الموضوع: مصري

المشاركة الأصلية كتبت بواسطة تامر.محمد

+1



يابو حميد
هل ممكن تجرب تقرا عن الاستبداد و تأثيره على الشعوب ؟
هل قريت طبائع الاستبداد و مصارع الاستعباد للكواكبي مثلا ؟
هل بصيت و تأملت في حال بني اسرائيل في قصة سيدنا موسى ؟
هل سألت نفسك ليه كانوا بيعملوا اللي بيعملوه ده ؟
طب ليه سألت نفسك عن سبب ان التيه كان 40 سنة ؟
هل شفت عملية الفلترة اللي حصلت قبل المعركة اللي فيها قتل داوود جالوت تحت قيادة طالوت ؟
سألت نفسك حصلت ليه ؟

بص يابو حميد , فيه حاجة اسمها السنن الكونية , دي كان كتب فيها شوية مجدي حسين لو تسمع عنه , السنن الكونية دي متحققة في الطبيعة الانسانية و غالبا قواعد ثابتة زي قواعد الفيزيا بالظبط , القواعد دي بتنطبق بنسبة كبيرة على الشعوب و بتحدد الشكل العام للشعوب دي خصوصا في فترات التغيير و بتفسر كيفيفة التغيير و آثار التغيير ايا كان اتجاهه

ده اللي حصل مع الشعب المصري في النص قرن اللي فات , و ده اللي بيفسر ليه الاجيال الجديدة (اللي بيقولوا عليها مش متربية) نفعتها قلة تربيتها و اللي ربى منهم نفسه ربى نفسه لكن اغلبهم طلعوا احرار , بعكس اللي قبلهم اللي اتربوا فعلا , لكن في وسط ما اتربوا اتزرع فيهم المشي جوة الحيط و الخنوع, و ده ما حصلش طبعا مع الاجيال الجديدة

ابحث في اخلاق بني اسرائيل على عهد سيدنا موسى عليه السلام , هاتندهش الاول من انطباق ده مع ناس كتير اوي مننا , و شوية هاتلاقي ان دي نفسية شعب عاش تحت الاستبداد و تأقلم عليه

كلام حضرتك جميل اوي
جميل بجد مش بتريأ

بس ممكن حضرتك توضحلي علاقة بني اسرائيل بالشعب المصري واوجه التشابه في المقارنة

الحاجة التانية هي مشكلتنا دلوقتي اننا اتربينا ؟؟؟؟
انا معاك ان 90% من مواليد الثمانينات متربين علي المشي جنب الحيط ولكن مش جبن هو اتقاء الشر وانا اكبر مثال علي ذلك لا افقه شئ في السياسة وعمري ما سمعت الحاج بيتكلم فيها ومش بفهم كلامكم اساسا

تقبل مروري