لو سمحتوا ياجماعه العربيه بتاعتى نوبيرا 2 العربيه وانا ماشى بقيت بتنتش وتترج والشكمان بيتلت روحت لمكانيكى لقيت البوجيهات سليمه قالى ممكن يكون صباب بس العربيه السحب بتاعها عادى ماتاسرش والعربيه ماسخنتش منى مش عارف ايه السبب ياريت حد يفيدنى
عرض للطباعة
لو سمحتوا ياجماعه العربيه بتاعتى نوبيرا 2 العربيه وانا ماشى بقيت بتنتش وتترج والشكمان بيتلت روحت لمكانيكى لقيت البوجيهات سليمه قالى ممكن يكون صباب بس العربيه السحب بتاعها عادى ماتاسرش والعربيه ماسخنتش منى مش عارف ايه السبب ياريت حد يفيدنى
شوف حساس الشكمان هو بيبقي سبب البلاوي اللي في كل العربيات اللي خلقها ربنا
لمبة التشك نورت ولا لاء
نورت حطها علي اسكانر
منورتش
اكشف علي اسلاك البوجيهات والبوبينة بالترتيب كما ذكرتهم لك
متبع باهتمام خاصه الشكمان بيتلت
اعتقد فعلا العيب فى حاجة تبع الكهرباء شوف فعلا البوجيهات او الموبينة
شوف سلوك البوجيهات
MMamdouh
بص أنا عندى نفس المشكله ديه
المشكله فى بوابه الإنجكشن جواها سينيور بيبوظ ولازم تغير القطعه كلها و إسمها السوقى (قطه) و طلع عينى لأن البوابه الجديده الأصليه سعرها 1800 جنيه والإستيراد بحوالى 400-500 بس بتشتغل 3-6 شهور و تبوظ تانى فجربت الإستيراد مرتين لحد ما جبت الجديده
وعلشان تتأكد إن ده العيب روح حطها على الإسكانر ولو مابانش حاجه روح بيها لمحمد السيد الكهربائى فى شارع الدقى على ناصيه شارع جابر بن حيان أو محمد هاشم الميكانيكى فى بين السرايات عند محل أبو الحسن لقطع الغيار و دول ناس عارفين ربنا و ح يساعدوك فى الصح