مصري

**Khaled Online** · 02-02-2012 03:24 AM

المشاركة الأصلية كتبت بواسطة a7med_pharma

نص الحل التاني
مش هيتحل أساسا

الأخلاق الي راحت
مش هترجع
صعب تغير اخلاق شعب بحاله.... غير ع الاقل في نص قرن
زي ماباظت في نص قرن
عاوزه زيهم

مين يعيش بقا

حرام عليك يا أخي قلبت عليا المواجع

واللي بيدافعوا عن شعبنا العظيم، ماشي
بكرة تضربوا نفسكم بالقلم لما يحصلكم موقف واحد بس

يا رب
عايز حاجة وحيدة هي اللي هتنفعني
الصبر

**kameluo** · 02-02-2012 03:26 AM

المشاركة الأصلية كتبت بواسطة mzeid

يا استاذ كاميليو يعني لما تبقى راكب ميكروباص على البحر و واحد عايز ينزل ليه السواق بيقف على جنب و يزنق الطريق لسبب ما مع انه ممكن يطول عجلتين ويدخل في المحطة و كدة مش هيعطل الطريق

و عندك مثلا ثقافة انا اسف اختفت من المصريين يعني تلاقي واحد يدوس على جزمتك و ولا يعبرك ( بس قليل من يعتذر )

عندك لما واحد يخطف وصلة في المخالف علشان م يلفش من اخر الشارع دة يبقى اسمه ايه ولا هو هينزل يزق العربية بيده

لما كلمة معلش و علشان خاطري بقت تتقال اكتر ما بنتنفس
مظنش ان المخلوع و اعوانه هما المسؤولين عند دة كله .. أي نعم هما مشتركين في فساد الشعب و لكن المسؤول الوحيد هو الشعب لسماحه لهم بإفساده

انا كنت حقول كده بس فارما سابقني

المشاركة الأصلية كتبت بواسطة a7med_pharma

الأخلاق الي راحت
مش هترجع
صعب تغير اخلاق شعب بحاله.... غير ع الاقل في نص قرن
زي ماباظت في نص قرن
عاوزه زيهم

مين يعيش بقا

و برده منعممش
في لسا ناس محترمة و اخلأقها عاليا

**authority973** · 02-02-2012 05:10 AM

تفتكر لو كنت اتولدت مش لاقى تاكل ومرمى فى الشارع كانت هتبقى اخلاقك زى اخلاقك دلوقتى؟

تفتكر لو كنت اتولدت لأب و ام مبيعرفوش يفكو الخط وماودكش مدرسة, وطلعت انت كمان مبتعرفش تقرا وتكتب, كانت هتبقى اخلاقك زى اخلاقك دلوقتى؟

تفتكر ان الاخلاق دى حاجه انت بتتولد بيها ولا بتبقى ليها علاقة بطريقة تربيتك وتعليمك والبيئة المحيطه بيك,

مش معنى ان انا معايا فلوس ان انا بالقطع هبقى مواطن شريف, ومش معنى ان انا متعلم ان انا بالقطع هبقى محترم, بس شوف كام واحد مؤهلات عليا بلطجى, وكام واحد عاطل جاهل, بلطجى, شوف كام واحد غنى او ميسور الحال بيسرق, وكام واحد فقير بيسرق,

تفتكر مصر لو كل واحد فيها بقى متعلم وكل واحد فيها بقى يملك قوت يومه وعايش حياه كريمة, هتبقى نسبة البلطجة والجهل والسرقة زى ما هيا,

انت عندك حل من الاتنين , ممكن تقول البلد مفيهاش امل وهتفضل طول عمرها كده ومافيش فايده, زى ما كنا بنقول على نظام مبارك قبل ما يسقط - ولاونه لم يسقط بعد- وممكن تعمل زى الى نزلو يوم 25 لما الناس كلها كانت بتقول عليهم مجانين -وانا منهم- وكانو مؤمنين بنفسهم ومؤمنين ان هم يعرفو يغيروا البلد وفعلا عرفو يغيرو فى البلد,و لسه البلد عايزه كتير فيها يتغيير, ومش هيتغير فى يوم وليله وعمرو ما هيتغيير الا بينا واحنا مصدقين ان احنا نقدر نغيره, و عمرك ما هتعرف تغيره إلا لما تكون مصدق انك تعرف تغيرو, جرب كده صدق ان احنا هنتغيير, وهابقى افكرك بعد كام سنه :)

**abou-yahia** · 02-02-2012 08:14 AM

المشاركة الأصلية كتبت بواسطة a7med_pharma

وانا كمان نفسي والله ياخالد
===
دونزي

الكلام مابقاش على فئة الحكام .. علشان نقول انهم حاكمين بالحديد والنار والناس ساكتة

