بصوا
انا كان معايا ميجان2 .. و بعد ما بعتها روحت يمين و شمال .. و جبت فلوينس فالأخر
الحمد لله العربية مدياني كل اللي كنت عاوزة بالسعر المناسب Cost/Value

و الفرق بين الميجان و الفلوينس قتل بحثا .. و لكني لاحظت شوية حاجات صعب جدا تلاقيها مكتوبة فأي حتة .. و ممكن تبان مش مهمة .. المهم بالنسبة لي احترام هذا الصانع الفرنسي للبني أدم اللي راكب !
-------------------------------------------------------------- --------------------------------------------------------------
* الـ ABS مش ثابت .. جيل متطور .. بيغير frequency ال anti block علي حسب السرعة و نوع الطريق
بصراحة الABS مهم جدا علي طريق ناعم .. بس كتير بيلاحظو انه اسوأ من الفرامل العادية لو الطريق عليه رمل و زلط .. انا عرفت ان فيه اربع أجيال و معرفش هو انهي نوع بس هو متطور ( فيه عربيات بتحط اي ABS و السلام )
 -------------------------------------------------------------- --------------------------------------------------------------
* نظارتي عدسات transition6 زي الفوتو جراي بتاع زمان بس بدل الغامق من 30-60 % غرفة - شمس .. هي 0 - 80 % و بتتأثر بالأشعة الفوق بنفسجية عشان تغمق
ايه العلاقة؟ ... النظارة كانت بتغمق في الميجان2 جامد .. بتغمق في الفلوينس اقل - أي ان زجاج الفلوينس عازل للأشعة فوق البنفسجية أكثر !
 -------------------------------------------------------------- --------------------------------------------------------------
* لما بأشغل الدفاية " هوا سخن " علي أقصي درجة .. و مشغل Recycle هوا من جوه لجوه .. بيفصل الrecycle بعد فترة طويلة ... استغربت
اتاري عشان الهوا السخن بيبقي الاكسجين فيه اقل بدرجة بسيطة جدا .. ربما تأثر علي السائق!
 -------------------------------------------------------------- --------------------------------------------------------------
* الفتيس بأحس فيه بحوالي 12 نقلة !!! هما اربع تروس و برضه ثلاث انماط قيادة طبقا لاحساس الكمبيوتر و الميجان كانت كده برضه .. بس في الفلوينس واضحين قوي !
 -------------------------------------------------------------- --------------------------------------------------------------
بصراحة .. و من غير زعل ولا خناقة الله يرضي عليكم .. بأحس ان العربية الأوربي بتعامل من يشتريها أولا كبني أدم .. والأمريكاني برضه " اللي مصنوع فأمريكا " بينما الأخرون يعتبرونه " زبــــون "!!!

شكرا لكم