الموضوع: مصري

الناس كلها محرووووق دمها واعصابها وقلبنا وجعنا على الناس اللي ماتوا
لكن السرقة والقتل والابتزاز والبلطجة والاسعار والفساد والرشوة
موجودين من زمان لكن كان الموضوع متغطي شوية .. دلوقتي زاد
وبقى مطلوووب انه يزيد اكتر كمااان
وطبيعي ان 30 سنة المسئولين قرايب واصحاب وكلهم فاسدين ما بين قتل
وسرقة ورشوة ان يبقى في ازمة اخلاق وفساد متشعب في البلد كلها
بس لو فرضنا انهم 10 مليوووون مشكلتهم انهم هما اللي ظاهرين اكيد ال70 الباقين فيه منهم
كويسين ولسه فيهم خير

انا كنت بكره البلد دي قبل الثورة و ضحكت علي نفسي وقلت حاتتعدل
بس للاسف كرهتها اكتر من الاول
قالوا حيعملو انتخابات و نزلت انتخب الأخوان بس للاسف ضيعت يوم من عمري فحاجة ملهاش لزمة
مسمعتش حد من السلفيين و الأخوان قال حايعدل البلد و يعملو مشاريع و مصانع للشباب ولأ يحسنوا التعليم ولأ المستشفيات بس بيطلعوا يقولو المايوه حرام و السياحة حرام و بتوع الليبرالية كل الهاممهم حقوق الأقليات
و فرحنين ان مبارك و حزبه فالسجن بس للاسف هما بيحكموا البلد كلها من السجن ووووووو
و مش عوزين يحصل كده؟؟؟؟
لازم يحصل كده و اكتر من كده كمان
عشان لسا سلوكيتنا زي مهيه متغيرتش و يمكن زادت استغلأل و رشاوي و واصايط و سرقة و قتل
وعشان مافيشقصاص
عشان البيسرق محدش بيجزيه و عشان البيقتل مابيتعدمش
فا ينزلوا يسرقوا و يقتلوا اكتر واكتر


للاسف للاسف للاسف انا مصري

الحل في كلمة واحدة قانون يطبق علي الكل

و الله يا دكتور انا بيني و بين نفسي قررت اني أكون ايجابي علشان استحق معاملة محترمة

انما الناس دلوقتي عايشة في جو الشكوى و رمي الحمول على حاجة تانية

يعني مثلا حاجة تضحك اني ساعات قبل كدة كنت بكون موجود مع حد و يقعد يشتكي او يشتم مثلا في الحكومة و في نفس الوقت هو بيعمل حاجة غلط ... طيب يعني مادام انت بتعمل الغلط اهو يبقى مستني من الحكومة انها تعاملك صح ازاي ؟

انا دائما ثابت على رأيي أن الثورة ما هي الا النصف و النصف الآخر هو ثورة المصريين على أنفسهم

المشاركة الأصلية كتبت بواسطة mzeid

و الله يا دكتور انا بيني و بين نفسي قررت اني أكون ايجابي علشان استحق معاملة محترمة

انما الناس دلوقتي عايشة في جو الشكوى و رمي الحمول على حاجة تانية

يعني مثلا حاجة تضحك اني ساعات قبل كدة كنت بكون موجود مع حد و يقعد يشتكي او يشتم مثلا في الحكومة و في نفس الوقت هو بيعمل حاجة غلط ... طيب يعني مادام انت بتعمل الغلط اهو يبقى مستني من الحكومة انها تعاملك صح ازاي ؟

انا دائما ثابت على رأيي أن الثورة ما هي الا النصف و النصف الآخر هو ثورة المصريين على أنفسهم

كلأمك صح
بس الناس ال في السجن السبب في معظم البيحصل و لأزم تتعدم
و الناس البتبلطج برة يطبق عليهم القانون
وكده البلد دي ممكن ترجع زي الأول و يمكن احسن
للأسف الشعب المصري اتعود انه يتكربج من الفرعون البيحكمه عشان يمشي عدل

المشاركة الأصلية كتبت بواسطة kameluo

كلأمك صح
بس الناس ال في السجن السبب في معظم البيحصل و لأزم تتعدم
و الناس البتبلطج برة يطبق عليهم القانون
وكده البلد دي ممكن ترجع زي الأول و يمكن احسن
للأسف الشعب المصري اتعود انه يتكربج من الفرعون البيحكمه عشان يمشي عدل

يا استاذ كاميليو يعني لما تبقى راكب ميكروباص على البحر و واحد عايز ينزل ليه السواق بيقف على جنب و يزنق الطريق لسبب ما مع انه ممكن يطول عجلتين ويدخل في المحطة و كدة مش هيعطل الطريق

و عندك مثلا ثقافة انا اسف اختفت من المصريين يعني تلاقي واحد يدوس على جزمتك و ولا يعبرك ( بس قليل من يعتذر )

عندك لما واحد يخطف وصلة في المخالف علشان م يلفش من اخر الشارع دة يبقى اسمه ايه ولا هو هينزل يزق العربية بيده

لما كلمة معلش و علشان خاطري بقت تتقال اكتر ما بنتنفس
مظنش ان المخلوع و اعوانه هما المسؤولين عند دة كله .. أي نعم هما مشتركين في فساد الشعب و لكن المسؤول الوحيد هو الشعب لسماحه لهم بإفساده

انا مسافر ان شاء الله ايه رايك تيجي معاي وسيبك من البلد اللي يوم بتزداد خيبه وبوظان