ازيكم يا شباب
ليبا والسوادن دلوقتي تقريبا برضه بقو سوق مفتوح طالب كل المجالات لاعادة الاعمار
وكنت عاوز اعمل شغل هناك
بس مش عارف ابداء ازاي
انا مجال شركتي شبكات ري ولاندسكيب ( تصميم - توريد - تنفيذ - صيانة - .... )
فهل حد هناك يقدر يفيدني ؟
ازيكم يا شباب
ليبا والسوادن دلوقتي تقريبا برضه بقو سوق مفتوح طالب كل المجالات لاعادة الاعمار
وكنت عاوز اعمل شغل هناك
بس مش عارف ابداء ازاي
انا مجال شركتي شبكات ري ولاندسكيب ( تصميم - توريد - تنفيذ - صيانة - .... )
فهل حد هناك يقدر يفيدني ؟
1+
خدني معاك
ليبيا ايه بس ؟ الوضع الامني هناك تحت الصفر
صاحبى كان فاتح محل فى مول فى السودان
قابلته من شهرين تقريبا هنا فى مصر بيقوللى الشغل بقى زفت بعد الانقسام
قبل الانقسام كان الشغل كويس
لكن بعد كده بقت العمليه مغطيه نفسيها
بس بيقوللى البلطجه والحجات دى نادره هناك
اصلهم شغالين بنظام الديه
يعنى اللى يعور واحد يدفع مبلغ واللى يضرب واحد يدفع مبلغ وهكذا فبيخافو يتخانقو بيقوللى اخرهم كلام بس
يعنى ممكن يقعد يتخانق معاك نص ساعه كلام بس هههههههههههه
ليبيا انا كنت قاعد فيها من 5 سنين منصحكش بيها الصراحه بلد ممله وشعبها استغفر الله العظيم
ده غير اصلا ايام القذافى مفيهاش لا امن لا امان ما بالك دلوقتى
اللى يقولك ليبيا كان فيها امان ايام القذافى لامؤخذه فى الكلمه اقلع اللى فى رجلك واديله بيه
القتل هناك كان اسهل حاجه وخصوصا المصريين لان معروف انهم ملهمش ديه
الا لو كنت مصرى عرباوى من فبيله معروفه مثلا زى اولاد على وكده عشان عارفين ان ليك ضهر وليك ولاد عم والكلام ده
وليبيا برضه كانت ماشيه بالديه فى القتل واسهل حاجه هناك ان ليبيى يحبس مصرى او يلبسه مصيبه
كل ده ايام القذافى
الان معرفش عنها غير اقوال متضاربه ناس تقول امان وناس تقول زى الزفت
بس اللى انا شايفه ان الاوضاع لو اتظبطت مكانش يبقى فيه ليبيين قاعدين فى اسكندريه لحد دلوقتى كانو زمانهم رجعو بلدهم ولا ايه
رأيى خليك فى المضمون السعوديه الكويت والحجات دى
ايوه يا افندم انا شغال في مجال نباتات الزينة وتنسيق الحدئق وشبكات الري سواء تصميم - تنفيذ - توريد
بالنسبة للاعمال الي قمت بيها ممكن ابعت لحضرتك سابقة الاعمال الخاصة بيا والخاصة بالشركة بتاعتي بحيث اني هبقي صعب اذكرها كلها هنا
واستأذن حضرتك في الميل الخاص بيك
فين بالظبط فى السودان مش فاكر اسم المكان اللى هو قاللى عليه
بس هو شغال فى مجال المحمول وقاللى ان المول اللى هو فاتح فيه ده بيجيله ناس من اماكن بعيده بالساعه والساعتين بالعربيه لانه تقريبا المكان الوحيد هناك او المكان الشهير هناك
طيب ممكن تقول الكلام ده صح ولالا وهل فعلا بعد الانقسام الحال بقى اسوأمن الاول ولا الفرق مش كبير
فعلا زي ما ذكر الاستاذ/ميسو الكس الوضع الاقتصادي بقى سيء جدا في السودان الانفصال احد اهم الاسباب الحاجة التانية انتهاء مهمة الامم المتحدة هنا اللي كان شغال فيها اكتر من 50 الف اجنبي غير عدد كبير جدا من السودانيين و ده كان عامل رواج كبير و ضخ للعملة الصعبة و بعدين مشكاة ضخ البترول الاخيرة بين الشمال و الجنوب ده غير الحروب الداخلية هنا
كل ده اثر سلبا على الاقتصاد وبدأ يأثر على الامن (بس طبعا الخرطوم مازالت أءمن من القاهرة حتى و هي في افضل حالاتها قبل الثورة)
هديك مثال واحد الدولار كان من سنتين اتين في حدود 2 جنيه سوداني دلوقتي في السوق السودا عدا الخمسة الجنيه و سعره الرسمي 2.8
انا مش شغال شغل خاص فمش هقدر افيدك كتير في ده لكن الكل بيشتكي هنا.
وفي المقابل السودان بلد طيب ممكن تنزل زيارة بنفسك مش محتاج فيزا بس الحياة هنا غالية
وربنا يوفقك
افضل المجالات الحالية في السودان هي الزراعة
وخصوصا في المنطقة الشمالية
كله بيبعد عن الجنوبية لان دي فيها ضطرابات امنية جامد وغير كده مش جيد للزراعة زي الشمالية
حاليا افضل الاراضي خصوبة كلها متباعة من زمان برخص التراب (فيه ملاك مصريين كتير وشركات مصرية بتعمل إعادة بيع)
لكن في اراضي تانية مستصلحة لكنها غير صالحة لكل انواع المنتجات الزراعية لكنها رخيصة جدا
والشراء هناك سهل لاي اجنبي
مشكلتك هتبقى في العمالة لانك لازم تاخد عمالة من البلد اللي انت فيها
ممكن تدخل حد من بره زي ما انت عايز بس ممكن تلاقي مضايقات من اهل المكان اللي انت فيه
الكلام ده من على مواقع رسمية حكومية سودانية
ومن واحد سواني كان شغال معايا واهله كلهم شغالين في الزراعة وساب السعودية ورجع علشان يمسك ارض جده لان تقريبا الحكومة هددتهم بالمصادرة لانها في منطقة خصبة جدا واصحابها مش بيزرعوها ولا مهتمين بيها
كمان الاستثمار في مجال المواشي رائع فوق ما تتخيل خصوصا مع توافر مساحة ارض كبيرة
طبعا اكيد في شركات خدمية للزراعة زي شركات اللي بتبيع المعدات الزراعية ومعدات الري
وكنت قرأت على كذا منتدى تبعهم انهم بيستوردوا المكن ده مستعمل ويبيعوه على اقساط أو يأجروه
وكانت معظم قطع الغيار بتاعة المكن ده لزوم صيانته وتجديده بتيجي من مصر لكن المكن نفسه افضل مكام مستعمل هو السعودية