الحمد لله

**humhooma** · 01-02-2012 01:54 PM

انبارح حصل معايا حتة موقف صعب لاكن فعلا الحمد لله بجد
الي حصل كنت جاي علي الدولي و فجاة بدون اي مقدمات لمبة الشيك نورة و العربية برجلت و الدنيا باظت كان علي الساعة 7 بلليل و الحتة مقطوعة و معايا ناس فطبعا رعب الواحد بيسمعوا عن السرقات و نزلت اطمن علي كل الحاساسات و الطرمبة البنزين و الكويل و كل حاجة تمام و فجاة جات عربية فيرنا سودة و فيها 4 رجالة متفيمة ركنت و طبعا قلبي وقع في رجليا و قلت ربنا يستر و جريت جوا العربية احاول ادور و طبعا قلق وكمان عشان كان معايا بنات صحابي و فعلا ستر ربنا ان الي ركن ده واحد صحبي و لقاني واقف وقفة غريبة فقال يطمن و بجد الحمد لله انه جه في وقته لاكن برضه هو كلم الميكانيكي وانا كلمت عصا غنايم طبعا كلنا عرفينه مفيش اي مشكلة بس ليه مشراديا تدور و بعد محاولات البطارية نامة لدرجة النور الصغير مش راضي يشتغل المشكلة ان مفيش اي حبل ولا اي حاجة نقطر بيها العربية و دي بجد نصيحتي لكل الناس لازم يخلوا حبل احتياطي في العربية و اعدنا نجمع الكاوتش المقطوع بتاع العربيات النقل الي في الارض و نوصلها و ربطنا العربيتين و طبعا الوصلة اتاطعة اكتر من 12 مرة بجد لاية موصلت للموقف الجديد عندنا في اسكندرية لغاية مخلتوا يامشي و اتصلت بحد اريبي معاه عربية 4×4 و حاب حبل و روحني وصلت الساعة 12 طالع عيني بجد و مش عارف اقفل ازاز العربية عشان مفيش كهربة خالص و انا و العربية غرقنا بس علي رغم البهدلة لاكن اشكر ربنا و نصيحة محدش يمشي منغير حبل احتياطي
و نفسي اعرف ايه الي حصل و اسف علي الاطالة بس كنت عايز احكيلكوا الحكاية دي و لو حد يعرف اعمل ايه يبعتلي

**haimaN** · 01-02-2012 02:03 PM

قدر الله وماشاء فعل
الحمد لله انها جت على اد كده وربنا ستر لغاية ما تروح

**mailo** · 01-02-2012 02:37 PM

قدر الله وماشاء فعل
بس هو إزاي ربطت كاوتش النقل فبعضو وعملت بيه إيه إزاي
معلش بس انا مش فاهم الحتة دي خالص

**humhooma** · 01-02-2012 02:52 PM

بص ياباشا الكاويتش ده بيكون اتقطع و النقل ماشي بيكون عمر الافترادي بتاع الكاوتشخلاص فبتقطع بالطول و بيبقي زي شرايط فبتمسكها و تشدها بالطول فبتطلع و تبقي عامل زي حبل كده

**tarek_2005** · 01-02-2012 02:58 PM

قبل لمبة التشك ما تنور خدت مطب ولا حاجة
اخبار حساس الكرنك عندك ايه لاني شاكك فيه و
طبعاً الفيصل هيبقي الاسكانر بس متهيالي العطل اتمسح من علي الكنترول لانك بتقول البطارية ماتت

**biomedo** · 01-02-2012 08:59 PM

الحمد لله ان اللي عدى كان صاحبك مش واحد من اياهم اللي معندهم لا دين ولا ضمير

**A.samy** · 01-02-2012 11:05 PM

انا اتزنقت زيك كدة مرة بس بوظت حزام الامان بتاع الكنبة عشان مكنش معايا حاجة تقطرنى

**barhooma** · 02-02-2012 01:42 AM

الي بجد لية عارفه ان واحد صحبي بيكلمني عشان يقلي ان واحد صحبه بيقلوت انه شاف فنفس المكان الي عطلت فيه بس بعديا بربع ساعة تقريبا عربية سوزوكي تناية مسبتة عربية و بتقلبهم
عموما انا لية راجع من عند الميكانيكي و هاتحن عشان مشعارف السبب ايه؟
كل الي لقيناه ان سير التقسيمة متاخر سنتين !!!!!!!!!!!!!!!!!!!!!!!!!!!!!!!!!