LinkBack

أدوات الموضوع

عرض

-

-

-

-

-

المواضيع المتشابهه

دى فى دى تويوتا ياريس

عندي مشكلة غريبة بقالها شهر تقريبا ... تويوتا ياريس

تويوتا ياريس

مشكلة الدبرياج فى تويوتا ياريس 2007

تويوتا ياريس

الكلمات الدلالية لهذا الموضوع

المفضلات

المفضلات

ضوابط المشاركة