السلام عليكم ورحمة الله وبركاته
اخباركوا ايه شباب وهواة الاكل الشعبى.
متعرفوش اكل منين لحمة راس وسمين والذى منه فى مدينة نصر او مصر الجديدة.
:lurk5:
عرض للطباعة
السلام عليكم ورحمة الله وبركاته
اخباركوا ايه شباب وهواة الاكل الشعبى.
متعرفوش اكل منين لحمة راس وسمين والذى منه فى مدينة نصر او مصر الجديدة.
:lurk5:
ايه الاسئلة الصعبه دي؟ .. الاسئلة دي من بره المسمط .. انا مش مذاكر أوى بس اسأل ف حسنى الكبابجي اللي جنب السراج مول .. أو فرحات اللي جنب المريلاند .. وربنا يوفقك
مشكور على الدعوة وربنا يسهل الامور وللاسف الاتنين معندهمش ومش قادر اروح لحد بحة او حبايب السيدة.
ياااااااااااااااااااااااا ااااااااي سمين و لحمة راس
مستحيل تلاقي في مصر الجديدة :)
لو كوارع و فشة ماشي
:) :) :)
بلاش حسني لاني سيء جدا بالنسبة لفرع اسكندرية .. خليك في فرحات وربنا يعينك على المصاريف :))
وحسنى القاهرة معجبنيش اوى برضه الا صنف واحد وفرحات الاصلى(الصنادقية)ممتاز.وشك ها كدة هطلع على الخان بلليل.
واقتراح كمان بردو يدل على خبرة كبيرة في المجال ده
زيزو نتانة :))
بص انت صعبت عليا .... تصدق بقي
فانا هاقولك علي اللي فيها
مافيش غير واحد في ميدان الجامع لو تعرف حمدي لادا (بداية شارع دمشق) هو قدامه الناحيه التانيه راجل نضيف جدا
في واحد تاني في ميدان الجيش - العباسيه و ده عالمي بقي بس للاسف مش عارف مكانه فين هابقي اعرف فين و اقولك
http://www.nilemotors.net/Nile/image...in1%5B1%5D.gifhttp://www.nilemotors.net/Nile/image...in1%5B1%5D.gifhttp://www.nilemotors.net/Nile/image...in1%5B1%5D.gif
لا والله ماعرفوش بس الحته اللي انت بتتكلم فيها دي انا عارفها كويس مافتكرش فيها حد
بتاع كشري السلام ده هو ده اللي اعرفه بس انا ماعرفش فين كشري السلام ده للاسف و ماروحتوش خالص كمان
بتاع ميدان الجامع ده كفائه كفائه ... ابقي طمني بقي عملت ايه
حسني بقي عنده شوربة كوارع فيها كوارع متقطعه قطع صغيره و عنده كوارع و فته و دول انا مجربهم هناك كتير
اعوذ بالله
انا لو شفت مسمط ماكولش لمده سنتين على التوازى
نحن هنا ....إحم إحم
...
صلي على حبيبك النبي
عليه افضل صلاة وسلام
...
العهد الجديد له فرع في مصطفى النحاس
كوارع وعكاوي وممبار ولحمة راس وموز وكولو
...
...
والمفاجأة بقى
بحة ..... له محل في الحي السادس ..... في البلوكات اللي في وش الباب الرئيسي للمدينة الجامعية للأزهر بنين .... لكن في ظهر البلوكات مش ع الشارع الرئيسي
...
...
لو جيت الضاهر وميدان الجيش .... يبقي انت كدة خلاص .... عبرت القناة وحررت سينا
روح ميدان الجيش واسأل اي عيل كدة شارع الحسينية فين ... ح تلاقي 30 او 40 مسمط هناك
...
..
.
ابقى افتكرني بقى هناك بصوباعين ممبار وحافر كوارع محترم وعكوة وصاية
باشا انت باشا.مسمط ميدان الجامع (الحرملك-اولاد سكسك) ده حاجة منتازة خالص.
يا ساتر يارب يا ساتر يارب.فيه ايه يا مهندس.ههههههه
استاذى كان فينك من بدرى.كنت مستنى ردك هنا.
يا باشا انا الجدود من باب الشعرية والسكاكينى والحاج محمود بتاع الفسيخ حبيبى وصلاح بتاع الكبدة غالى عليا-فين ايام الطوخى. :grinder:
ولكن ميضرش اننى اعدى بكرة ولا بعده اجيب اكلة حلوة من هناك وبالمرة اجيب طحينة من السرجة.
ولكن بحة-الحى السادس هو هو بحة السيدة ولا جيه مدينة نصر فغير المنيو.؟
ويا باشا تشرفنى فى اى وقت وبسم الله.
الموضوع رحته فاحت يا جماعه
مفيش طبق فته
ده اخري الصراحه
ملكش غير حبايب السيده في السيده زينب انسى بقى اي كلام تاني
خد دي بقى
اكلت لوحدي طبق كوارع وطبق عكاوي ومشكل صغير قعدت يومين مكلتش بيعديه
سؤال بقى صغنطط نفسي أعرف إجابته من زمان قوي .. فين بقى زيزو وبابا عبده دول ...
من زمان أسمع عنهم ومش عارف همة فين
وطبعا ماننساش التحية الواجبة والمتينة للحاج أحمد على المفاجأة بتاعة بحة الحي السادس .. بس يارب يطلع مستواه كويس
زيزو و بابا عبده على صف واحد عند بوابة الفتوح-الدراسة.
لو جاى من صلاح سالم هتخش شارع المرور واخر الشارع شمال و اول ما تلاقى سورقديم تخش يمين وبعد تقريبا 500 متر هتلاقى المحلين الاول زيزو والتانى بابا عبده.
كان فى مسمط فاتح جنب ولاد رجب فى مصطفى النحاس بس قفل من كام شهر كده