128 موديل 89 أحمر اللون 1300 سي سي موتور بحالة جيدة جداااااا
عفشة جديدة ريداتير امارتي كربراتير واسبراتير جديد طقم صباب جديد كاوتش جديد
كاسيت وسماعات فرش داخلى أساسيات سليمة يعني دور وامشي
ت: 0105234650
عرض للطباعة
128 موديل 89 أحمر اللون 1300 سي سي موتور بحالة جيدة جداااااا
عفشة جديدة ريداتير امارتي كربراتير واسبراتير جديد طقم صباب جديد كاوتش جديد
كاسيت وسماعات فرش داخلى أساسيات سليمة يعني دور وامشي
ت: 0105234650
ياريت تقولنا حضرتك طالب سعر كام وكمان تقولنا العربية رشة دواخل ولا لا:confused2::coool:
قوايم العربية مش رشة وبنقشة الفبريكة انما الحوض والشنطة رشة بعض الاجزاء نظافة انما مفيش ولا حتة برومة والحمد لله مطلوب 25000 جنيية قابلة للتفاوض
البيع بالتسجيل ان شاء الله والرخصة باسم مالكها
25000 ألف مش شايف حضرتك إنهم كتير أوى .... وقابلة للتفاوض فى حدود كام
على فكرة أنا جاد فى الكلام
كمان لو موجوده صور للعربية ممكن حضرتك تبعتهالى على الإميلات الأتية
elmasry20149@yahoo.com
elmasry20149@hotmail.com
M.TAWFIKELMASRY@Suezcem.com
شوف يا اخيMohtofy العربية انا صرفت عليها كتير اوي والحمد لله مفهاش حاجة ده غير ان العربية ماشاء الله لما تركبها ما تحسش انها 128 بجد ناعمة وفتيسها خفيف والدبرياج كمان انا بمشي بيها 130 كم وزي الفل والحمد لله والله مش هتندم ابدا ومع ذلك لو انت جد ممكن نتكلم في الفلوس لاني حجزت عربية زيرو وهابقى مش محتاج 128
وربنا يوفق للي في الخير
والله أنا جد فى الموضوع
ولو هنتكلم فى الفلوس حضرتك ممكن تقولى السعر النهائى بالظبط .... عشان أشوف لو مناسب ليا نتفق على مكان نتقابل فيه ونخلص .
ولو محصلش والسعر مش مناسب .... يبقى ربنا يوفقك وإن شاء الله تلاقى اللى يشتريها
والخلاف فى الرأى لايفسد للود قضية .... وعلى فكرةأنا إتشرفت كتير بالكتابة لحضرتك
هو اصلا مفيش خلاف وربنا ما يجيب خلاف ان شاء الله
بص ياسيدي لو فعلا هنخلص يبقى نقول 24500 جنية واقل من كده هابقى انا اتظلمت وبردو احب اسمع كلامك
بص ياأستاذ anabil72 أنا أسف بس السعر دى بعيد عن المبلغ المتوفر معايا والله .... على العموم بتمنى لحضرتك التوفيق فى بيع العربية وأسف لو كنت ثقلت عليك
لا مفيش مشكلة وربنا يوفقك في سيارة تكون كويسة ومناسبة لامكانياتك المادية ان شاء الله