عاوز أجيب سلاح .. مساعده ضرورى !!

**mxz911** · 02-02-2012 05:52 AM

السلام عليكم

فى ظل الظروف الراهنه فى البلاد وفى ظل الانفلات الامنى وكتره المشاكل والخلافات واللى بقى أسهل حل ليها هوه القتل او الحرق والتدمير ... الخ الخ

أنا عاوز اشترى سلاح لان البلد بقي فيها حاله من الفوضى الرهيبه ...

اللى خلانى افتح الموضوع ده النهارده وبالذات دلوقتى لانى نزلت من البيت على بليل 11 ليلا وانا نازل ف الشارع بتاع بيتى.. شارع رايح جاى حارتين.. ماشى لسه مبقاليش 30 متر لقيت تاكسى جاى فاتح العالى فى وشى ف رحت فتحتله العالى فى وشه راح جاى بسرعه جدا فى حارتى قدامى وكأنه هيخبط فيا وواقف قدامى وانا اتجننت من هنا رحت نازل من العربيه بسرعه من قبل ما يفتح بقه ورحت هابدله على الكبوت و زعقت جامد وشتمت جامد جدا برضه والناس اتلمت وهوه برضه نزل من عربيته وزعق جامد وكنا هنمسك فى بعض لولا الناس حاشت بيننا وهوه يقولى انت بتهبد على الكبوت وانا ازعقله انه وقف فى وشى وهوه من الاول فاتح العالى واخرتها الناس حاشت بيننا وزعق هقول الناس عرفانى وانا هولعلك فى ....* العربيه ومش عارف ايه وراح ماشى ...

ده اللى حصل بالظبط النهارده و طبعا المواقف القذره بتتكرر كتير مع سائقى التاكسى والميكروباصات لكن اللى خلانى أقرر كده النهارده ان الموضوع ده حصل ف الشارع بتاعى وهوه شاف العربيه طالعه منين و بصراحه انا خايف يأذى العربيه أو يأذينى لانه شكله وخلقته من وشه بتاع مشاكل واحنا ناس متعلمه مخدناش على التعامل مع الفئات القذره دى خصوصا انهم بعد الثوره بقوا ماشين بسياسه البقاء للأقوى
ا

طبعا انا مش مجرم ومش عاوز اشترى مسدس اخرمله بيه وشه .. ولكنى عاوز سلاح دفاع عن النفس وفى نفس الوقت سلاح مش قاتل ... و فكرت ف السبراى وال electric . و مسدس صوت اللى بيجرح جامد من مسافه قريبه .. عاوز حاجه ميعاقبش عليها القانون لو اتمسكت بيها ف كمين مثلا .. انا كل خروجاتى او نزولى بليل وبرجع فى اوقات زى 3 بليل ..4 .. الفجر .. فى اوقات مش امان من الاخر

انا خارج 7 الصبح ومش جايلى نوم حتى الان بسبب الموضوع ده .. وعلى فكره انا اخدت رقم عربيته ونوعها للاحتياط واديتهم ل 2 صحابى عشان لو لا قدر الله حصل حاجه ..

شكرا للمساعده

**mohamedbook** · 02-02-2012 06:49 AM

لو كان معاك سلاح كنت ضربتة بالنار

**mxz911** · 02-02-2012 06:51 AM

انا اتعصبت جدا وقتها والله ومش عارف هوه ممكن يعمل ايه لذلك توخى الحذر واجب وكمان عشان كده انا طلبت سلاح مش قاتل فى حاله لاقدر الله متمالكتش اعصابى .. اعتقد اكيد اى واحد بيسوق عارف سواقه الميكروباصات والتاكسى عامله ازاى وقذارتهم ف السواقه

