تحذير الدائري (المريوطيه - القاهره الجديده )

**Land_Cruiser** · 02-02-2012 06:56 PM

شكرًا على التحذير

**mohamedbook** · 02-02-2012 09:06 PM

المشاركة الأصلية كتبت بواسطة mohamed.ramah

قدر الله ماشاء فعل وحمدلله على سلامتك يا محمد وياريت كل الاخوة الاعضاء ياخدوا بالهم خاصة اليومين دول توقعو اى مكان ممكن يكون بة مشاكل بسبب الاحداث الاخيرة ربنا يستر

الكلام ده كان يوم 28-1-2011 يوم سقوط الشرطة يعني المكان ده فعلا بيطلع فية بلطجية كتير جدا انا لا استبعد انه في نفس المكان يحصل فية اي حاجة
ياخونا متخدوش الموضوع باستخفاف عشان الموقف لو اتعرضتله هيكون اصعب مايكون ربنا يعفيكم جميعا

**koki4life** · 02-02-2012 09:29 PM

التحذير فعلا كان سليم جدا ......والسيارة التي تبحث عنها الشرطة هي سيارة أحفاد عثمان أحمد عثمان الذين تم خطفهم مع السائق الخاص بهم ........والخاطفون يطلبون فدية 5 ملايين جنيه .........أعقد أن القبض عليهم لن يطول لأن حظهم الأسود وقعهم مع شخص غير عادي

الخبر هنا
http://www3.youm7.com/News.asp?NewsID=592924&

**graffittiii** · 02-02-2012 09:43 PM

المشاركة الأصلية كتبت بواسطة newuser2009

دي محاوله لافزاع المصريين
احنا قوتنا في تجمعنا
في ناس عايزين يخوفونا علشان نقعد في بيوتنا
علشان يطلقوا علينا بلطجيتهم و يخوفونا
لكننا هاننزل و هانقف جنب بعض
و مش هنخاف باذن الله

يباشا إفزاع إيه بس م الناس كل يوم بتتسرق وبتتثبت ....
وبعدين الراجل كاتب الخبر ده ف وقت متأخر من الليل ف خبر تصدقة وانت مغمض أصلا أمال يعني البطجية لو منزلوش ف الوقت ده هينزلو أمتي ؟!!.

علي كل حال أنا مع حضرتك ف أن قوتنا ف تجمعنا بس الناس مش هتسيب حياتها وتنزل تعمل لجان شعبية بشكل يومي ....

لكن مما هو مؤكد أن الشرطة لاعلاقة لها بصد البلطجية ...

**mrwho1982** · 03-02-2012 12:56 AM

تويتة وفيس بوكاية شغالة من امبارح باليل

ترويع مبالغ فية بس عالعموم صاحب الموضوع ليه مني كل الشكر والاحترام

هحكي موقف كده بسيط
يو 6 /2 /2011 ايام اللجان الشعبية هنا في التجمع
لقينا بوكس حرس جمهوري فيه عسكري و مقدم
قاعد يعدي علي اماكن اللجان وبيقول كده باللفظ

خاللي بالكم فيه عربية سودا جيب لسه معدية من كمين وكانت بتضرب نار عالناس وكسرت الكمين وجريت

رجعت بقول لجوز اختي هو ضابط في الجيش .............قعد يضحك ويقولي بيشتغلكم

وفعلا في اليوم ده كل عربية سودة جيب كانت بتتفتش بضمير

وان حد يعدي ......مفيش

في ناس هدفها زعزعة الامن وان الناس تقلق

اسف للاطالة وشكرا