حد هنا في ليبيا او السوادن يقدر يفيدني اني عاوز افتح فيهم شغل

**misoalex** · 03-02-2012 08:22 PM

المشاركة الأصلية كتبت بواسطة elpasha009

معلش حضرتك ممكن تقولي فاتح محل ايه وفين في السودان؟؟

فين بالظبط فى السودان مش فاكر اسم المكان اللى هو قاللى عليه
بس هو شغال فى مجال المحمول وقاللى ان المول اللى هو فاتح فيه ده بيجيله ناس من اماكن بعيده بالساعه والساعتين بالعربيه لانه تقريبا المكان الوحيد هناك او المكان الشهير هناك

طيب ممكن تقول الكلام ده صح ولالا وهل فعلا بعد الانقسام الحال بقى اسوأمن الاول ولا الفرق مش كبير

**amgad29** · 04-02-2012 12:12 PM

فعلا زي ما ذكر الاستاذ/ميسو الكس الوضع الاقتصادي بقى سيء جدا في السودان الانفصال احد اهم الاسباب الحاجة التانية انتهاء مهمة الامم المتحدة هنا اللي كان شغال فيها اكتر من 50 الف اجنبي غير عدد كبير جدا من السودانيين و ده كان عامل رواج كبير و ضخ للعملة الصعبة و بعدين مشكاة ضخ البترول الاخيرة بين الشمال و الجنوب ده غير الحروب الداخلية هنا
كل ده اثر سلبا على الاقتصاد وبدأ يأثر على الامن (بس طبعا الخرطوم مازالت أءمن من القاهرة حتى و هي في افضل حالاتها قبل الثورة)
هديك مثال واحد الدولار كان من سنتين اتين في حدود 2 جنيه سوداني دلوقتي في السوق السودا عدا الخمسة الجنيه و سعره الرسمي 2.8
انا مش شغال شغل خاص فمش هقدر افيدك كتير في ده لكن الكل بيشتكي هنا.
وفي المقابل السودان بلد طيب ممكن تنزل زيارة بنفسك مش محتاج فيزا بس الحياة هنا غالية
وربنا يوفقك

**أبو صلاح** · 04-02-2012 12:40 PM

افضل المجالات الحالية في السودان هي الزراعة
وخصوصا في المنطقة الشمالية
كله بيبعد عن الجنوبية لان دي فيها ضطرابات امنية جامد وغير كده مش جيد للزراعة زي الشمالية

حاليا افضل الاراضي خصوبة كلها متباعة من زمان برخص التراب (فيه ملاك مصريين كتير وشركات مصرية بتعمل إعادة بيع)

لكن في اراضي تانية مستصلحة لكنها غير صالحة لكل انواع المنتجات الزراعية لكنها رخيصة جدا

والشراء هناك سهل لاي اجنبي
مشكلتك هتبقى في العمالة لانك لازم تاخد عمالة من البلد اللي انت فيها
ممكن تدخل حد من بره زي ما انت عايز بس ممكن تلاقي مضايقات من اهل المكان اللي انت فيه

الكلام ده من على مواقع رسمية حكومية سودانية
ومن واحد سواني كان شغال معايا واهله كلهم شغالين في الزراعة وساب السعودية ورجع علشان يمسك ارض جده لان تقريبا الحكومة هددتهم بالمصادرة لانها في منطقة خصبة جدا واصحابها مش بيزرعوها ولا مهتمين بيها

كمان الاستثمار في مجال المواشي رائع فوق ما تتخيل خصوصا مع توافر مساحة ارض كبيرة

طبعا اكيد في شركات خدمية للزراعة زي شركات اللي بتبيع المعدات الزراعية ومعدات الري
وكنت قرأت على كذا منتدى تبعهم انهم بيستوردوا المكن ده مستعمل ويبيعوه على اقساط أو يأجروه
وكانت معظم قطع الغيار بتاعة المكن ده لزوم صيانته وتجديده بتيجي من مصر لكن المكن نفسه افضل مكام مستعمل هو السعودية

**misoalex** · 05-02-2012 01:39 AM

المشاركة الأصلية كتبت بواسطة amgad29

فعلا زي ما ذكر الاستاذ/ميسو الكس الوضع الاقتصادي بقى سيء جدا في السودان الانفصال احد اهم الاسباب الحاجة التانية انتهاء مهمة الامم المتحدة هنا اللي كان شغال فيها اكتر من 50 الف اجنبي غير عدد كبير جدا من السودانيين و ده كان عامل رواج كبير و ضخ للعملة الصعبة و بعدين مشكاة ضخ البترول الاخيرة بين الشمال و الجنوب ده غير الحروب الداخلية هنا
كل ده اثر سلبا على الاقتصاد وبدأ يأثر على الامن (بس طبعا الخرطوم مازالت أءمن من القاهرة حتى و هي في افضل حالاتها قبل الثورة)
هديك مثال واحد الدولار كان من سنتين اتين في حدود 2 جنيه سوداني دلوقتي في السوق السودا عدا الخمسة الجنيه و سعره الرسمي 2.8
انا مش شغال شغل خاص فمش هقدر افيدك كتير في ده لكن الكل بيشتكي هنا.
وفي المقابل السودان بلد طيب ممكن تنزل زيارة بنفسك مش محتاج فيزا بس الحياة هنا غالية
وربنا يوفقك

شكرا لتأكيد كلامى

وكده كلام صاحبى كله صح لانه قاللى نفس الكلام بالظبط ان هناك امان ناس طيبه
والسكن والمعيشه هناك حاليا غاليه شوبه