شكرا يا احمد باشا
النظام دا كان نازل في الكاديلاك الدورادو سنه 1995 اللي كانت نازله بموتور النورث ستار العبقري و كانت من اول شركه فعلا
بس اسمه مش فاكره اوي متهيالي كان نايت موود او حاجه شبه كده
عرض للطباعة
شكرا يا احمد باشا
النظام دا كان نازل في الكاديلاك الدورادو سنه 1995 اللي كانت نازله بموتور النورث ستار العبقري و كانت من اول شركه فعلا
بس اسمه مش فاكره اوي متهيالي كان نايت موود او حاجه شبه كده
كده بقوا 4..
كاديلاك و لكزس..
و مرسيدس و بي ام..
هل من مبارز..:)
اقصد في حد تاني ولا لسة..؟؟
ولا هتبقي عربية من المنتدي هنا اول واحدة يزكب فيها النظام ده من برة ال4 ماركات دول..؟؟
:) :)
شكرا ياحمد على الموضوع ده
شكرا يا جماعه علي اهتمامكم..
بس اللي يستحق الشكر اكتر مني هو الشركة المحترمة جدا اللي بتعمل الكاميرا و النظام ده..
انا بعتلهم ميل امبارح بالليل.. و المفاجأة اني الاقي الرد النهاردة بعد الصلاة مباشرة..
عرفت ان الموضوع متاح بس مش هما اللي بيوزعوا المنتج مباشرة للجمهور..
في شركات واخدة توكيل التوزيع..
دورت لقيت اقرب اماكن لينا هنا شركة في اسرائيل..
و النتيجة اني مش عارف افتح السايت بتاعهم اصلا.. و ماعتقدش اني ممكن اشتري منهم حاجة مع انهم اقرب موزع..
انا بعت لموزع في فرنسا و مستني الرد..
اللي مهتم زيي في الموضوع.. يقولي و ابعتلكم نص الرسالة اللي جاتلي من الشركة..
و يدور معايا و يتابع الموضوع..
عشان لو بجد الموضوع طلع تكلفته مش غالية.. هتبقي حاجة مفيدة جدا..
شوف يا فندم..
اولا الكاميرا الواحدة زاوية رؤيتها 30 او حاجة و 30 درجة بس..
يعني عشان تغطي عرض الطريق محتاج 2.. صح..؟؟
انا عشان كده كنت مهتم افهم منهم سعرها و كده عشان هما هيبقوا عارفين و عاملين حساب الموضوع ده..
ممكن يبقي النظام عندهم جاهز plug & play
و الوصلات برضه ممكن تكون مشكلة لو وصلات غريبة غير المنتشرة و متوفرة هنا..
اي نعم النخيلي ربنا يخليه لينا.. بس متضمنش..
عموما اينا مستنيين الرد هيكون ايه..
بص يا باشا ...
اولا شكرا على نقل الموضوع ...
ثانيا بخصوصا النظام فهو سهل جدا ... بس مكلف من الناحيه الاقتصاديه
يعني ...
- انتا هتحتاج اول حاجة 100 وحده (Unit) من ال IR-LED (زي اللي موجوده في اي ريموت) ودي شباب كتير جدا في مصر بيعملوها (على ال LED مش ال IR-LED)... ودي هتركب جنب الكشافات عادي جدا ... وميزتها انها مش بتنور (مش مرئيه للعين) ودي تكلفتهم تقريبا حوالي 250 دولار للكشاف الواحد (2.5 دولار لكل IR-LED بس ) (500 دولار اجمالي)
- هتحتاج كاميرا IR ولازم تكون نظيفه ودي ممكن تلاقي اي كاميرا Sony CyperShot او NIKON وانا برشح التانيه من اللي بيركب لها عدسات (فئه SLR) ودي سعرها في حدود ال 1200 دولار لوحدها (ممكن اكتر)
-عدسه من نوعيه Wide Angle ودي بتغطي مساحه تقريبيه حوالي من 80 إلى 110 درجه (على حسب العدسه) و في نوعيات Ultra Wide Angle ودي بتدي اكتر وسعرها بيتراوح من 700 إلى 3000 دولار (ايوان ... سعرها اغلى من الكاميرا)
- شوية كابلات و شاشه LCD 7" ودي سعرها في حدود ال 300 دولار
يعني اجمالي النظام هيكلف 3700 إلى 4000 دولار ده لو هتعمله بنفسك
طبعا هيبقا الموضوع مكلكع و العدسه و الكاميرا و حجات كبيره اوي
فطبعا علشان تلاقي الحجات دي كوباكت (مدمجه في بعض) ... اكيد توقع سعر اعلى من كدا
بس
وفي انتظار عرض الاسعار اللي هتجيبه من الشركه
تحياتي
مع كامل احترامي مرسيدس أول من ابتكر هذه الرؤية الليلية بالأشعة تحت الحمراء وهي موجودة في المرسيدس ابتداءاً من الs class وقد أسعدني الزمن برؤيتها فعليا في ال cls وهي بجد راحة غير عادية وفرق في الرؤية غير عادي
كما أعجبني ال save distance وآلية عملها أنه يتم ظبط السيارة على المحافطة على المسافة مع اي شيئ أمامها وليكن 50سم والفعل تقف السيارة لوحدها عند اقترابك من أي شيئ وتحافظ على المسافة ال50سم التي تريدها
انهم الالمان يا سيدي
انا بيتهيألي انه ممكن ميكونش مكلف قوي كده..
