السلام عليكم
السؤال في العنوان انا عارفها مواصلات بركب المرج ومنه المترو لمحطه المخلوع و انزل في رمسيس
بس بالعربيه اوصل ازاي وانا في موقف العاشر ؟؟
عرض للطباعة
السلام عليكم
السؤال في العنوان انا عارفها مواصلات بركب المرج ومنه المترو لمحطه المخلوع و انزل في رمسيس
بس بالعربيه اوصل ازاي وانا في موقف العاشر ؟؟
خد دائري وانزل منزل شبرا الخمية ومنها على طريق الكورنيش ثم من عند السبتية على رمسيس
حضرتك هتمشى ناحية الحرفينن وبعدين تطلع الكوبرى اللى هيقابلك (كوبرى المطار)
هتنزل من الكوبرى على شارع جوزيف تيتو تاخده الى اخره
فى اخره تلف شمال هتبقى سور الكلية الحربية على يمينك
تلف مع سور الكلية الحربية يمين هتبقى فى صلاح سالم
تاخد صلاح سالم لحد بعد لما تعدى من تحت كوبرى الفنجرى - بعديها هتطلع على كوبرى اكتوبر
تاخد اكتوبر لحد بعد الكوبرى المعلق اللى فوق غمرة هتلاقى نزلة يمين بتاعة شبرا
تنزلها وتلف وتاخد كوبرى مهمشة - تخلص كوبرى مهمشة تبقى فى رمسيس
لو حضرتك تقصد موقف العاشر اللى فى موقف السلام يبقى حضرتك بتاخد الطريق ده طوالى لحد ماتوصل لكوبرى فى اخره هاينزلك على شارع جوزيف تيتو تاخده لاخره وتمسك الشمال هاتلاقى سور الكلية الحربية على يمينك امشى جنبه وادخل من جنبه يمين كدة انت ماشى فى صلاح سالم . هاتفضل ماشى فى صلاح سالم لحد بعد هيئة الاستثمار والطريق هايلف بيك شوية هاتلاقى كوبرى على الشمال ماتخدوش وادخل يمين على امتداد رمسيس كدة انت قريب من العباسية هاتلاقى كوبرى يعديك ميدان العباسية خد الكوبرى ده وافضل ماشى على طول هاتلاقى نفسك فى رمسيس .
وممكن تاخد كوبرى اكتوبر من صلاح سالم وتنزل فى غمرة نزلة اسمها نفق احمد بدوى وتلف وتدخل النفق وهاتطلع على شارع رمسيس برده تمشى فيه شوية هاتوصل الميدان
وممكن تكمل فى صلاح سالم وماتدخلش من عند العباسية تفضل ماشى فيه لحد نفق الازهر وتدخل النفق وخد بالك ان النفق دخلته فى منتصف الشارع ولما تخرج منه امسك يمين وادخل شارع فؤاد امشى فيه لاخره وبعدين ادخل يمين هاتلاقى نفسك فى ميدان رمسيس
الوصفة سهلة بس يارب اكون قدرت اوصلك الفكرة
عفوا النفق اللى باقولك عليه اسمه مهمشة فعلا اللى فى غمرة بس انا اختلط على الاسماء . يعنى مش احمد بدوى خالص
هقول لحضرتك اسهل طريق
تاخد طريق جسر السويس لاخره يعني متطلعش على كوبري الحرفيين وخليك من تحت هتلاقي نفسك وصلت لوزارة الدفاع في العباسية بس متزهقش لان الطريق طويل وده اسهل طريق انك تفضل ماشي مستقيم وتفضل مكمل لحد الجامعة وبعد الجامعة تدخل يمين لحد غمرة ومن غمرة على رمسيس
الطريق سهل بس هيبقى زحمة شوية وهيا كلها حسبة 15 كيلو من اول الموقف لحد العباسية
في اغلب اوقات اليوم احسن حاجة صلاح سالم ( العروبة ) وكوبرى 6 اكتوبر زي ما الاخوة قالوا
هينجز معاك جامد ان شاء الله
وفكك من الدائرى عشان واقف وطويل على الفاضى خصوصا لو في ساعات العودة من العمل
وممكن تقوللنا انت بتبقى جاى منين اصلا ، لأن ممكن تكون بتروح موقف العاشر ده على الفاضى و يكون فيه طريق اسهل
ميرسي ليكم يا جماعه علي الردود و النصائح
انا جاي من الاسماعيليه بس هعدي علي الشرقيه و منها بلبيس بعدين القاهره
مشواري طويل شويتين