انا بحط جالانس و كويس جدا عندي و مش بيجير
عرض للطباعة
انا بحط جالانس و كويس جدا عندي و مش بيجير
انا بستخدم بيريل بس بكمية صغيرة ومابيجيرش ولا حاجة والازاز بيكون كويس
انا عايز اعرف لما بيجى جزء على القوايم و الصاج بيبوظهم معا الوقت ولا اية
على فكره انا جربت البريل وجربت الجلانس النتيجه بتتوقف على نسبة تركيزه كلما خففت تركيز البريل اوالجلانس النتيجه بتكون افضل لمنع التجير ولاننسى ان البريل منظف قوى له تاثير ضار على بويه السياره
انا عندى العربيه بتاخد 6 لتر مياه
بجيب ازازه مياه من الى هى لتر و نص ..بحط فيها "شويه بيريل" و املاها مياه و ارجها كويس "عشان ميبقاش مركز تحت)
و بقوم حاططها على فى القربه و اكملها بقى مياه عاديه
النتيجه :
كويسه جداااااااااا و مش بيجير (لان النسبه قليله)
و انا نفذت الفكرة و هى حلوة جدا بس خايف من البريل يعمل ترسوبات معا العلم ان حاطط 2 زجاجة مية على كيس بيريل و مخففهم بزجاجة تالتة
انا بقالي دلوقتي 3 او 4 سنين بستخدم البريل في مياة تنظيف الزجاج
بس انا بعمل حركة تانية
جبت زجاجة بريل قديمة من البيت وبحط ربعها او اقل بريل والباقي مياة من الحنفية ومش برجها - بفضل اقلبها لحد لما تمتزج واعدلها وارجع اقلبها واعدلها
وهكذا لحد لما اللون يخف وتمتزج تماما
وبعدين بحطها في التانك بتاع مياة الزجاج وبضغط عليها فالبريل بينزل مندفع وبيتقلب مع مياة التانك الموجودة اصلا
بيبقي لونها اخضر خفيف اوي
بس بتنظف جامد جدا والحمد لله
كتر البريل بيسد طرمبة المياة داخل خزنة المياة بتاعة المساحات وبيبقي تقيل عليها
لكن لو مخفف (زي بالظبط بتاعة الراجل بتاع الكاوتش) بتبقي مزحلقة وناعمة علي الطرمبة وتلاحظها في قوة اندفاعها من الرشاشات
والحاجة التانية بتبقي فيها بردو منظف وبتلمع من غير ما تجير الزجاج
وتنفعك لو عملت اي صيانة في العربية بأيدك - تقدر تنظف بيها ايدك بمنتهي السهولة (دايما بسيب نص الزجاجة معايا في شنطة العربية)
عيبها الوحيد : طبعا المساحة مش بتمسح كل ملي من الزجاج فالباقي بيلم تراب وبيبقي شكله وحش ولو نزل منها علي الكبوت بردو بيعملك خطين كدة شكلهم وحش
Best Practice
تمسح الزجاج (بالخلطة السحرية) وانت ماشي علي سرعة 80 علي الأقل
والهدف منها ان اي بقايا المساحة مامسحتهوش يطير مع الهوا من سرعة العربية
دي تجربة العبد لله
والله المستعان
،
،
أنا كنت بحط منظف زجاج إسمه ... بيور
مع كام نقطة بريل
كان جامد.. من غير تجيير
فكرة هايلة على العموم انا حجرب وان شاء الله النتيجة تكون خير....*