الموضوع: الملابس القطنية (100%) الداخلية للرجال

السلام عليكم و رحمة الله و بركاته

أنا كنت عاوز أسأل ايه هى أفضل ماركة للملابس القطنية 100% الداخلية - رجال, اللى أنا كنت أعرفه من و أنا صغير, الJIL اللى هو بتكت أحمر دى و كان فيه نوع كده, لما بروح المحل بلاقيه هناك, اسمه Cottonil , مش عارف اذا كان فيه أنواع تانية ظهرت غيرهم و لا هما دول بس و لو فيه أنواع تانية , يبقى أحسنهم ايه و ايه أفضل مكان أشتريهم منه جملة بأحسن سعر.

فيه ناس بتقول الJIL هو أحسن حاجة و ناس بتقول روح منفذ بيع شركة المحلة الكبرى اللى فى المحلة فى السبع بنات, أنا مش عارف بصراحة.

ياريت اللى عنده فكرة و خبرة فى الموضوع ده, مابيخلش علينا.

شكرا و جزاكم الله كل خير.

جيل فى رأييى سعر على الفاضى و فيه حاجات تانى بنفس الجوده و السعر

عثمان (زمان كان كويس جدا جدا دلوقتى الخامه اختلفت شويه خصوصا فانلات الشتوى الكم الطويل)

قطونيل (خامه مريحه جدا و ناعمه جدا بس بيمط مع الغسيل المتكرر بمياه ساخنه درجه 90 فى الغسالات الاوتوماتيك فلو جبته اغسله على 60 مش 90)

كنوز (ماركه جديده محترمه جدا و خامتها حلوه و مش بتمط بس مش منتشره فى المحلات زى الحاجات التانيه مره لقيتها صدفه فى التوحيد و النور و بعدها سألت عليها فى كذا مكان محدش يعرفها)