سؤال فيما يخص القوامة او الوصاية

ليا اخت بالغة لكن من ذوي الاحتياجات الخاصة
ماما هي الوصية عليها
لما سجلت ورثها من بابا عبارة عن عدة قطع من الارض وفلوس بس مش كتير
ماما مسجلتش كل القطع وفي المجلس سجلوا اللي هي كتبته بس بدون السؤال ان اي اوراق ولا حصر تركة ولا غيره وسبب انها مسجلتش كله اننا بنبيع من ارض المشاع عشان بنبي فيلا شرك بينا كاخوات وكل الفلوس الورث اتحطت فيها وكمان عشان تحججها ومش عايزة المجلس يدوشها صرفت الفلوس في ايه
فهل ممكن المجلس يعمل اي اجراء فيما بعد زي حصر تركة ويحاسبها قانونيا على عدم تسجيل الورث بالكامل
دي نقطة
نقطة تاني اختي في السعودية بتبعت لماما دعوة زيارة بحكم انها امها سهل لكن مش مسموح بارسال دعوة للاخت
فهل لو بعتت لماما تقدر ماما تطلع تأشيرة لاختي كمان بموجب حكم الوصاية وانها متقدرش تسيبها لوحدها ؟؟

اعتقد لو حد من الورثه اتظلم في الحاله ديه حيكون فيه مسائله
لاكن حضرتك موضحتيش الارض اللي علي المشاع ديه بتبيعوا فيها بموجب ايه

كلنا عاملين توكيلات عامة لماما بما فينا اختنا دي وكانت قبل حكم القوامة

انا نسيت اقول ان بعد ما بيعنا اللي محتاجينه للبناء عملنا ورق بينا وبين بعض بتقسيم الباقي من التركة بالتساوي بما فيها الفيلا اللي ماما هتكملها على حسابها ومش ظلمنا اختنا بالعكس ميزناها بقطعة زيادة تعويضا لها لانها متصرفش عليها في جواز وتعليم وغيره زينا
هي المشكلة اللي انا قلقانة منها ان المجلس مش مثبت فيه الخقيقة

بصي يا ستي المفروض في الوصاية زكر كل ما يخص القاصر او اللي هتكوني وصية عليها ودي ممكن تسال قانونا عنها بس الاهم من كده اللي بيتصرف والارض اللي اتصرفت السيدة الوالدة فيها تكون اعمال صحيحة وفي مصلحة اختك وبكده عادي جدا لان السيدة الوالدة من حقها التصرف الكامل في ممتلكات اختك بما يكون في صالح اختك بغير انها تكون قاصر انما لو قاصر دي حاجة تانية ما ينفعش تبيع وتشتري وكده