السلام عليكم.
لو يمحتوا عايز وصف دقيق و تفصيلي للطريق من اسكندرية الي مول العرب في 6 أكتوبر.
عرض للطباعة
السلام عليكم.
لو يمحتوا عايز وصف دقيق و تفصيلي للطريق من اسكندرية الي مول العرب في 6 أكتوبر.
هتاخد صحراوي ولا زراعي
لو صحراوي هتاخد الطريق كله و بعد البوبات بشوية هتلاقي طلعة المحور
هتطلع يمين و تاخد المحور لغاية ميدان جهينة "اول ميدان" هتكمل بعد الميدان نفس طريقك على طول بس هتمسك يمين بعد الميدان على طول و تدخل في طريق الخدمات و بعد 300 متر تقريبا هتلاقي الدخلة بتاعة البارك بتاع مول العرب
ولو هتيجي زراعي
هتاخده كله برضو لغاية الدائري و تطلع الدائري يمين و هتفضل عليه لغاية نزلة المحور و تمسك يمين قبل النزلة ب 1 ك عشان مقفولة من قبليها بجزيرة صغيرة
و بعد كدا هتمشي على المحور زي الوصف الفوق بالظبط
المخرج بتاع المول هيطلعك على المحور
هتاخد اول U turn و ترجع و تعدي الميدان بعد شوية على المحور هتلاقي كوبري قدامك هتنزل من يمينه
كدا انت نزلت الصحراوي
تاخد بقى اول يو ترن و تبقى كدا انت على اول الطريق الصحراوي
معلش سؤال برة الموضوع ... هو مول العرب ممكن الواحد يقضى يوم فيه ولا مفهوش اماكن
ذى ما الاعضاء قالولك بالظبط بس فى طريق اقل فى المسافه انت طبعا صحراوى افضل مليون مره من الزراعى هتاخد الطريق الصحراوى لحد مدخل مدينه 6 اكتوبر تقريبا الكيلو 40 قبل البوابات بشويه هتدخل فى مدخل مدينه 6 اكتوبر هتلاقى بوابه الرسوم وهتكمل فى الشارع دا على طول لمده تقريبا 5 دقائق او اكتر حاجه بسيطه هتلاقى فى وشك ميدان دا ميدان جهينه هتلاقى مول العرب على يمينك مباشره يعنى هتدخل يمين من عند ميدان جهينه اكنك رايح 6 اكتوبر 300 متر وهتدخل مول العرب وتركن العربيه وتنزل
المول جميل جدا وفيه محلات ملابس كتير ورائعة بس طبعا غالية شوية وحاجتها ممتازة , كمان فى محلات تانية غير الملابس وتوكيلات , وفى كافيهات حلوة , وال فوود كورت بتاعهم كبير اوى وهتلاقى فيه كل المطاعم تقريبا وكمان فى النافورة الراقصة ومكان مفتوح للاطفال , وفى معرض سيارات الطارق كمان لو عايز تتفرج , باختصار هاتقضى اليوم كله وممكن ماتلحقش كمان , مكان جميل فعلا