استفسار عن صوت طالع من دركسيون النترا 2012

**amgomaa** · 02-02-2012 12:30 AM

انا والحمد لله معايا النترا 2012 ساعات مش دايما لما بكون ماشى بالعربيه فى خط مستقيم واكسر الدركسيون شمال فجأه لاى سبب يطلع صوت تكه خفيفه من الدركسيون الصوت مبيبقاش باين الا وانا قافل الازاز بتاع العربيه بالكامل وماشى بسرعه مش عاليه وكمان ساعات يطلع لما بكون ماشى فى حته الطريق فيها مكسر فهل الصوت ده عادىولا مقدمه لحاجه تانيه لاقدر الله لانه مبيظهرش الا لما بكسر الدركسيون فجاه وكمان الباور مفيهوش اى مشكله ولا فيه لمبة esp منوره برجاء حد يطمنى لان العربيه خليجى ملهاش ضمان العربيه و عامله 1500 كيلو معلهش اول مره اركب عربيه الباور بتاعها كهرباء ومش فاهم ياريت حد من ملاك الالنترا يطمنى ربنا يطمن قلوبكوا وله منى الف شكر

**SAMEH_FOUAD** · 02-02-2012 06:22 PM

هو عموما ان شاء الله مافيش مشكلة هنا من ناحية الباور الكهربائى

لكن المشكلة هنا انك لازم تستنى شوية لحد مالعفشة تطبع مع بعضها او تروح تربطها كويس الاول وبردة تكشف عليها لكن لسة مش هتحس بالعفشة دلوقتى الا ان شاء الله بعد 5000 الاف كيلو

**Kareem Fawzy** · 12-02-2012 11:23 AM

جرب روح اى مركز صيانة معتمد لهيونداى بيقبل العربيات الخليجى عادى
وانا انصحك بمركز الاقصى اللى فى زهراء المعادى

**Hussein_Ramdan** · 14-02-2012 01:52 PM

هههههههههههههه ونا كمان نفس الحوار دة عندى انا هروح اعمل صيانة ال 10000
لما اروح التوكيل هبئا اقولك عملت اية

**amgomaa** · 16-02-2012 10:36 PM

المشاركة الأصلية كتبت بواسطة Hussein_Ramdan

هههههههههههههه ونا كمان نفس الحوار دة عندى انا هروح اعمل صيانة ال 10000
لما اروح التوكيل هبئا اقولك عملت اية

نفس الحوار اللى هو الصوت الطالع من الدركسيون و لا صوت التاكيهات اللى الاستاذ kbrma بيسال عنه

**amgomaa** · 17-02-2012 12:26 AM

المشاركة الأصلية كتبت بواسطة kareem fawzy

جرب روح اى مركز صيانة معتمد لهيونداى بيقبل العربيات الخليجى عادى
وانا انصحك بمركز الاقصى اللى فى زهراء المعادى

رحت بالفعل مودرن سيرفيس ودفعت فى صيانة الالف 505 جنيه علشان خليجى و ربطوا العفشه الصوت اختفى تماما لمدة اسبوع وابتدى يظهر تانى وعامة هو صوت بسيط جدا غير مسموع الا لما تكون قافل الازاز تماما وكمان الشارع هادى جدا وساعات كمان يظهر وساعات لا عامل زى صوت التكه بتاعة تجربة الفيوزات الف شكر لكل اللى ردوا