انا كنت بتابع المتش وبعد ما خلص دخلت على النت لقيت فى كلام عن هجوم لجماهير بورسعيد على لاعبى الأهلى وجهازه الفنى وان فى اصابات وكمان فى واحد من الألتراس الأهلوى توفى بصراحة مش عارف الكلام ده صح ولا ايه ياريت لو حد يعرف حاجة يقول
عرض للطباعة
انا كنت بتابع المتش وبعد ما خلص دخلت على النت لقيت فى كلام عن هجوم لجماهير بورسعيد على لاعبى الأهلى وجهازه الفنى وان فى اصابات وكمان فى واحد من الألتراس الأهلوى توفى بصراحة مش عارف الكلام ده صح ولا ايه ياريت لو حد يعرف حاجة يقول
دي مهزلة اخلاقية بمعنى الكلمة
لا وعلى قناة الحياة سبورت جايبين مدير النادي المصري عالتليفون بيقول دول مش جماهير النادي المصري جماهير النادي المصري حاجة تانية
يظهر الطرف التالت دة واخدها كعب داير في كل حتة
انا قريت عالفيس خبر انهم بقوا حاتين وفاة
وفي خبر تاني بيقول بقوا 15
اللهم انى ابرأ اليك مما فعل جمهور النادى المصرى فى اخوانه وبنى وطنه
عمرى ما فكرت فى يوم ان الكورة ممكن تعمل كده
بقوا 38 حاله وفاه
يارب سلم
وخبر قريته ان النادي الاهلي اعلن انسحابه من الدوري نهائيا
جماهير الاخلي والاسماعيلي قرروا عدم استكمال المباراه تضامنا مع النادي الاهلي
حريق الان في استاد القاهرة
الحصيلة
40 قتيل و1000 مصاب
كل دة ليه
عشان كورة
حسبي الله ونعم الوكيل
عدد الحالات وصل ل 51 حالة وفاة حسبى الله ونعم الوكيل
51 قتيل. اكتر من اللي ماتو في محمد محمود. وعشان ايه ؟؟؟؟؟؟؟ظ
ماتش كورة
مش عارف احنا رايحين لفين
حد يقوووووووولى !
بلد زباله زباله زباله و شعب زباله بجد انا مصري بورسعيد مسلم و لكن اشعر بالعار اني مصري بورسعيدي و يا شماته اليهود فينا ... حسبي الله و نعم الوكيل
الحل يلغوا الكورة كلها
الدوري وكل حااااااااااااااااااااااجة
البلد في إيه ولا فــ إيه ؟
اية يا جدعان ماتش كورة ايه وبتاع ايه الموضوع اكبر من كونه ماتش كورة شغلوا مخكم شوية
النهاردة الصبح كان وزير الداخلية بيتكلم في مجلس الاخوان قصدي مجلس الشعب وكان بيتكلم عن انجازات الوزارة في الفترة الماضية وانهم مسكوا خط الصعيد وامبارح بالليل شابين طلعوا علي قناة المحور وقالوا انهم جايبيين ماس لحساب شخصية من النظام السابق موجودة الان في سجن طرة
يا ريت تربطوا الاحداث بالتسلسل المنطقي لها
كنا الاول بنقول مصر ( بتضيع ) دلوقتي مصر خلاص ضاعت
حنفضل في الفوضي دي مش أأقل من 3 سنين ادام كمان
لك الله يا مصر
للاسف اغلب الشعب المصري اصبح من الهمج والبلطجية الي مينفعشي التعامل معاهم بادب الله يخرب بيت 6 ابريل وكل الي عايز يهدم مصر.
