أماكن بيع قطع غيار الكورولا الجنوب أفريقى

**eidthe4th** · 31-01-2012 10:57 AM

السلام عليكم
يا ريت جماعة اللى يعرف محلات بيع قطع غيار تويوتا كورولا الجنوب أفريقى ال mmt يعرفنى
أنا عايز اكصدام أمامى و فانوس أمامى و لمبات فانوس أمامى و لمبة فانوس شبورة و يا ريت لو فيه أسعار.
وجزاكم الله خيرا

**Veroman** · 02-02-2012 12:16 PM

انزل شارع دمشق ممكن تلاقى

**wwaeel** · 02-02-2012 01:56 PM

العالميه في شارع دمشق ولهم فرع في الحرفيين والمنير في اول فيصل

**eidthe4th** · 04-02-2012 03:32 PM

المشاركة الأصلية كتبت بواسطة wwaeel

العالميه في شارع دمشق ولهم فرع في الحرفيين والمنير في اول فيصل

المنير ده أول فيصل من ناحية الجيزة ولا الرماية؟؟

**wwaeel** · 04-02-2012 06:36 PM

من ناحيه الجيزه هتلاقي علي الشمال وانت رايح اخر فيصل

**eidthe4th** · 05-02-2012 09:03 AM

المشاركة الأصلية كتبت بواسطة wwaeel

من ناحيه الجيزه هتلاقي علي الشمال وانت رايح اخر فيصل

شكرا يا باشا ....... يا ترى ما عندكش فكرة عن الأسعار

**Mohamd_Saad** · 06-02-2012 12:58 PM

ممكن تتصل بالبرجسى فى شارع مراد و هو موزع معتمد تويوتا و تليفونه 0235733919 وياريت لو تجيب الأجزاء الخارجية ( اكصدام أمامى و فانوس أمامى ) استيراد أو تايوانى لأنها عرضة للكسر بأستمرار

**wwaeel** · 08-02-2012 11:28 AM

البرجيسي اسعاره زي سعر التوكيل انما العالميه والمنير اسعارهم اقل بكتير لانهم مستوردين وبيستورد لحسابهم مش بياخدو من التوكيل وكمثال للاسعار قاعده الماتور الكبيره الي علي الشمال الي فيها زيت في التوكيل بي 1200 عند العالميه في شارع دمشق 750 جنيه فلتر الهواء 140 في التوكيل تقريبا جبته من المنير 25 جنيه فلتر التكييف في التوكيل 500 بجيبه من عند المنير 50 جنيه ومحدش يقولي مش اصلي لان العلبه هي هي وكتوب عليها تويوتا والفلتر من جوه هو هو ونفس الكتوب عليه هو هو الي مكتوب علي الي كنت بجيبه من التوكيل بالنسبه لتيل الفرامل ده بجيبه من المنير كوري او تركي بيكون سعره حوالي 110 جنيه

**Unendlich** · 08-02-2012 01:08 PM

المشاركة الأصلية كتبت بواسطة wwaeel

فلتر الهواء 140 في التوكيل تقريبا جبته من المنير 25 جنيه فلتر التكييف في التوكيل 500 بجيبه من عند المنير 50 جنيه ومحدش يقولي مش اصلي لان العلبه هي هي وكتوب عليها تويوتا والفلتر من جوه هو هو ونفس الكتوب عليه هو هو الي مكتوب علي الي كنت بجيبه من التوكيل بالنسبه لتيل الفرامل ده بجيبه من المنير كوري او تركي بيكون سعره حوالي 110 جنيه

و فلتر الهوا لما يبقى في التوكيل بـ 140 و في العالمية بـ 120 (لسة سائل عليه امبارح) دي ممكن ابلعها, انما 25 دي صعبة شويتين تلاتة
أنا مش بقول انه مش بـ 25, أنا بقول هو في الغالب مش أصْلي لأن العلبة الحمرا اللي مكتوب عليها تويوتا دي بتضرب للأسف و نفس الشيء في كذا ماركة تانية و ده علي يدي فلتر الهوا للبوما لقيت واحد مضروب و نفس علبة الاصلى بنفس ال part number و مكتوب عليه انه ياباني كنت هتشل الصراحة
و تويوتا دايما بيحذروا من الموضوع ده و المضروب بيبقى مكتوب عليه made in Japan بمنتهى البجاحة و نفس شكل العلبة بالظبط

**wwaeel** · 14-02-2012 05:34 AM

المشاركة الأصلية كتبت بواسطة unendlich

و فلتر الهوا لما يبقى في التوكيل بـ 140 و في العالمية بـ 120 (لسة سائل عليه امبارح) دي ممكن ابلعها, انما 25 دي صعبة شويتين تلاتة
أنا مش بقول انه مش بـ 25, أنا بقول هو في الغالب مش أصْلي لأن العلبة الحمرا اللي مكتوب عليها تويوتا دي بتضرب للأسف و نفس الشيء في كذا ماركة تانية و ده علي يدي فلتر الهوا للبوما لقيت واحد مضروب و نفس علبة الاصلى بنفس ال part number و مكتوب عليه انه ياباني كنت هتشل الصراحة
و تويوتا دايما بيحذروا من الموضوع ده و المضروب بيبقى مكتوب عليه made in japan بمنتهى البجاحة و نفس شكل العلبة بالظبط

والله مش عارف مضروب ولا لا بس العلبه والعلامه المائيه وخامه الفلتر نفسه وشكله والطباعه علي الفلتر نفسه هي هي انا قرانت ال 2 مع بعض معرفتش اطلع اي فرق وبعدين انا بستخدمه بقالي كتير وبغيره كل 20 الف والعربيه ماشيه زي الفل حتي ولو مضروب وبيعمل نفس الاداء ايه المشكله