أنا بتكلم على صفات الشعب نفسه

في عز الأزمة .. مصريين بيبعوا السكر سوق سودا
في عز الأزمة .. مصريين بيسرقوا العربيات
في عز الأزمة .. مصريين بيرتشوا.. مصريين بيحتكروا.. مصريين بيقتلوا ..
مصريين يادونزي

الخلايجة .. لما يحبوا يشتموا حد .. يقولوا " يالمصري"

المصري بقت شتيمة .. نستحقها عن جدارة

الشعور دلوقتي حالا وأنا بكتب الرد ده.. حواجبي معقودة وعندي حموضة زايدة ومحرووووووق دمي بشكل خيالي
المصري بقا همجي عن جدارة

الصفة بقت منتشرة

وحسبي الله ونعم الوكيل

المشكله اننا بنرضي بلتفسير بتاع العناصر المدسوسه والقصور الامني والكلام ده

المشكله ياساده فينا احنا كشغب كافراد

فوقوا بقه

**احمد المصرى** · 02-02-2012 08:48 AM

احنا محتاجين ثوره بجد ثوره اخلاق علشان معندناش اى نوع من انواع الاخلاق خالص

**kameluo** · 02-02-2012 12:06 PM

المشاركة الأصلية كتبت بواسطة kareemz

واضح ان حضرتك مقرتش أى برنامج انتخابى للناس اللى انت انتخبتهم.

للاسف قريته و صدقته
"موضوع تعبير رائع"

**SYD** · 02-02-2012 12:29 PM

المشاركة الأصلية كتبت بواسطة a7med_pharma

محدش عاوز يفهم أنا أقصد إيه
ماأفسده الدهر .. مش قوانين يتحط غيرها أو خلافه
أخلاق الناس ياناس هي إلي إتغيرت
أخلاق الناس مش هيقومها(بتشديد الواو) قانون أو حاكم

أخلاق المصريين بقا فيها ثوابت
1. إستغلال اي واحد مايعرفش(يعني الصنايعي يستغل صاحب العربية الي ماعندوش خلفية..التاجر يستغل المشتري الي مايعرفش سعر السلعة.. العامل ف السياحة يستغل السائح الي مش فاهم حاجة فــ البلد)
2. السرقة ..أي حد بتبقا قدامه فرصة للسرقة .. بقا بيسرق
3. الطمع .. الإستغلال .. كل بقا بيستغل لو قدامه فرصة
4. البلطجة
5. مابقاش فيه حاجة إسمها نخوة او رجولة في المصريين

وكتير أوي

مش بتكلم على القوانين
بتكلم على أخلاق الناس

المصري بقا(بقولها غصب عني) همجي

بص يا أحمد الكلام مش من دلوقتي فقط
الكلام دة موجود من زمان

بس كل الفكرة ايه الي فرعنك يا فرعون قال مالاقتش حد يصدني

بمعني

ايه الي خلاك تشكل عصابة لسرقة السيارات مع أنك كنت حرامي غسيل قال مالقتش حد يمنعني او قانون يرهبني او محاسب يحاسبني

**bmya** · 02-02-2012 05:03 PM

بص يا احمد انت معاك حق في اللي انت قلته
بس معنى كده انك شايف الغلط وغالبا مش بتعمل الغلط ده طيب تمام اوي ما هو اكيد يا احمد في كتييييييييييييييييير اوي زيك كده برده عارفين الغلط ومش بيعملوه ليه بقه بنبص على الوحش بس ما هو زي ما انت كويس في كتير كويسين يبقى نبص الكويس ونحاول نغير الوحش
والله انا قرفان زيك برده وساعات بقول مفيش فايده بس ممكن اقابل موقف كويس يخليني اقول لاءه لسه في امل والله وان شاء الله دي فتره وتعدي
لكن لو لكان قلنا ده الوحش كتير اوي ده النصب والسرقه ووووو بقو كتير اوي ومفيش فايده يبقى فعلا ساعتها مفيش فايده عشان مش هيكون في حد يغير الغلط اصلا وبدين هو مين اللي هيغير السلوك الغلط ده ومين هغير البلد للاحسن مش احنا ؟ انا وانت وهو وهي وللا احنا مستنين حد يجيلنا من بره يغير لنا البلد
ان الله لا يغير ما بقوم حتى يغيروا ما بأنفسهم

-

-

الموضوع: مصري

LinkBack

أدوات الموضوع

عرض

-

-

-

-

-

-

المواضيع المتشابهه

يا مصري ليه

ليه مات 61 حاج مصري ؟

مصري

مناقشة هادئة لموضوع مصري و مش مصري

انا مصري انت مين

الكلمات الدلالية لهذا الموضوع

المفضلات

المفضلات

ضوابط المشاركة