الموضوع: برلمانى يرفض إظهار رخصة القيادة بحجة الحصانة.. والضابط يرد "انسى.. ده كان زمان"

تحية كبييييييييييييييييييييييي ييييييييييييرة للضابط بجد ياريت الكل يبقى زيه والعكس للنايب المحترم اللى مش عارف ان عينته هى اللى مرجعانا لورا
انا عاوز اعرف يعنى ايه حصانه وايه الإهانه فى انه يطلع الرخص هو عيب ولا شتيمه المفروض الوضع يتغير يعنى الحصانه فى البرلمان مش فى الشارع او على الأقل مش المخالفات المرورية ونفس الوضع للقضاة والضباط مش معقول واحد يمشى عكس الإتجاه ويقول انا عندى حصانه ومش معقول واحد يكسر الإشارة ويقول انا قاضى ... ياجماعه انا شفت موكب ملكى فى السعوديه وقف علشان يعدى المشاة ... انا لى واحد صاحبى كان عايش فى عمان وكان والده عارف هناك واحد كان فى منصب زى مساعد وزير الداخليه فى مصر كده المهم الراجل ده كان بيقول انه عمره ماكسر اشاره ولا كسر السرعة المقررة مش علشان خايف من المخالفات طبعا بس علشان هو قدوه وعلشان بأى حق يحاكم واحد بكسر السرعه وهو نفسه بيعمل نفس المخالفه
وده اللى عمل فرق بين الشعب والشرطه القانون بادق حذافيره يطبق على الغلبان لكن البهوات والبشوات لأ حاسب ده خط احمر .... تتكهرب .... ممكن تقولوا فين العدل اللى يقول انك تتمسك ردار بزياده 2كم/س وتتسحب رخصتك وتروح نيابه ووكيل النيابه يدفعك غرامه وكل من الضابط ووكيل النيابه نفسه مش بيحترم السرعة بحجه انه باشا ومحدش يقدر يكلمه ده العدل لا والله ده الظلم بعينه ..... فين القانون اللى بيقول ان أعضاء مجلس الشعب والقضاة والضباط و... و ..... معفين من المخالفات المروريه فى اى بند فى القانون ...ياجماعه ولى عهد انجلترا اتسحبت رخصه سواقته ليه مش قال انت مش عارف انت بتلكم مين ... وكلينتون ليه وجهت له التهمه المعروفه من مونيكا وماقلش انتوا اتجننتوا ده انا رئيس أكبر دوله ليه مش استنوا لما يخلص مدته ؟؟؟ وليه وليه وليه؟؟ وليه عندنا احنا بس كده ده نقص ولا قله تربيه ولا قله ذوق ولا ايه انا عاوز افهم وليه النائب المحترم ده اسمه مش يعلن ورئيس مجلس الشعب يوقع عليه عقاب او على الأقل الكل يعرف اسمه علشان ينزل من نظر الكل اصله نسى انه دخل المجلس ده بدماء شهداء

محترم