يعني 85 مليون مصري ملايكة مابيغلطوش ومالهمش ذنب
والله حاجة حلوة خالص
وللاسف انك بورسعيدي انا مش مصدق ان فية حد ممكن يشتم في بلدة بالطريقة دي وسعادتك ماشفتش البلد اللي انت بتشتم فيها عملوا اية مشفتش عدد البورسعيدية اللي راحوا يتبرعوا بالدم اد ايية لغاية الساعة 3 بالليل ياريت تشغل مخك شوية وتعرف انها مدبرة وخصوصا ان المصري كان فايز انا اسف بس بصراحة انا حزين علي الطريقة اللي بتتكلم بيها
انا حاسس اننا فى نكسه لا تقل عن نكسه 67 بجد حاجه محزنه جدا على حال البلد وعلى اانا وصلنا للمرحله دى من الاخلاق علشان نموت بعض بالطريقه الهمجيه دى
الناس اللي بتدافع عن بورسعيد والبورسعيدية
انا معاكم ان الأمن متواطئ
انا معاكم الجيش مالوش دعوة بالتأمين ومتواطئ ومجرم
هل معنى كدا اني امشي في الشارع اقتل في الناس
شفتم الجحافل اللي بتجري من المدرجات تجاه جماهير الأهلي واللعيبة؟
الجيش والشرطة فتحولهم الأبواب، بس هم عارفين انهم بيفتحوا الباب لمجموعة من الهمج والوحوش
محدش يقولي قلة مندسة
مفيش حد عاقل يقول ان استاد كامل قلة مندسة
ايه القرف ده
الوداع لمصطلح المدينة الباسلة
من دلوقت اسمها المدينة القاتلة
amrico
أخي الفاضل مبدئيا ياريت تتكلم في نطاق الحقائق
لو الناس اللي عملت دي مش قلة مندسة
ولو جماهير المصري كدة يعني همج كلهم يعني بتتكلم في 25 الف بورسعيدي قدام 5000 من جماهير الاهلي تفتكر لو الجماهير دي كلها عدوانية للدرجة دي هيموت 75 بس؟؟؟؟؟؟؟؟؟؟؟؟؟؟ ومنهم بورسعيدية؟؟؟؟؟؟؟؟؟؟
قبل ما تلهينا الكورة نفتكر احداث محمد محمود وقبلها السفارة ومن بعدهما احداث مجلس الوزراء مين الطرف الثالث؟؟؟؟؟؟؟؟؟؟؟
يا جماعة مش عايزين نتخدع وكفايا فتن المؤامرة باينة والله امن الاستداد لاول مرة في تاريخ الماتشات في بورسعيد مايفتش الناس اللي داخلة بالعكس بيقولهم خشوا خشوا قبل كدة اللي معاه ازازة ماية بيفضيهاله في كيس او ياخد الغطا اللي معاه ولاعة بياخدها امبارح ناس داخلة بسبارتوا وعصيان
ياريت تتقوا الله وتوئدوا الفتنة بدل ما تكبر ووقتها المستفيد والله المجلس العار اللي حاول يفرق الناس بالاستفتاء على الدستور ما نفعش حاول يفضها بالانتخابات البرلمانية ما نفعش حاول يقتل المتظاهرين ويخوف الشعب بمخطط مزعوم هيحصل يوم 25 وماحصلش دلوقتي بيخبط الناس في بعض عايز يجرنا لحرب أهلية ..
ياريت تفكروا بعقولكم وتفتكروا كلمة مبارك الله يلعنه وهو بيقول ان الاوضاع الراهنة تفرض علينا الاختيار ما بين الفوضى او الاستقرار.....
افتكروا دي وفكروا فيها وهتعرفوا مين اللي عمل كدة وانسوا بورسعيدي وقاهراوي ومصراوي واهلاوي واسماعلاوي ايه ياجماعة انتوا نسيتوا احنا مصريين زي بعض واتقوا الله شوية
الامن وسخ متقاعص وكلاب في الاستاد كلاب زي ما عايزين تقولوا قولوا ووزير داخلية يقولوا الماتشات على مسئوليتي والدوري تأمينه عليا ونتفاجأ باللي حصل اللي حصل مخطط والله لازم نفكر كويس ونفتكر ماتش الزمالك والصفاقس السنة اللي فاتت وبعديه ماتش المحلة بس الامن لحق الموضوع بفضل الله
فكروا بالعقول والدين والحق هتعرفوا مين اللي عمل كدة
وبورسعيد مش مدينة قاتلة لانها دافعت عن مصر في وقت من الاوقات وهتفضل رمز مشرف لمصر لان اللي حصل فيها بورسعيد واهلها بريئين منه