نظام الرؤية الليلية في Bmw

**أبو عبدالله** · 29-05-2008 10:09 PM

على فكره اول شركه عملته هيا لكزس
وكان من فتره
وهو رادار ليلي بيكشف الطريق ويعطيك ان في حاجه على الطريق باليل ويظهرلك على الشاشة الطريق بدون نور كمان زي كاميرات الرؤية اليلية كده

**Ramy_Tantawi** · 29-05-2008 10:17 PM

فكره ممتازه لو امكن تطبيقها بسهول وبتكلفه معقوله طبعاً وهاتكون مريحه جداً جداً جداً في طرق السفر خصوصاً ان نسبه كبيره او معظم او كل الطرق في مصر مافيش فيها اناره اصلاً وحتى لو وجد بتكون لغرض الاضرار بالسائق مش لنفعه

أتمنى من حضراتكم لو حد يعرف معلومات عن النظام ده وتكلفته تقريباً ما يبخلش علينا بيها وجزاكم الله خير وشكرا على الموضوع .

**Ahmad Allawy** · 29-05-2008 10:21 PM

المشاركة الأصلية كتبت بواسطة أبو عبدالله

على فكره اول شركه عملته هيا لكزس
وكان من فتره
وهو رادار ليلي بيكشف الطريق ويعطيك ان في حاجه على الطريق باليل ويظهرلك على الشاشة الطريق بدون نور كمان زي كاميرات الرؤية اليلية كده

ألف شكر يافندم علي المعلومات القيمة..
كده فعلا الحمد لله عرفنا معلومات زيادة..
ان اول شركة نفذته كانت لكزس..
وانه موجود في المرسيدس الاس كلاس حاليا.. و موجود في البي ام من سنة 2005 في كل حتة ما عدا مصر طبعا.. :)
واكيد هنستقيد اكتر من مشاركات الاخوة اللي عندهم معلومات عن الموضوع..

الف شكر يا جماعه علي توضيح و زيادة المعلومات..

**Ahmad Allawy** · 29-05-2008 10:23 PM

المشاركة الأصلية كتبت بواسطة Ramy_Tantawi

فكره ممتازه لو امكن تطبيقها بسهول وبتكلفه معقوله طبعاً وهاتكون مريحه جداً جداً جداً في طرق السفر خصوصاً ان نسبه كبيره او معظم او كل الطرق في مصر مافيش فيها اناره اصلاً وحتى لو وجد بتكون لغرض الاضرار بالسائق مش لنفعه

أتمنى من حضراتكم لو حد يعرف معلومات عن النظام ده وتكلفته تقريباً ما يبخلش علينا بيها وجزاكم الله خير وشكرا على الموضوع .

والله يافندم انا عن نفسي بدأت بالفعل في السؤال..
دورت علي السايت بتاعهم و ملقيتش اسعار..
دورت علي موزعين اقرب موزع لينا في اسرائيل.. :(
وغيره في جنوب افريقيا و في رومانيا باين..
عموما مش مشكلة.. بس انا بعت اسألهم عن سعر الجهاز بالكامل بوصلاته بكل مشتملاته
واول ما يجيلي رد منهك اكيد هابلغكم بالتفاصيل ان شاء الله..
عشان لو طلع الموضوع مش مكلف قوي.. ممكن نعمل اوفر لينا هنا و نركبه للناس..

**Mzeid** · 29-05-2008 11:34 PM

المشاركة الأصلية كتبت بواسطة Ahmad Allawy

يافندم لا شكر علي واجب..
وده برضه من بعض ما عندكم.. :)
انا بصراحة ماعرفش في المرسيدس.. لأني مشوفتوش غير في العربية دي..
اما فيما يخص موضوع الندي و كده..
الكاميرا حرارية.. يعني بتحس بالاشعة الحرارية.. مش الضوئية..
وده معناه انها مش هتتأثر بدرجة ملحوظة بقطرات الندي..
وكمان لو اخدت بالك ان فيها نظام تسخين عشان الجو البارد قادر علي اذابة طبقة تلج بسمك 2 مم.. يعني اكيد هيتعامل كويس مع الشبورة..
انا عن نفسي بافكر ادور و اشوف تمن الكاميرا دي كام.. واشوف امكانية شراها اونلاين و تركيبها بس لو كان سعرها في المعقول..
والف شكر علي اهتمامك و تعليقك..

