جي تي وتغييره الي بريدجستون في توتال المعادي
بسم الله الرحمن الرحيم
قلت اعرض تجربتي الصغنتوته يمكن ( يمكن ) حد يستفيد
كنت مركب كاوتش GT اندونيسى بصراحه كتر ألف خيره فضل شغال معايا في العربيه حوالي 80000 كيلو :grinder: ومحدش يكومنت بس نظرا للظروف الماديه مكنتش عارف اغير الكاوتش :hitwall3: لغاية م الكاوتش طق طق من الجوانب وبدأ السلك يبان :hlopaet_prv: والكاوتش اتقطع
الحمد لله ربنا كرمني أخيرا بفلوس ونويت أغير بقي علشان الواحد ميضمنش ايه اللي ممكن يحصل :0002014A: وسألت كتييير ودخلت ع النايل موتورز الجـــــــــــــامد جدا بأعضائه المشكورين لمجهودهم الرائع ورسيت علي البريدجستون My-01 بس للآسف تايلندي كان نفسي أجيب الياباني بس الحمدلله علي كل شئ
طبعا كان عندي حدفه شمال و صوت الزلط بيسّمع في ... قلبي وكان فيه دبدبه جامده جدا ولو كنت ماشي علي 120 ومعدي من جنب عربيه بحس بالهوا بينقل العربيه من مكانها :3gears:
طبعا بعد تغيييير الكاوتش حسيت بفرق شاســــــــــــــع ومشيت 150 ولا الهوا والحمد لله:driving:
طبعا غيرت الكاوتش في توتال المعادي اللي علي الكورنيش تقريبا في 10 دقايق بدون مبالغه والناس هناك محترمين جدا والراجل اللي هناك قالي تيجي كل شهر ... شهر ونص تعمل تشيك ع النيتروجين وكل 10000 تعمل روتيشن فور فري وطبعا ضمان 4 سنين ضد عيوب الصناعه
كنت هنسي سعر الفرده 490 جنيه :I_angr1[1]: بس بصراحه تستاهل
آسف لو كنت طولت عليكم