من اسكندريه الي السويس زراعي وصحراوي بالتفصيل المميت ارجوكو

**catmoon** · 02-02-2012 12:02 AM

عايز اسافر من اليكس الي السويس ومش عارف اخود زراعي ولا صحراوي وبشكل عام انا ولا عارف دى ولا دى فياريت تقولولي ازاي وبالتفصيل المميت لاني كنت مع واحد صاحبي وبعد البوابات لقينا يافطه مكتوب عليها الدائري سطحي وزي نفق كده صغير مكتوب عليه ميدان الرمايه ومعرفناش ناخود اي طريق

**eng.m7md.ali** · 02-02-2012 12:48 AM

نتكلم عن الصحراوي
هتاخد الصحراوي وبعد كدة تطلع على المحور لحد ماتلاقي الدائري في وشك .. اطلع طلعة مدينة نصر والمعادي اللي هيا اول طلعة علي ايدك اليمين وكمل كمل بتاع 4 كيلو على الدائري لحد ماتلاقي وصلة المريوطية الجديدة على ايدك اليمين تطلع عليها وتكمل في طريقك بتاع 20 كيلو كدة هتلاقي نزلة السويس طبعا بعد ماهتعدي على كذا نزلة .. وعلشان تتأكد من النزلة هتلاقي نفق ناحية التجمع الخامس والنفق التاني عند اكاديمية الشرطة وطبعا هتنزل النفقين وتمشي بتاع 5 كيلو كدة هتلاقي نزلة السويس

**فتح الباب** · 02-02-2012 01:18 AM

وبدل اللفه دى كلها الطريق الدولى ممكن يفى بكامل الغرض دون معاناه

**catmoon** · 02-02-2012 11:26 PM

المشاركة الأصلية كتبت بواسطة eng f3lix

نتكلم عن الصحراوي
هتاخد الصحراوي وبعد كدة تطلع على المحور لحد ماتلاقي الدائري في وشك .. اطلع طلعة مدينة نصر والمعادي اللي هيا اول طلعة علي ايدك اليمين وكمل كمل بتاع 4 كيلو على الدائري لحد ماتلاقي وصلة المريوطية الجديدة على ايدك اليمين تطلع عليها وتكمل في طريقك بتاع 20 كيلو كدة هتلاقي نزلة السويس طبعا بعد ماهتعدي على كذا نزلة .. وعلشان تتأكد من النزلة هتلاقي نفق ناحية التجمع الخامس والنفق التاني عند اكاديمية الشرطة وطبعا هتنزل النفقين وتمشي بتاع 5 كيلو كدة هتلاقي نزلة السويس

متشكر اوي علي وصفك بس انا عايز بالتفصيل من بعد البوابات بتاعة الصحراوي امشي ازاي لان زى ماقولت ان فيه طريقين الدائري سطحي وزى نفق كده صغير مكتوب عليه ميدان الرمايه

**eng.m7md.ali** · 03-02-2012 12:04 AM

بالتفصيل الممل

بعد ماتعدي بوابات القاهرة هتلاقي بعد حوالي 5 كيلو المحور قاطع الطريق قدامك
هتطلع تاني طلعة اللي هيا رايحة في الاتجاه الشمال
هتفضل ماشي حوالي 12 كيلو على المحور لحد ماتلاقي الدائري قاطع الطريق .. هتطلع اول طلعة اللي هيا رايحة في الاتجاه اليمين وده اتجاه دائري المعادي ومدينة نصر والعين السخنة .. الخ الخ
هتاخد الدائري تمشي حوالي 5 كيلو هتلاقي طلعة وصلة المريوطية الجديدة على ايدك اليمين هتطلعها وتكمل هتلاقي الطريق نضيف ولسة جديد بلاش تجري لان الحتة دي فيها ردارات
بعد ماهتخلص الوصلة دي هتلاقي بعديها ب 2 كيلو نزلة طريق اسوان اعرف انك كدة ماشي صح
ومن هنا عد حوالي 20 كيلومتر علشان تنزل طريق السويس .. بس خلي بالك هتلاقي في خلال ال20 كيلو دول نفقين هتنزلهم وبعد ماتنزل الاخير استعد علشان تنزل نزلة السويس اللي هيا بعد حوالي 4 كيلو من النفق التاني

ولو في اي استفسار انا تحت امرك ياريت تكتب حضرتك الكلام ده في ورقة

**catmoon** · 03-02-2012 04:21 PM

المشاركة الأصلية كتبت بواسطة eng f3lix

بالتفصيل الممل

بعد ماتعدي بوابات القاهرة هتلاقي بعد حوالي 5 كيلو المحور قاطع الطريق قدامك
هتطلع تاني طلعة اللي هيا رايحة في الاتجاه الشمال
هتفضل ماشي حوالي 12 كيلو على المحور لحد ماتلاقي الدائري قاطع الطريق .. هتطلع اول طلعة اللي هيا رايحة في الاتجاه اليمين وده اتجاه دائري المعادي ومدينة نصر والعين السخنة .. الخ الخ
هتاخد الدائري تمشي حوالي 5 كيلو هتلاقي طلعة وصلة المريوطية الجديدة على ايدك اليمين هتطلعها وتكمل هتلاقي الطريق نضيف ولسة جديد بلاش تجري لان الحتة دي فيها ردارات
بعد ماهتخلص الوصلة دي هتلاقي بعديها ب 2 كيلو نزلة طريق اسوان اعرف انك كدة ماشي صح
ومن هنا عد حوالي 20 كيلومتر علشان تنزل طريق السويس .. بس خلي بالك هتلاقي في خلال ال20 كيلو دول نفقين هتنزلهم وبعد ماتنزل الاخير استعد علشان تنزل نزلة السويس اللي هيا بعد حوالي 4 كيلو من النفق التاني
ولو في اي استفسار انا تحت امرك ياريت تكتب حضرتك الكلام ده في ورقة

متشكر اوي يا باشا علي اهتمامك وردك السريع عليا واشكرك اكتر علي وصفك الدقيق بس هو في استفسار بسيط بس يعني من كلامك الاخير افهم اني ماطلعش الطريق ال مكتوب عليه الدائري سطحي وافضل مكمل في اتجاه بافطة ميدان الرمايه دى لحد مالاقي المحور بالعرض قدامي واطلعه لان انا طلعت الدائري ده ومشيت مشوار طوييييييييييييييل ومكسر ومدغدغ علي الاخر وافتكر اني لقيت قبل ما اطلعه يافطه مكتوب عليها المتجه الي اكتوبر يلزم اليمين بعدها لقيت نفسي طالع الدائري المتكسر والمليان نقل كتييير