مطلوب أفكار لتثبيت جريدة باب اللانوس المخلوعة

**asom_6** · 01-02-2012 10:09 AM

واحد إبن ...... حلال ..... تقريباً كان ساند على العربية ومريح رجلة على جريدة الباب اليمين الورانى ,فطبعاً الباشا كسر الكلبسات كلها ومبقاش فاضل غير المسمار اللى فى اول الجريدة وبقت مدلدلة من الباب فقمت انا كمان كاسر اخر حتة دى من غيظى علشان اطلع الجريدة على ما اشوف هركبها ازاى تانى ودعيت من قلبى على كل انسان لا يحترم ملكيات الاخرين.

لما رحت التوكيل اعمل الصيانة سألت بالمرة على الجريدة قاللى مفاجأة غريبة لما وريتهالو وشاف اماكن تركيب الكلبسات والمسمار مكسورين ,, قاللى ان الجريدة البديلة عنده بالكلبسات والرش والتركيب تقريباً ب 90 جنية للباب الأمامى وحاجة وتمانين للباب الخلفى مش فاكر بالظبط.

طبعاً انا شكرته من صميم قلبى لان اساسا الجريدة سليمة تماما من الخارج ومش معقول مفيش طريقة اثبتها بيها من غير ما ادفع للبشوات فى التوكيل 90 جنية فى جريدة الباب ..... ولا ايه رأى حضراتكم ؟؟؟

**tarek_2005** · 01-02-2012 10:21 AM

هات بكرة دبل فيس 3m اصلي ب حوالي 15 جم عرض نصف سم وبقطعة قماش بدون وبر وقليل من السبرتو الاحمر امسح الجريدة جيداً وثبت بها الدبل فيس ثم امسح بنفس قطعة القماش وقليل من السبرتو الاحمر مكانها علي الباب وازق الباكته وابقي قابلني لو عرفت تفكها تاني انتا