تحذير الدائري (المريوطيه - القاهره الجديده )

**AhMeD MeTwAlY** · 02-02-2012 02:32 PM

المشاركة الأصلية كتبت بواسطة mohamedbook

طلع عليا شوية بالطجيه كان معاهم سنج وعصي عند طلعة المنيب من ناحية سوق السمك ورجعت عكس فورا
المكان ده مليان بلطجية ياريت محدش يمش متاخر

يا جماعه مش لوحدي يعني الي عندي الخبر
وبعدين الكلام ده واحد صحبي اتصل بيا امبارح وقالي وكلمني عشان عارف ان انا همشي من الزقازيق الفجر ورايح القاهره الجديده

**TOOLA** · 02-02-2012 02:52 PM

كل الخدوا الدائرى دلوقتى مشفوش حاجة, و العندو برنامج "بيقولك" هيتأكد من كلامى, لكن بالنسبة للعربية المخطوفة, فعلن ده انا سمعتو الصبح على الراديو و كان مكتوب فى بيقولك, و القال الخبر هو العقيد الضبع بتاع المرور البيطلع فى الراديو و نشر بيانات العربية و رقمها عشان لو حد شافها يبلغ.

**newuser2009** · 02-02-2012 02:55 PM

دي محاوله لافزاع المصريين
احنا قوتنا في تجمعنا
في ناس عايزين يخوفونا علشان نقعد في بيوتنا
علشان يطلقوا علينا بلطجيتهم و يخوفونا
لكننا هاننزل و هانقف جنب بعض
و مش هنخاف باذن الله

**AhMeD MeTwAlY** · 02-02-2012 03:06 PM

ده لفزع ولي شئ انا كل الموضوع قولت اعرف الناس الي كانت ناويه تمشي امبارح بليل علي الدائري وبس

**Unendlich** · 02-02-2012 03:58 PM

أنا ماشي امبارح باليل من الشيخ زايد لمصر الجديدة الساعة 9.30 و مكانش في أي حاجة
و ابن عمي برده بس للتجمع انهارده الساعة 12 و برده ولا الهوا
يا رييييييييييييييت ما ننشرش حاجة غير لما نتأكد منها عشان احنا شعب بيعشق كلمة "بيقولك" و بتودينا في داهية

**Mohamed.Ramah** · 02-02-2012 04:32 PM

المشاركة الأصلية كتبت بواسطة mohamedbook

طلع عليا شوية بالطجيه كان معاهم سنج وعصي عند طلعة المنيب من ناحية سوق السمك ورجعت عكس فورا
المكان ده مليان بلطجية ياريت محدش يمش متاخر

قدر الله ماشاء فعل وحمدلله على سلامتك يا محمد وياريت كل الاخوة الاعضاء ياخدوا بالهم خاصة اليومين دول توقعو اى مكان ممكن يكون بة مشاكل بسبب الاحداث الاخيرة ربنا يستر

**bassam nagy** · 02-02-2012 05:53 PM

لسة على الدائرى ناس كانت ارسلت لبرنامج على الراديو رسايل تحذير وجابوا المقدم ايمن الضبع قال فى دوريات مرور وانوا كان بايكلم قائد المنطقة الشمالية وقالو مافيش اى بلطجية على الدائرى الكلام دة على الراديو الساعة 5