السواقة فى الاسكندرية من بعد الثورة بقت اخر قلة اداب

**alnmr79** · 01-02-2012 04:06 PM

السلام عليم
اية الحكاية يا جماعة الاسكندرنية بقت اخلاقهم زى الزفت كدة لية كونا الاول بنشتكى من بتوع الميكروباصات دلوقتى النص نقل والتاكسيات والملاكى وخاصة السيدات بقت بترازى اكتر من الرجالة ترمى عليك واتى سايق وكأن مفيش حاجة ودة العادى
انا لما بنزل القاهرة بالرغم من الزحام دة كلة ولاكن معظمالناس بتسوق باحترام بعكس الاسكندرنية معظم الناس بترزل ولازم عينك فى نص راسك علشان اللى هيرمى عليك من الحارة اللى جنبك هههههههههه
الواحد كان الاول لسانة طول كدة مع العالم دى ولاكن بعد ماعشت فى الخليج للاسف بقيت محترم فى التعامل وبعد كدة ببقى بضربراسى فى الدركسيون من تسامحى معاهم
شكلى كدة مش هعمر فى البلد دى وهخلع مع اول فرصة وهرمى من الطيارة قلة

**amr.elsayed** · 01-02-2012 04:13 PM

انا كمان تعبت والله ..... حرب مش سواقة

**فتح الباب** · 01-02-2012 06:05 PM

التاكسيات والميكروباصات بس ياجماعه وسواقين الميرى والشركات والحكومه فقط بخلاف كده اى حد بتاع ملاكى بيرمى عليك يمين او شمال انا عن نفسى التمس لهم العذر ربما متعلم السواقه جديد وبردوا يا جماعه هموم الدنيا كترت انما اخلاق بتوع الملاكى عمرها ما هتتغير ابدا الا للتحسن المستمر ومعاهش خلينا نفترض حسن النيه يا جماعه . اشكركم

**gebreel** · 01-02-2012 06:15 PM

انا اما بنزل اسكندرية بمجرد وصولي بقول يا رب العربية متتخبطش خصوصا على الكورنيش و لما بوصل البوابات بقول الحمد لله اني طلعت بالسلامة

**BassamHafez** · 01-02-2012 06:29 PM

مش اسكندريه بس

انا ببقى هاين عليا اشيل سلاح مش عشان البلطجيه .... عشان اضرب الناس اللي لقل ما يقال عنها انها غير محترمه من طريقه سواقتها وبجاحتها

**tananybasha** · 01-02-2012 10:55 PM

فى اسكندرية بس
انزل فيصل و لا الهرم و لا العمرانية و البحر الأعظم
و اتفرج و ادعيلى

**alnmr79** · 02-02-2012 12:06 AM

المشاركة الأصلية كتبت بواسطة mmamdouh73

اعتقد انه لا داعى للكلام بصيغة الجمع ومن الافضل ان تعتذر للاسكندرانية الذين اخطأت فى حقهم

واللهى يا سيدى انا اسكندرانى ابا عن جد ومن الحضرة القبلية كمان انا مش بشتم فى الاسكندرنية انا بنتقد السواقة بتاعتهم لانى اتعلمت ان السواقة اخلاق (سابقا)دلوقتى اصبحت معارك حربية زى الزميل ما بيقول لما يكون اغلبية الناس معندهاش زوق فى السواقة واسهل حاجة تتشتم باغلظ الشتائم وانتى معاك اولادك يبقى نسمى اخلاقنا اية؟؟والا دة مبيحصلش!11111111111