**mohamedbook** · 02-02-2012 07:23 AM

سمعت عن المحاسب الي قتل سواق ميكروباص في جامعة الدول
كان معاه سلاح الواد بتاع الميكروباص مات والمحاسب دخل السجن واهل الواد قافلين جامعة الدول غير موضوع الثأر وقصص مش هتنتهي حاول تكبر دماغك اليومين دول عشان البلد اتملت بالطجية ومفيش حكومة ولا جيش بيحموا الناس
حاول تخرج من الموضوع بهدوء وربنا يصلح حلنا جميعا يكفينا شر خلقة
قال رسول الله صلي الله عليه وسلم من صلى الفجر ، فهو في ذمة الله ، فلا يطلبنكم الله بشيء من ذمته
الراوي: سمرة بن جندب المحدث: الألباني - المصدر: صحيح الجامع - الصفحة أو الرقم: 6344
خلاصة حكم المحدث: صحيح
الدرر السنية - الموسوعة الحديثية

**a_samy** · 02-02-2012 11:27 AM

حدثنا قتيبة بن سعيد وعثمان بن أبي شيبة واللفظ لقتيبة قالا حدثنا جرير عن الأعمش عن إبراهيم التيمي عن الحارث بن سويد عن عبد الله بن مسعود قال قال رسول الله صلى الله عليه وسلم ما تعدون الرقوب فيكم قال قلنا الذي لا يولد له قال ليس ذاك بالرقوب ولكنه الرجل الذي لم يقدم من ولده شيئا قال فما تعدون الصرعة فيكم قال قلنا الذي لا يصرعه الرجال قال ليس بذلك ولكنه الذي يملك نفسه عند الغضب

أنا عارف أن الناس بقت وحشه أوى دلوقتى والسواقه بقت زى الزفت فى الشوارع اللى بقت أنيل من الأول,نصيحتى لك ولنفسى أهدى شويه وأستعن بالله ولا تغضب وأدعى ربنا الفتره دى تعدى على خير وحاول متتأخرش باليل كتير عشان كلاب الشوارع الضاله اللى بقت منتشره دلوقتى فى كل مكان.
حفظك الله ورعاك

**wa7d** · 02-02-2012 12:03 PM

نصيحة من واحد عصبي , متشلش سلاح خالص , حاول تتعامل مع المشاكل بهدوء او برود او حتي تتجاهلها لغاية من الايام المنيلة دي تعدي

**yascro** · 02-02-2012 12:19 PM

كلام اخ لاخ
من اللى انت بتقوله ده انت مينفعش تشيل سلاح خالص
ولا حتى شومه انت عصبى جدا
وممكن تثار بسهوله
انا والله العظيم بتكلم عشان مصلحتك شيل الفكره دى من دماغك
خالص

**nicegypt** · 02-02-2012 01:17 PM

عن نفسى بسبب كام موقف حصل ولسة اخرهم موقف زي الزفت
شيلت سلاح ف عربيتى واللى هيعترض طريقى هسامحة وهديلة فرصة .. مد اية وقل ادبة يبقى جابة لنفسة
.. زي اللى كسر عليا امبارح ووقفنى
ويمسك فيا وانا رابط الحزام حوالية وبناقشة وبعرفة انة غلطان .. علماَ ان مفيش اي حاجة حصلت سوي انة كسر عليا وانا تجاهلتة ومردتش اعدية لانى ماشى فى حارتى صح هو يدوس فرامل لما يلاقى مقابل ويهدي مش يكسر عليا .. ومفيش اي خسائر حصلت لا ف عربيتة ولا عربيتى سوى الخضة فقط !! ويعمل الفيلم الهندي دة !! امال لو لبس ف الرفرف وعمل خساير كان اية الحال ؟
مفيش غير السلاح
واعتقد موقف زى دة عندي حق وبعد الطلقة امشى وزي متيجي سجن سجن
بدء يلوش وانا مربوط ف ام الحزام وهو الغلطان والناس مسكتة وبتقولة انة الغلطان شالو شيل من ع الارض
وبرجلة بيرفس وبيرزع ف الباب بعد ماشلو الناس من ع الارض وكتفو فلت منهم وجاي لي راحو مسكينو وقالو لة انة هينضرب لو مركبش عربيتة ومشيت .. السلاح كنت شايلة ف الشنطة ورا ومش متعمر شوفتو الغباء ؟
انهاردة بقى ف الكونصولة قدامى ومتعمر .. والله زي متيجي معايا
خلونا نتكلم بواقعية شوية .. فية مواقف مفهاش غير الدفاع عن النفس .. لما تكلم واحد بأحترام وانت انسان محترم ومتعلم
وهو انسان بيئة وبيحاول يستغل دة ويوقف الطريق ويكسر عربيتة قدامك عشان يجبرك ع الوقوف والناس تشيلة شيل
من الارض تودية عربيتة ويفلت منهم ويجي لك تانى ومش عجبة تعمل معة اية ؟ نتنظر لحد ما يجيب حاجة من عربيتة ويجي لك صح ؟ الكلام بواقعية افضل

