عرض للطباعة
السلام عليكم يا جماعه :)
انا معايا نيو اكسنت موديل 2007
العربيه ماشاء الله جميله و سحبها حلو و كلو تمام و لسه مربط ع العفشه من قريب
المشكله ... وانا بطلع مطب .. اول ما الكاوتش يطلع ع المطب اسمع صوت رزل كده كان الصاج بيتطبق او صاج بيخبط فى بعضه
و لو مشيت على ارض مليانه نقر و مطبات صغيرة و كده بسمع زى صوت شخلله جاى من التابلوه من عن الدركسيون كده !!
تفتكرو دول ممكن يكونو ايه !! و اروح ل مين عشان يشوفلى الموضوع ده !! سمكرى ولا عفشجى ولا ولا !!!
و ياريت بس تقولولى ده ممكن يكون ايه سببه !!
علبة دركسيون والله اعلم
لا الدركسيون مفيهوش حاجه ثابت و مش بيتهز ولا حاجه .. و فى الملفات كويس جدا و الباور زى الفل . الحمد لله الحمد لله
الصوت بس جاى من ناحيت الدركسيون مش من الدركسيون نفسه .
طب و بالنسبه لصوت الصاج ده لما باطلع على مطب صناعى ؟؟ تفتكر ده من ايه :(
انا متشكر ليك جدا
انا كان عندي صوت قريب من خبط صاج كدة لو طالع مطب واتغير المقص الشمال والصوت اختفى
اكشف على العفشة وان شاء الله كله يبقى تمام
اولا ازى حضرتك ثانيا انت عربيتك موديل 2007 ودى الباور بتاعها كهربا والباور الكهربا بيكون جهاز لوحدو منفصل عن علبه الدركسيون وبيبقى جوه العربيه تحت الدركسيون وتحديدا عند الدارع الى بتتحكم فيه فعلو الدركسون وهو ده الى بيعمل الصوت وكده مبظش هو بيعمل كده فكل الموديلات وعلى فكره من اول 2009 النيو اكسنت غيرت نظام الباور وخلتو هيدرولك عادى بزيت علشان العيب ده واحب اقول لحضرتك متقلقش منو مفهوش اى مشاكل ولقدر الله لاسؤ الظروف لو فصل منك وانت ماشى فاى وقت موش هيضرك تماما كل الحكايه ان الدركسيون هيتقل بالظبط زى ماسير الباور بيتقطه فالعربياات الهيدروليك وعشان تبقى مطمن هو لو باظ موش بيقفش عطلو الوحيد انو يفقد وظيفتو بدون اى ضرر انا معايا اكسنت 2006 والصوت ده ظهرلى من سنه وماشى بيه ومفيش ادنى مشكله واتعودت عليه خلاص وبس
حضرتك متأكد من المعلومة دي؟اقتباس:
المشاركة الأصلية كتبت بواسطة fouaa
ربنا يطمنك :)اقتباس:
المشاركة الأصلية كتبت بواسطة fouaa
انا متشكر ليك جدا .. انا كده اتطمنت نسبيا الحمد لله .. بس هجاول اروح لحد يخلى الصوت ده يختفى لان انا من النوع لما باسمع اى صوت غريب ف العربيه باتنرفز بجد و باتخنق منها . و بامر الله لو صلحتو هقولك تعمل ايه :)
متشكر جدا مره تانيه
انا نازل النهارده كمان شويه اكشف عليها زى ما قلتلىاقتباس:
المشاركة الأصلية كتبت بواسطة eng f3lix
اعمل حسابى على كام طيب كده وانا نازل لو طلعت هغير مقص ولا مساعد يعنى عشان تبقى مره واحده بدل ما اروح و ارجع تانى .