الله يخليك يا أحمد باشا ..
بص أنا قصدي على الأشعة تحت الحمراء مش الأشعة الضوئية العادية ..
و أنت دائماَ سباق بالمواضيع الجيدة ..
:):)

**Ahmad Allawy** · 29-05-2008 11:38 PM

المشاركة الأصلية كتبت بواسطة CAMARO

الله يخليك يا أحمد باشا ..
بص أنا قصدي على الأشعة تحت الحمراء مش الأشعة الضوئية العادية ..
و أنت دائماَ سباق بالمواضيع الجيدة ..
:):)

لأ لحد هنال و مش هاقدر اكمل.. :) :) :)
انا اقصي حاجة افتكرها المنشور الزجاجي و الكلام ده.. :) كان اخرنا فيه البنفسجي و الاحمر..
فوق البنفسجي و تحت الاحمر.. مش عارف ايه نظام الانكسارات و الانعكاسات ايه..

محتاجين خبير بصريات بقي.. ولا حتي طبيب عيون.. :) :) :)

**furp** · 29-05-2008 11:39 PM

بجد ياجماعه ناس بتفكر ازاي دايما

تبقي الاحسن والافضل

وفي نفس الوقت بتديك ثقه وامان متناهي الدقه وانت ماشي علي الطريق

علشان كده الناس دي هتتقدم وهتتقدم

لانها بتعمل تجارب وابحاث وتطوير

واحنا لسه بدري علينا عقبال مانفهم الدرس

**mohamed ibiza** · 29-05-2008 11:39 PM

ايه الابداع ده يا احمد انت كده بتلعب في ملعب اكسبرت هههههه لا بجد مواضيعك دايما جامدة:)

**Ahmad Allawy** · 29-05-2008 11:43 PM

المشاركة الأصلية كتبت بواسطة mohamed ibiza

ايه الابداع ده يا احمد انت كده بتلعب في ملعب اكسبرت هههههه لا بجد مواضيعك دايما جامدة:)

لا مش قوي كده يا محمد بك..
المقامات محفوظة برضه..
كل واحد عارف حدوده يا عمنا.. انا لسة بدري عليا قوي..
لما اوصل لخبرة الناس الجامدة دي.. وادينا بنتعلم ادينا.. ادينا بنتعلم.. :) :) :)

**Mzeid** · 29-05-2008 11:45 PM

على فكرة نسيت أقول لك إن النظام موجود في مصر في ال BMW بص كدة على الشبكة اللي في الإكصدان هتلاقي حاجة مدورة و سوداء كدة هي دي الكاميرا ..
و يا ابو عبد الله النظام مش بيشتغل بالرادار هو كاميرا حرارية زي ما أستاذ أحمد قال و هي بتعمل إزاي .. ؟!
أي جسم بيشع حرارة بيشع أشعة تحت حمراء و قدر الأشعة بيتناسب مع قدر الحرارة المتولدة من الجسم الكاميرا بقى بتستقبل الأشعة دي و تحدد نوعية الجسم اللي بيشع الحرارة اللي في نطاق الكاميرا ..
:):)

الموضوع: نظام الرؤية الليلية في Bmw

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مشكلة فى كاميرا الرؤية الخلفية

الرؤية الليلية للمرسيدس .

نظام الرؤية الليلية للـ bmw

الكلمات الدلالية لهذا الموضوع

المفضلات

المفضلات

ضوابط المشاركة