التعامل مع المهندس شريف متولى حاجه تانيه
بالأمس عملت صيانة 30000 فى التوكيل فى الاسكندرية لأنى بعد المشاكل اللى حصلت فى صيانه 20000 قررت التعامل مع المهندس شريف فى اى فرع متواجد فيه المهم غيرت السيور كلها لأن العربية بقالها 3 سنوات على الأقل من تاريخ التصنيع وتم تركيب الطنابير الأمامية الجديدة وأيضا التيل الأمامى وبمنتهى الأمانه التعامل مع المهندس شريف متولى حاجه تانيه انت تديله العربية كأنها سيارته الخاصة وبيعمل كل حاجه حتى اللى انت مش عارفها ومافيش حاجه اسمها ملحوظة على الشغل انت تستلم عربيتك وتمشى ورجعت القاهره فى نفس اليوم وأنا راجع قولت اجرب العربية مع الزيت الجديد والبوجيهات الجديدة وبسم الله ماشاء الله عديت بيها 210 بمنتهى السلاسة وعاوزه تعدى 220 وأنا بشكر المهندس شريف على أمانته وإخلاصه فى العمل وجزاه الله خيرا وأنا مستعد للإجابة عن اى شيء متعلق بالموضوع على الخاص من فضلكم
رقم تليفون مهندس شريف للأهمية
السلام عليكم...
أنا عربيتي جراند بونتو 2010 ومحتاسة بيها
ضروري جدا لو سمحتم حد يبعتلي رقم مهندس شريف أو أي حد في التوكيل,أنا عارفة العنوان بس محتاجة اكلمهم قبل ماروح عشان خايفة العربية متكملش معايا لحد مرغم.
مشكلتي بدأت لما طقم الدبرياج بدأ يهيس ومهندس شريف قالي لازم يتغير,بس لما عرفت الرقم(3300 جنيه) رحت مركز في سان ستيفانو بتاع صيانة فورد وجابولي الطقم وركبوه وخرطولي المارش عشان كان فيه مشكلة وغسلولي الموتور وركبولي لمبة قدام وعملو check على التيل.المهم دفعت 2800.
صحيح الرقم مش أقل كتير بس يشمل كذا حاجة.
مافيش أسبوعين وطلعلي مشكلة في الفرامل,لما بفرمل بيطلع صوت عجيب ناحية البدال مش ناحية التيل أو الطنابير,صوت تخبيط بدأ يزيد لحد ما طلعلي error في ABS,المهم رحت لمركز سان ستيفانو معرفوش يعملو حاجة وقالولي روحي التوكيل.
فأنا محتاجة رقم حد هناك عشان الصوت مخوفني أمشي بيها على الطريق.
وعندي سؤال:هو ممكن أشتري أنا قطع الغيار وفي التوكيل يركبوهم؟
أرجو الرد سريعاااا