انا لورت شويةعلي النت.. لقيت ان في كاميرات كتير ممكن تكون في حدود 100-200 دولار..
يعني الكاميرات بالشاشة بالكابلات.. كله ممكن يكون اقل من 500 دولار..
علي اساس اني هاجيب الكاميرات جاهزة.. ودي متوفرة و بتتباع.. مش هاعملها بايدي..
مشاركة متواضعة مني لتنشيط الموضوع ....إيه الأخبار يا أحمد باشا ...الموضوع وصل لايه ؟
http://www2.0zz0.com/2008/06/06/03/572712500.jpg
http://www2.0zz0.com/2008/06/06/03/737823872.jpg
http://www2.0zz0.com/2008/06/06/03/723401200.jpg
والله يا باشا انا لما بعت الميل للشركة المصنعه..
ردوا عليا في نفس اليوم..
ولما دورت علي الموقع.. لقيت ان اقرب موزع ليهم في اسرائيل..
و استحالة اشتري منههم اي حاجة..
وفي موزع تاني في فرنسا بعتله..
و نفضوا خالص.. محدش رد..
الظاهر كده مش بيعرفوا يقروا انجليزي.. : ):) :) :)
دورت دلةقاتي علي اي كونتاكت ليهم في امريكا الشمالية..
عشان لو كنت انت تعرف تتصل بيهم او كده..
لكن للأسف.. شغلهم كله في اوروبا و اسيا بس..و افريقيا علي خفيف..
تقريبا مالهمش موزع لكمايرات العربيات الحرارية اللي عايزين نسأل عنها عندك..
ولا في الامريكتين خالص.. :(
عموما.. ممكن سعاتك لو عرفت كده تسأل او تشوف ايه النظام عندك..
automotive night vision by flir systems..
معلش يا باشا بنتقل عليك..
بس انا هاحاول برضه ابعت لموزع تاني و اشوف ايه الاخبار..
والف شكر علي اهتمامك يافندم..
100 100 يا احمد باشا
بس انتا بتلعب في غير ملعبك يا اوبلاوي هههههههه
بس اهو كلو الماني
لألأ خلي بالك..
انا كل همي في الموضوع غير اني اعرف الناس علي التكنولوجي الجميلة دي..
اني فكرت اني اركبها في اي عربية..
و اول عربية طبعا هتكون كورستي الجميلة لو كان في نصيب و نفذت الفكرة.. :) :)
اوبل برضه يعني.. (اول اوبل كورسا في مصر فيها نايت فيجن.. بس قول يا رب..)
شكرا جزيلا
أحمد باشا ....في السريع البني كده :)
شركة Flir غير متواجدة في أمريكا الشمالية (و لا الجنوبيه)
الموضوع الظاهر لفت إنتباه ناس تانية ....الرابط لناس بيتناقشوا برضه ازاي يركبوا السيستم ده في عربياتهم العادية ....من الحوار في كام نقطة مهمين
http://www.mp3car.com/vbulletin/gene...ion-car-2.html
- عشان تركب نظام نضيف و ليه فايدة ...لازم يبقى غالي
- النصيحة الاتجاه شرقا....صيني يعني
- الأنظمة الأصلية اللي متركبة في مرسيدس و بي إم ساعات ما بتشتغلش كويس !!!؟؟؟؟؟
- لازم تتأكد إن السيستم بتاعك حيشتغل في وجود أنوار المصابيح الأمامية لأن فيه أنظمة ما بتشتغلش إلا في الظلام الحالك
على العموم بحث سريع على froogle زاي ما واحد مشارك في المنتدى الأجنبي نصح لقيت أنظمة كتيرة ...إيه رأيك في ده
http://www.nightvisionoptics.com/nitmaxstan.html
تسلم ايدك يا باشا..
بس انا مش فاهم النظام بتاعهم ده قوي لسة..
باتفقرحج ع التفاضيل..
بس انا شايف انه راكب علي كاميرا فيديو في الوصةر..
مش عارف ايه القصة بالتفصيل.
هشاوف كده و ربنا يسهل..
وخاصة ان السعر مش كبير قوي..
وبعدين نظام البطاريات ده غريب قوي..
مينفعش معانا يعني..
عموما.. مازال البحث جاري..
و الف شكر علي اهتمامك..