مشكلة تسقيط غيارات فى كيا سول فيس ليفت 2012
السلام عليكم
اولا السيارة كيا سول فيس ليفت 2012 موتور 130 حصان وفتيس اوتوماتيك وستيب ترونيك 6 غيارات
تاريخ الشراء 29.12.2011
كيلومتر 3500 كم
المشكلة كالاتى:
1. السيارة تنقل الغيارات كلها من 1 ل 6 بنعومه لحد ار بى ام من 2 ل3 وبسرعه من 80 - 100 كم / ساعه
2. عند محاوله زيادة سرعه العربيه بدون حرق او كيك داون تجد ان العربيه تسقط غيار او اتنين ومبترجعش تانى للسادس ولو رجعت بتسقطها فى ساعتها والاربم ام يعلى ويوطى بشطل ملحوظ دون تغيير دوسة البنزين
3. استلاك عالى جدا للبنزين داخل وخارج المدينة
4. خشونة وعلو فى صوت الموتور
5. عند تحويل العربيه للاستيب ترونيك والثبات على الغيار رقم 6 لتجنب تسقيط الغيارات فان السحب يكون ضعيف اخرها 110 كم /ساعه والشعور بصوت خنقة الموتور
تم زياره التوكيل 5 مرات فى شهر واحد منهم يومين بيات تحت الكشف بواسطة الخبير الكورى ومدير الصيانه بفرع ابو رواش وكل مقاييس السياره طبيعية وجميع القراءات سليمة على حسب كلامهم
محتاج رد لان كل استخدامى للسياره هو السفر المتكرر اسبوعيا ولمسافات طويلة وموضوع السحب وتسقيط الغيرات ده مخلينى كاره العربيه وبندم انى جبتها على الرغم ان محدش اشتكى من الفيرجن اللى قبلها اللى كان 4 غيارات
