انا كنت عاوز أعرف رأي الناس في العربية الأوبل فيكترا سواء a أم b
وايه العربية من الحديث دلوقتي تقدر عليها او اقوى منها
وهل العربيات الكوري احسن من الاوبل ولا الاوبل افضل على الرغم من انها كانت بتتقفل في مصر
عرض للطباعة
انا كنت عاوز أعرف رأي الناس في العربية الأوبل فيكترا سواء a أم b
وايه العربية من الحديث دلوقتي تقدر عليها او اقوى منها
وهل العربيات الكوري احسن من الاوبل ولا الاوبل افضل على الرغم من انها كانت بتتقفل في مصر
عربية المانى معدلات الامان فارقة كتير عن الكورى واحسن من اليابانى صاج قوى ماتور قوى وخامات محترمة برستيج طبعا لان الالمانى ركوبة وفى نفس الوقت سعر السيارة وقطع الغيار مقاربة للدايو بشرط حالة العربية لان مش اى ميكانيكى بيشتغل فيها صح يعنى ممكن تبقى العربية كويسة وتروح لميكانيكى يفتكس فيها وتلاقيها بعد كدة عايزة الرمى
من وجهه نظرى
عربية قيمتها اعلى بكتير من سعرها
انصحك با الاوبل بس علشان تبقي عارف وللامانة لما بتزعل منك بتزعلك
بس بالنسبة للكوري و الياباني في اوقات احن كتير منهم
و عايزة واحد يحس بيها مش اهي ركوبة وخلاص يعني يوم ما تحس انها غيها حاجة اعملها علي طول و هيه هتديلك اداء اكتر من اي عربية كفاية ثبات امان كدة
و غير كدة راكب عربية محترمة
انا معايا فكترا بي و هغير لي فكترا اي مع انها اقدم منها بس عادي
ليه تدفع 50 الف في عربيه لانوس كوري ........ لما ممكن تدفعهم في عربيه فيكترا الماني محترمه :46[1]:
هكلمك عن الفيكترا b عشان معايا
عربيه محترمه وشكلها حلو وسريعه وقطع غيارها اسعارها متوسطه وفي حاجات رخيصه كمان
وانا بالنسبالي عشان بحب العربيه تبقي واحش تحت رجلي عاجبني فيها انها سريعه بدوس الدوسه بطيير
مع اني الموتور بتاعي 1 كامه والمفروض ان ال 2 كامه اشد
وعاجبني فيها كمان انها مريحه جدااا في سواقتها بحس انها متفصله علي قدي :grinder: وابعادها مظبوطه
بصراحه من ساعه ما جيبتها بقيت استغبي اي حد بيجيب لانوس ولا نوبيرا ولا فيرنا ب 50 الف جنيه
بس بردو بقول خليهم كدا خايفين من الاوبل عشان ماتبقاش منتشرة وشعبيه اوي لدرجه تخنق زي الكوري
يرجى التزام الدقه فى اختيار الألفاظ
تم التنبيه عليك
و فى حاله التكرار سيتم تطبيق العقوبة
يرجى مراجعه قوانين المنتدى
مشرف القسم
4/ب
انت قصدك رأى الناس ولا رأى مالكى لعربية؟
رأى الناس:
. عربية معقدة
. قطع غيارها غالية
. مشاكلها كتير
. تكييف ضايع
. محدش بيفهم فيها
. بتسخن
رأى مالكى السيارة:
. وحش على الطريق
. ثبات وهمى على السرعات العالية
. صاج تقيل و عربية تقيلة
. برستيج
. تكنولوجى سابقة عصرها
. أوبشنز و تكييف ممتاز مع الصيانة الدورية
. قطع غيار متوفرة جدا و سعرها معقول جدا.
. تصونها تصونك.
. مستحيل تسخن لو محافظ عليها و مبتستخسرش فيها.
. صوت الموتور و صوت قفلة الباب يحسسك ان العربية قيمة.
. محتاجه تركز شويه انت بتصلحها عند مين و تسأل الأول.
. أفضل قيمة مقابل سعر.
. معمولة للى بيحب يركب عربيات مش للهواه ولا للى عاوز حاجه تمشى وخلاص.
معلش هو كلام حضرتك صعب شوية بس انا معاك ان الاوبل احسن بكتير جدا جدا و لا مقارنة بينها و بين اللانوس او الفيرنا من حيث المتانة و الثبات و الشكل الافحم و لكن لا تنسى ان قطع غيار الالمانى غالية جدا و بتمن عشر قطع غيار من اللانوس او الفيرنا
اتفق مع kareemz فى كل ما قاله
لو مكنتش نمرة 1 حتكرة حياتك