**smsm_nabawy** · 02-02-2012 01:44 PM

أرجوك يا اخي في الله تمهل !!

ولو مصر ،، ممكن تجيب سلاح "طبنجة صوت" !! بس مش اكثر !!

بس أحترس علشان بردوا دي بتتعدل و بتضرب خرز "رمان بلي" !! و بتبقى على المدى القصير و القريب مدمرررررة و مضرة جداً كأنها رصاص حي !! و ممكن تقتل !!

و لكن أحترس لو جبتها أوعى تقلبها رمان بلي !!! علشان مصلحتك !!

جيبها صوت و يادوبك هوش بيها أي حد بس !! :) و لكن نصيحتي قلتها أحسن

أقولك ليه !
دي او أ،ت طلعتها في الشارع و ا،ت بتتعارك مع حد "و طبعاً واضح جداً انك عصبي و أكيد لما تتعارك مع حد حتجري عليها و تطلعها !! حترعب الناااااااس ده 1
2 بقا ،، ان ممكن الناس لما تعرف أن دي طبنجة صوت بعد انت متضرب بيها طلقتين كده في الهواء ،، تتلم عليك تضربك علشان أنت معاك سلاح و رعبتهم !!
3 ممكن الي قدامك بعد ميكتشف أنه سلاح صوت !! حيجي عليك يقتلك !!
4 ممكن الي قدامك هوا كمان يكون معاه سلاح و لما يشوفك أنت طلعت سلاح ،، أياً كان بقا ،، حيطلع هوا كمان سلاحه و تبقى مجزرة !!
5 لو بعد الشر طلع عليك بلطجية في اطريق سفر ،، دول بيبقوامعاهم أسلحة "رشاشات حية و هكذا" !!

حتى لو المسدس الي معاك حي ،، ساعتها مش حيفيدك بردوا !! حتقعد تلعب معاهم كونتر سترايك !! و احتمال كبير جداً تتأذى !! :(( "بعد الشر عنك و عن أي مصري مسالم" !!!

6-لو أتمسكت في كمين تفتيش بسلاح !! دي في حد ذاتها مصيبة ليك !! :((
و هكذا في حاجات تانية ،، بس بلاش أكمل

-

الموضوع: عاوز أجيب سلاح .. مساعده ضرورى !!

LinkBack

أدوات الموضوع

عرض

عاوز أجيب سلاح .. مساعده ضرورى !! - انشر الموضوع فى :

-

-

-

-

المواضيع المتشابهه

عاوز مساعده ضرورى من فضلكم بخصوص Bmw E21

خبر فى الجرنال عن ترخيص سلاح للاشخاص اللى معاهم سلاح مسروق

محتار أجيب ايه ... ضرورى ارجو المساعدة

عاوز مساعده فى الكبالن ضرورى

عاوز عربية!أجيب ايه؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة