كنت عملت موضوع هنا من فترة اللى هو دا
http://www.nilemotors.net/Nile/266360-a.html
لان العربية كانت بتفرمل على السرعات العالية فرملة ماتور
عملت كل حاجة قريتها فى الموضوع دا
ولغاية دلوقتى صارف اكتر من 200 جنيه بدون فايدة اخرهم كان امبارح لما غيرت سلوك البوجيهات وبرضوا مافيش فايدة...بتفرمل بردو اول ما اعدى المية كأنى سقطت نقلة
لغاية ما ميكانيكى تانى قاللى ان دا عيب طلمبة بنزين وقاللى اشترى (قلب) طلمبة
رحت اسأل لاقيت فيه حاجتين الاتنين المانى واحدة منهم ب90 جنيه والتانية ب150 جنيه!!!
ايه دا بقى انا مش عارف ولا حتى فاهم
الاتنين علبتهم صفرا ومكتوب عليها "بوش" بس الاغلى اكبر فى الحجم من الرخيصة
ان شاء الله هاروح بكرا عشان اغيرها
بس دلوقتى عايز اعرف اجيب مين فيهم؟؟
اللى ب 90 جنيه ولا ب 150؟؟
وازاى افرق بين جودتهم ؟؟
ابص على ايه مثلا؟؟
وتنصحونى لو محستش ان فيه فرق بينهم اجيب انهى واحدة؟؟