وشكرااا جدا يا اكسلانس :)
ايوه يا باشا متاكد على فكره احنا عندنا فالبيت 2006 2009 2010 متقلقش انا متابع ومعايا كل الفروقات الى بين التلت موديلات لو تحب تعرفهم كمان انت لو عربيتك 2009 هتلاقى فالكبوت علبه زيت البور مع العلم ان الباور الكهربا ملهوش زيت كمان الى عربيتو بور كهربا لما بيجى يدور بتشتغل لمبه اسمعا ebs ودى بتاعت الباور ولحد مبتطفى بيفضل الدركسوين تقيل .اقتباس:
المشاركة الأصلية كتبت بواسطة eng f3lix
العفو يا كبيراقتباس:
المشاركة الأصلية كتبت بواسطة kalfoot
والله ياباشا .. بنت خالتي معاها اكسنت 2009 وكان فيها مشكلة في ال eps واللمبة منورة علشان كدة كنت بقولك ان كانت كهربة ولا زيت
بس فعلا حتى لو زيت انا لاحظت انه الباور خفيف موت زي الكهربة
علامة ebs
يعنى الباور كهرباء
اقتباس:
المشاركة الأصلية كتبت بواسطة kalfoot
معايا اكسنت 2007
فيها نفس الموضوع ومتعايش معاة
بس ياريت لو حد من الاخوة عالج الموضوع دة يقول لنا ازاى
انا الحمد لله صلحتهاااااااااااااااااااا اااااا :) الحمد لله الحمد لله
طلع فى حاجه اسمها دراع الميزان او حاجه كده مكسورة اتغيرت هى و بيض المقص ... و العربيه رجعت زى الزيرو و مفيش اى اصوات خالص الحمد لله :)
كل الحكايه بالشراء و المصنعية اتكلفت 265 جنيه
والحمد لله انا كد مرتاح :) .. بس الدركسيو اتعوج شويه و هروح اظبط زوايا اتزان كمبيوتر انشاء الله و كده يبقى تمام :)
انا متشكر ليكو جدا يا جماعه
الباور الويت بتاع النيو اكسنت بصراحه اخف من الكهربا انا كمان عندى كدهاقتباس:
المشاركة الأصلية كتبت بواسطة eng f3lix
كويس جدا ومبروك انها رجعت تانى زيرو الحمد للهاقتباس:
المشاركة الأصلية كتبت بواسطة kalfoot
ممكن تقولنا عملتها عند مين
الحمد لله ياريس بسيطة... كان عندي نفس الحوار بس الصوت كان بيظهر في الملفات واحيانا المطبات وعملتها عند عم جمعة اللي عند مدينة طلبة الازهر اللي في السادساقتباس:
المشاركة الأصلية كتبت بواسطة kalfoot
طيب الحمد لله انك صلحتها :) العربيه دى بالذات بتيبقى كئيبه لو فيها حاجه بايطه .. يس لما تتظبط بتبقى لووز العنب :)اقتباس:
المشاركة الأصلية كتبت بواسطة sheka
بالنسبه ليا ف انا من السويس :) ... و صلختها قى المنطقه الصناعيه
السلام عليكم
انا محمد معايا 2006 الصوت دة في الشداد وبيتغير 100 الناحية الواحدة و30 تركيب ومصنعية
مشكلة الباور عندي 2006 كهربا وبيفصل مني وانا ماشي بحاول اتعود علية لاكن غيرت كنترول 1000 جنية ولسة بيفصل ونفسي اصلحة وياريت لو حد عندة طريقة يكلمني ويبقي جزاة الله كل خير01099913156
تقريبا هتحتاج تغير علبة دركسيون .. و دى سعرها غالى جدا فى التوكيل حوالى 8200 جنيه تقريبا
اشتريها استيراد احسنلك و هتبقى ارخص بكتير .. فى اعضاء كتير هنا قالو انها استيراد بحوالى 1200 او 1500 جنيه
و ان شاء الله ترجع تمام و احسن من الاول :)
أنا من فترة كانت عندي مشكلة الصوت الغريب بس مش زي اللي بتقول عليه ،بس قلت أشارك يمكن تفيدك برضه أو أي حد تاني:
مرة كان الصوت بيحصل من هزة الشماسة
ومرة مسند الكرسي
ومرة النمرة اللي ورا كانت بتخبط في الشنطة فوضعت طبقة فِل (بكسر الفاء)
يا ريت برضه اللي جرب حاجه يفيدنا
وشكرا
انا بفكر اشترى النيواكسنت موديل 2011 الشكل القديم ياريت تفيدونى هل العربيه كويسه ولا بها اعطالها كتير العربيه موجوده فى بعض المعارض وناوى على المانيوال
انا معايا العربيه و كويسه جدا الحمد لله ... بس نصيحه للهاقتباس:
المشاركة الأصلية كتبت بواسطة alsakr
انا لو رجعت بالزمن قبل ما اجيبها كنت هجيب بريليانس FRV او بروتون Gen2
ركووووبه بمراحل عن الاكسنت .. و ده رايى
انا نفسى ابيعها و اجيب FRV cross
بس هستنى شويه لحد ما البلد تهدى و ربنا يكرم :)
بس لو هى عاجباك هى فعلا كويسه جدا .. و اتوكل على الله و اشتريها
اللى انا قولته ده ميعيبهاش خالص ... لكن انا ميال اكتر للبريليانس مش اكتر
و مبروك مقدما يا باشا
بصراحه العربيه معايا من 5 سنين وزى الفل مفيش اى مشاكل جربت المانيوال 4 سنين ودلوقتى معايا الاوتوماتيك ومفيش اى مشاكل السياره عمليه وعائليه فتوكل على الله اما لوبتدور على شكل رياضى اكتر فعليك بالجين 2 بس الاكسنت قطع غياره متوفره اكتر وتصليحه وصيانتها اسهل