السواقة فى الاسكندرية من بعد الثورة بقت اخر قلة اداب

**magdyelshikh** · 02-02-2012 10:20 PM

المشاركة الأصلية كتبت بواسطة alnmr79

والله يا سيدى انا اسكندرانى ابا عن جد ومن الحضرة القبلية كمان انا مش بشتم فى الاسكندرنية انا بنتقد السواقة بتاعتهم لانى اتعلمت ان السواقة اخلاق (سابقا)دلوقتى اصبحت معارك حربية زى الزميل ما بيقول لما يكون اغلبية الناس معندهاش زوق فى السواقة واسهل حاجة تتشتم باغلظ الشتائم وانتى معاك اولادك يبقى نسمى اخلاقنا اية؟؟والا دة مبيحصلش!11111111111

على كل حال الف شكر لحضرتك والاسكندرنية مسمحاك

**tananybasha** · 03-02-2012 01:40 AM

عمار يا اسكندرية

**wama1903** · 04-02-2012 12:08 AM

المشاركة الأصلية كتبت بواسطة alnmr79

السلام عليم
اية الحكاية يا جماعة الاسكندرنية بقت اخلاقهم زى الزفت كدة لية كونا الاول بنشتكى من بتوع الميكروباصات دلوقتى النص نقل والتاكسيات والملاكى وخاصة السيدات بقت بترازى اكتر من الرجالة ترمى عليك واتى سايق وكأن مفيش حاجة ودة العادى
انا لما بنزل القاهرة بالرغم من الزحام دة كلة ولاكن معظمالناس بتسوق باحترام بعكس الاسكندرنية معظم الناس بترزل ولازم عينك فى نص راسك علشان اللى هيرمى عليك من الحارة اللى جنبك هههههههههه

الواحد كان الاول لسانة طول كدة مع العالم دى ولاكن بعد ماعشت فى الخليج للاسف بقيت محترم فى التعامل وبعد كدة ببقى بضربراسى فى الدركسيون من تسامحى معاهم

شكلى كدة مش هعمر فى البلد دى وهخلع مع اول فرصة وهرمى من الطيارة قلة

+1111111111111111

**sniperwolf** · 05-02-2012 02:32 AM

ولية بس ياباشا تتعب نفسك انا بنزل الجيزة او اسكندرية بسوق ب ايد والايد التانية على الكلاكس والرعاش واى حاجة انا اسلوب اعتراضى بالكلاكس دائما

**alnmr79** · 05-02-2012 02:06 PM

والله يا باشا والا فى الدماغ كلوا سايق الطناش يرمى عيك ويريح كمان على العربية ومفيش حتةكلمة معلش كانها نوع من اهدار الكرامة يخلوا الواحديتعصب ويفقد اعصابه وخلاص--علشان كدة انا بفكر اجيب عربية دوبل كابينة نص نقل بصندوق كمان واعملها اكصدامات مواسير صلب وعيش بقى يا باشا -واللى يتهور معانا يتعورهههههههههههههههههههه ههه